یوم یکجہتی کشمیر، آزاد کشمیر کے عوام کا کشمیریوں کی غیرمتزلزل حمایت کا اعادہ
اشاعت کی تاریخ: 3rd, February 2026 GMT
مظفرآباد (نیوز ڈیسک) یومِ یکجہتیٔ کشمیر کے موقع پر آزاد کشمیر کے شہریوں اور بیرونِ ملک مقیم کشمیریوں نے مقبوضہ جموں و کشمیر کے عوام کے ساتھ بھرپور اور پُرجوش انداز میں مکمل یکجہتی کا اظہار کیا۔
کشمیری شہریوں کی جانب سے جاری پیغام میں کہا گیا ہے کہ مقبوضہ کشمیر میں رہنے والے بہادر کشمیری اکیلے نہیں ہیں بلکہ آزاد کشمیر کی عوام ان کے دکھ، درد اور جدوجہد کو دل سے محسوس کرتی ہے اور ان کی آواز بن کر دنیا تک پہنچانا اپنا فرض سمجھتی ہے۔
پیغام میں بھارتی مظالم، انسانی حقوق کی سنگین خلاف ورزیوں اور کشمیری عوام پر ہونے والے تشدد کی شدید مذمت کی گئی۔ کشمیری شہریوں کا کہنا تھا کہ مقبوضہ کشمیر کی عوام کی قربانیاں آزادی کے عزم کو مزید مضبوط کر رہی ہیں اور یہ جدوجہد کسی صورت کمزور نہیں پڑے گی۔
کشمیری عوام کی پاکستان سے محبت کو خراجِ تحسین پیش کرتے ہوئے کہا گیا کہ یہ رشتہ مضبوط ہے اور کبھی کمزور نہیں ہو سکتا۔ شہریوں کے مطابق سبز ہلالی پرچم سے وابستہ امید آج بھی کشمیری عوام کے دلوں میں زندہ ہے اور وہ دن دور نہیں جب کشمیر آزادی کی صبح دیکھے گا۔
پیغام میں مزید کہا گیا کہ کشمیری دنیا کے کسی بھی حصے میں ہوں، ان کے دل پاکستان کے ساتھ دھڑکتے ہیں اور کشمیری عوام ہر حال میں ایک دوسرے کے ساتھ کھڑے رہیں گے۔
کشمیری شہریوں نے اس عزم کا اظہار کیا کہ مقبوضہ جموں و کشمیر کی آزادی تک اپنی جدوجہد جاری رکھیں گے اور عالمی برادری کو بھارتی مظالم کے خلاف مسلسل آگاہ کرتے رہیں گے۔
.
ذریعہ
ذریعہ: Daily Mumtaz
کلیدی لفظ: کشمیری عوام کشمیر کے
پڑھیں:
آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع
سٹی 42:فری لانسرز اور آئی ٹی سے وابستہ افراد کے لیے بڑی خوشخبری آگئی آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔
مختلف علاقوں میں سوشل میڈیا اور آن لائن سروسز جزوی طور پر بحال ہوگئی ۔۔چیئرمین پیپلزپارٹی بلاول بھٹو نے انٹرنیٹ سروس بحال کرنے کا مطالبہ کیا تھا شہریوں نے حکومت سے مستقبل میں بلا تعطل سروس کی فراہمی کا مطالبہ کیا تھا ۔
میرپور اور گردونواح میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔مختلف علاقوں میں سوشل میڈیا اور آن لائن سروسز جزوی طور پر بحال ہو رہی ہیں ۔ کاروباری طبقے نے انٹرنیٹ بحالی کے فیصلے کا خیرمقدم کیا ۔ طلبہ کو آن لائن تعلیم اور اسائنمنٹس میں دوبارہ سہولت میسر مل گئی ۔
فری لانسرز اور آئی ٹی سے وابستہ افراد کے لیے بڑی خوشخبری آگئی ۔شہریوں کا کہنا ہے کہ انٹرنیٹ بندش سے معمولات زندگی شدید متاثر ہوئے،بینکنگ، ای کامرس اور آن لائن ٹرانزیکشنز بھی متاثر رہی تھیں۔بحالی کے بعد کاروباری سرگرمیوں میں تیزی آنے کا امکان ہے ۔ بعض علاقوں میں انٹرنیٹ کی رفتار تاحال سست، مکمل بحالی کا انتظار کیا جارہاہے ۔ انتظامیہ کے مطابق جلد تمام علاقوں میں مکمل سروس بحال کر دی جائے گی۔
شہریوں نے حکومت سے مستقبل میں بلا تعطل سروس کی فراہمی کا مطالبہ کردیا ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار