دبئی: شہر کے مکمل ورچوئل ماڈل کا نفاذ، سرکاری خدمات ڈیجیٹل مرحلے میں داخل
اشاعت کی تاریخ: 3rd, February 2026 GMT
دبئی (انٹرنیشنل ڈیسک) دبئی میں میونسپلٹی اور متعلقہ اداروں نے شہر کا مکمل ورچوئل ہم شکل نظام نافذ کردیا۔
رپورٹ کے مطابق ورچوئل نظام کے تحت شہری خدمات، اجازت نامے اور مختلف سرکاری معاملات جدید خودکار نظام کے ذریعے تیزی سے مکمل کیے جا سکیں گے۔
حکام کا کہنا ہے کہ نئے نظام میں شہریوں کو متعدد معاملات کے لیے دفاتر کے چکر لگانے یا ویڈیو ملاقاتوں کی ضرورت بھی نہیں رہے گی کیونکہ خودکار ڈیجیٹل نمائندے سرکاری نظام کے ساتھ براہِ راست رابطہ قائم کر کے مطلوبہ کارروائی مختصر وقت میں مکمل کر سکیں گے۔
رپورٹ کے مطابق اس ٹیکنالوجی کا ایک بڑا فائدہ شہری منصوبہ بندی اور جائیداد کے شعبے کو بھی ہو گا جہاں خریدار اور سرمایہ کار مستقبل میں تیار ہونے والے منصوبوں اور عمارتوں کا منظر پہلے ہی ورچوئل طور پر دیکھ سکیں گے۔
علاوہ ازیں ماہرین کا کہنا ہے کہ اس پیش رفت سے دبئی کی سمارٹ سٹی حکمت عملی مزید مضبوط ہوگی اور مستقبل میں شہری خدمات، کاروباری سرگرمیوں اور سرمایہ کاری کے شعبوں میں رفتار اور سہولت مزید بہتر ہونے کی توقع ہے جس سے عالمی سطح پر شہر کی مسابقتی حیثیت مزید مستحکم ہو سکتی ہے۔
.
ذریعہ
ذریعہ: Daily Mumtaz
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ