تیراہ میں آپریشن جیسا حساس معاملہ وفاق پر ڈالنا گمراہ کن حکمت عملی ہے، اپوزیشن لیڈر خیبرپختونخوا اسمبلی
اشاعت کی تاریخ: 2nd, February 2026 GMT
تیراہ متاثرین کے حق میں باڑہ سیاسی اتحاد کے وفد نے خیبرپختونخوا اسمبلی میں قائد حزب اختلاف ڈاکٹر عباداللہ خان سے ملاقات کی۔
ڈاکٹر عباداللہ خان نے اس موقع پر کہاکہ تیراہ آپریشن کے حوالے سے صوبائی حکومت کی منظم پروپیگنڈا مہم جاری ہے، اور آپریشن جیسے حساس معاملے کو وفاق پر ڈالنا ایک گمراہ کن حکمتِ عملی ہے۔
مزید پڑھیں: ریاستی اداروں پر گمراہ کن الزامات لگانے کا کیس: سہیل آفریدی کے ناقابل ضمانت وارنٹ گرفتاری جاری
انہوں نے متاثرین کے اندراج میں سیاسی مداخلت اور کرپشن پر شدید تحفظات کا اظہار کیا اور کہاکہ وزیرِ اعلیٰ کی جانب سے چندہ مانگنا اپنی کرپشن چھپانے کے مترادف ہے۔
قائد حزب اختلاف نے واضح کیاکہ صوبائی حکومت کی طرف سے متاثرین کو تاحال کوئی عملی امداد فراہم نہیں کی گئی اور سوشل میڈیا پر پی ٹی آئی کی جانب سے پھیلایا جانے والا غلط تاثر بھی تشویش کا باعث ہے۔ متاثرین کے مسائل کو سیاست سے بالاتر ہو کر حل کرنا ضروری ہے۔
ڈاکٹر عباداللہ خان نے یاد دہانی کروائی کہ 25 ستمبر کے قومی جرگے میں تمام متعلقہ فریقین موجود تھے، لیکن اب منہ پھیرنا ذمہ داری سے فرار ہے۔
انہوں نے کہاکہ آپریشن کی اجازت دینے کے بعد ذمہ داری سے منہ موڑنا عجیب منطق ہے اور امن و امان کے قیام اور تیراہ متاثرین کی بحالی اولین ترجیح ہونی چاہیے۔
قائد حزب اختلاف نے مزید کہاکہ قومی جرگے نے صوبائی حکومت کی پالیسیوں کو مسترد کیا اور متعدد جرگوں کے باوجود وعدہ خلافی سے مسائل میں اضافہ ہوا ہے۔
مزید پڑھیں: مجھے نااہل کرانے کی کوششیں ہو رہی ہیں، وزیراعلیٰ خیبرپختونخوا سہیل آفریدی کا دعویٰ
وفد اور ڈاکٹر عباداللہ خان نے متفقہ طور پر مطالبہ کیاکہ سیاسی بیانیہ ترک کرکے فوری اور عملی اقدامات کیے جائیں تاکہ متاثرین کو ان کا جائز حق فراہم کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپوزیشن لیڈر باڑہ سیاسی اتحاد خیبرپختونخوا اسمبلی ڈاکٹر عبداللہ وی نیوز.
ذریعہ
ذریعہ: WE News
کلیدی لفظ: اپوزیشن لیڈر باڑہ سیاسی اتحاد خیبرپختونخوا اسمبلی ڈاکٹر عبداللہ وی نیوز ڈاکٹر عباداللہ خان
پڑھیں:
نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائیگا۔ اسلام ٹائمز۔ بھارت میں برسراقتدار مخلوط حکومت کی اتحادی جماعت بی جے پی کے لیڈر اور راجیہ سبھا کے رکنِ پارلیمان انجینیئر غلام علی کھٹانہ نے الزام عائد کیا کہ جموں و کشمیر میں نیشنل کانفرنس کی قیادت والی حکومت عوامی مسائل کے حل میں ہر محاذ پر ناکام ثابت ہوئی ہے، جس کے باعث عوام میں بے چینی اور ناراضگی بڑھ رہی ہے۔ ضلع رامبن کے سب ڈویژن بنیہال میں منعقدہ ایک عوامی دربار سے خطاب کرتے ہوئے جس میں مقامی باشندوں اور سرکاری افسران نے شرکت کی، غلام علی کھٹانہ نے دعویٰ کیا کہ گزشتہ دو برسوں کے دوران تعلیم، صحت، پینے کے صاف پانی اور بجلی کے شعبوں کی حالت مزید خراب ہوئی ہے۔ انہوں نے وزیرِ اعلیٰ عمر عبداللہ کی قیادت والی حکومت پر عوام سے دور ہونے کا الزام عائد کرتے ہوئے زیادہ جوابدہی کا مطالبہ کیا۔
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائے گا۔ انہوں نے مرکز کے زیرِ انتظام جموں و کشمیر کی انتظامیہ کی کارکردگی پر وائٹ پیپر جاری کرنے کا مطالبہ بھی کیا اور گوجر-بکروال برادریوں اور بے گھر کشمیری پنڈتوں کے لئے مزید حفاظتی اقدامات کی ضرورت پر زور دیا۔ عوامی ملاقات کے دوران مختلف عوامی مسائل اور ترقیاتی امور پر بھی تبادلۂ خیال کیا گیا، جس میں مقامی حکام، بی جے پی رہنماؤں اور علاقے کے باشندوں نے شرکت کی۔
وزارت آئی ٹی نے 1.67 ارب روپے سے زاید کے فنڈز طلب کرلیے