امریکا ایران جوہری مذاکرات میں بڑی پیشرفت، ایرانی صدر نے اہم ہدایات جاری کردیں
اشاعت کی تاریخ: 2nd, February 2026 GMT
امریکی صدر ڈونلڈ ٹرمپ کی جانب سے ایران کو جوہری معاہدے کے لیے مہلت دینے اور عدم پیش رفت کی صورت میں سخت فوجی کارروائی کی وارننگ کے بعد سفارتی محاذ پر ایک اہم پیش رفت سامنے آئی ہے۔
بین الاقوامی خبر رساں ادارے کے مطابق ایران کے صدر مسعود پزیشکیان نے امریکا کے ساتھ جوہری معاہدے پر بات چیت کا آغاز کرنے کی باضابطہ ہدایت جاری کر دی ہے۔ ایرانی صدر نے متعلقہ حکام کو امریکا کے ساتھ جوہری امور پر مذاکرات شروع کرنے کے احکامات دیے ہیں۔
مزید پڑھیں: ترکیہ کی امریکا ایران کشیدگی کم کرانے کے لیے کردار ادا کرنے کی پیشکش
ایران کی سرکاری خبر رساں ایجنسی فارس نیوز نے اس پیش رفت کی تصدیق کرتے ہوئے رپورٹ شائع کی، جسے سرکاری روزنامہ ایران اور ایک اصلاح پسند اخبار نے بھی شائع کیا۔ تاہم مذاکرات کے آغاز کی تاریخ اور مقام سے متعلق تاحال کوئی باضابطہ اعلان نہیں کیا گیا۔
اس سے قبل ایرانی وزارتِ خارجہ کے ترجمان اسماعیل بقائی نے بتایا تھا کہ مذاکرات کے لیے طریقہ کار اور فریم ورک تیار کیا جا رہا ہے، جسے جلد حتمی شکل دی جائے گی۔
ان کا کہنا تھا کہ مختلف نکات پر کام جاری ہے اور امید ہے کہ سفارتی عمل کے اگلے مراحل آئندہ دنوں میں مکمل ہو جائیں گے، تاہم انہوں نے بات چیت کے موضوعات کی تفصیل سے گریز کیا۔
دوسری جانب ایک اعلیٰ امریکی عہدیدار نے بھی نام ظاہر نہ کرنے کی شرط پر عالمی خبر رساں ادارے کو بتایا کہ ایران اور امریکا کے درمیان مذاکرات کا آغاز رواں ہفتے متوقع ہے۔
امریکی عہدیدار کے مطابق قطر، ترکیہ اور مصر مذاکرات کاروں کی ملاقات کے انتظامات کو حتمی شکل دے رہے ہیں، جس سے اندازہ ہوتا ہے کہ ان ممالک کا کردار ثالثی کے طور پر سامنے آ سکتا ہے۔
یہ پیش رفت ایسے وقت سامنے آئی ہے جب صدر ڈونلڈ ٹرمپ نے معاہدے کے امکان پر امید ظاہر کرتے ہوئے کہا تھا کہ اس سے مشرق وسطیٰ میں ممکنہ فوجی تصادم کو روکا جا سکتا ہے۔
مزید پڑھیں: مظاہروں کے دوران امریکا ایران کیخلاف فوجی اقدامات پر غور کررہا ہے، سی این این کا دعویٰ
اس سے قبل وہ واضح کر چکے ہیں کہ جوہری معاہدے میں ناکامی کی صورت میں ایران کے پاس وقت تیزی سے کم ہوتا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران جوہری مذاکرات امریکی صدر ڈونلڈ ٹرمپ وی نیوز.
ذریعہ
ذریعہ: WE News
کلیدی لفظ: امریکا ایران جوہری مذاکرات امریکی صدر ڈونلڈ ٹرمپ وی نیوز امریکا ایران پیش رفت کے لیے
پڑھیں:
سعودی عرب کی ابراہیمی معاہدے میں شمولیت تاریخی قدم ہوگا، نیتن یاہو کا ٹرمپ کی شرط پر ردعمل
نیتن یاہو - فوٹو: فائلاسرائیلی وزیراعظم بن یامین نیتن یاہو نے امریکی صدر ڈونلڈ ٹرمپ کے سعودی عرب پر سول جوہری معاہدے کےلیے ابراہیمی معاہدے میں شمولیت کی شرط سے متعلق ردِ عمل دے دیا۔
برطانوی خبر رساں ادارے رائٹرز کی رپورٹ کے مطابق ایکس (سابقہ ٹوئٹر) پر جاری ایک بیان میں اسرائیلی وزیراعظم کا کہنا تھا کہ سعودی عرب کا ’ابراہیمی معاہدے‘ میں شامل ہونا مشرقِ وسطیٰ میں امن و سلامتی کے لیے تاریخی اور عظیم پیش رفت ہوگی۔
خیال رہے کہ نیتن یاہو کی جانب سے یہ بیان امریکی صدر ڈونلڈ ٹرمپ کے اس اعلان کے بعد سامنے آیا جس میں انہوں نے امریکہ اور سعودی عرب کے درمیان ہونے والے سول جوہری معاہدے کا ذکر کیا تھا۔
اپنے بیان میں امریکی صدر کا کہنا تھا کہ امریکی محکمہ توانائی اور سعودی عرب کے درمیان سول جوہری معاہدہ منظور کرلیا جائے گا۔
صدر ٹرمپ نے واضح طور پر یہ شرط رکھی تھی کہ امریکہ اور سعودی عرب کے درمیان یہ سول جوہری معاہدہ اسی صورت ممکن ہوگا جب سعودی عرب باضابطہ طور پر ’ابراہیمی معاہدے‘ کا حصہ بنے گا۔
تاہم یہ علم میں رہے کہ اپنے بیان میں اسرائیلی وزیراعظم نے امریکہ اور سعودی عرب کے اس سول جوہری معاہدے کا براہِ راست کوئی تذکرہ نہیں کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار