عالمی یوم حجاب ‘ ڈھاکا یونیورسٹی کی طالبات میں 1200 حجاب تقسیم
اشاعت کی تاریخ: 3rd, February 2026 GMT
data-id="863a0a8" data-element_type="widget" data-widget_type="theme-post-content.default">
260203-08-13
ڈھاکا (صباح نیوز) عالمی یوم حجاب کے موقع پر ڈھاکا یونیورسٹی کی طالبات میں 1200 حجاب تقسیم کیے گئے، ایک سیمینار اور انسانی زنجیر کا اہتمام کیا گیا۔ ڈھاکا یونیورسٹی سینٹرل اسٹوڈنٹس یونین کے نائب صدر صادق قائم کی زیر صدارت ہونے والے اس سیمینار میں شمیمہ تسنیم، صدر ساملیت ناری ٹریاس اور شاہ جلال یونیورسٹی آف سائنس اینڈ ٹیکنالوجی کی پروفیسر، بین الاقوامی اسلامی یونیورسٹی ملائیشیا کی پولیٹیکل سائنٹسٹ اور جینڈر ریسرچ فیلو سمعیہ رابعہ اورسیکرٹری یونیورسٹی روم نے شرکت کی۔ ڈھاکا یونیورسٹی اسٹوڈنٹس یونین کی سینٹرل ایگزیکٹیو کے ممبران سبی کنہار تمنا اور ام اسوطن رافعہ نے سیمینار کی نظامت کی جبکہ کیریئر ڈیولپمنٹ سیکرٹری مظہر الاسلام اور سینٹرل ایگزیکٹو ممبر ریحان الدین بھی موجود تھے۔ کامن روم، ریڈنگ روم اور کیفے ٹیریا کی سیکرٹری ام سلمیٰ اور یونیورسٹی اسٹوڈنٹس یونین کی ایگزیکٹو ممبران سبی کنہار تمنا اور ام اسوتون رافعہ کی قیادت میں حجاب ریلی نکالی گئی۔ یہ ریلی یونیورسٹی کے وی سی احاطے سے شروع ہوئی اور ٹی ایس سی احاطے میں واقع راجو مجسمہ کے سامنے اختتام پذیر ہوئی۔ ریلی میں طالبات نے حجاب میرا حق ہے، اسے کون چھین سکتا ہے، دریا سے سمندر تک، فلسطین آزاد ہوگا سمیت مختلف نعرے لگائے۔ بعد ازاں ٹی ایس سی احاطے میں راجو مجسمہ کے سامنے انسانی زنجیر بنائی گئی۔اس موقع پر خطاب کرتے ہوئے مقررین نے کہا کہ حجاب صرف لباس کا ٹکڑا نہیں ہے بلکہ یہ ہمارے مذہبی عقائد، ذاتی شناخت اور عزت نفس کا لازمی حصہ ہے، حالیہ دنوں میں حجاب پہننے والی ماؤں اور بہنوں کو مختلف طریقوں سے ہراساں کیا گیا ہے، یہ انتہائی تشویشناک اور قابل مذمت ہے۔ مقررین نے ان واقعات کی منصفانہ تحقیقات اور مجرموں کو عبرتناک سزا دینے کا مطالبہ کیا۔ڈھاکا یونیورسٹی کے آڈیٹوریم میں ’’حجاب، فخر اور آزادی کی علامت‘‘ کے عنوان سے ایک سیمینار میں مقررین میں تربیہ ایجوکیشن نیٹ ورک کے چیئرمین پروفیسر مختار احمد، استاد اور محقق ڈاکٹر نازمون نہار اور اس سہوا انسٹی ٹیوٹ آف نالج کی ڈائریکٹر رئیسہ رفعت زوئن شامل تھیں۔سیمینار کے مقررین نے حجاب کی مذہبی، سماجی اور اخلاقی اہمیت پر روشنی ڈالی اور اس بات کا بھی ذکر کیا کہ حجاب خواتین کے وقار، شناخت اور شخصی آزادی کی علامت ہے۔ اس کے علاوہ مقررین نے معاشرے میں باہمی احترام، رواداری کو فروغ دینے اور مذہبی حقوق کے تحفظ میں حجاب کی بے پناہ اہمیت پر بھی بات کی۔ سیمینار میں یونیورسٹی کے مختلف شعبہ جات کے اساتذہ اور تقریباً 2000 طالبات نے شرکت کی۔
ذریعہ
ذریعہ: Jasarat News
کلیدی لفظ: ڈھاکا یونیورسٹی
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ