پاکستان اور ازبکستان کی تجارت، سرمایہ کاری اور رابطہ کاری تیز کرنے پر اتفاق
اشاعت کی تاریخ: 3rd, February 2026 GMT
اسلام آباد(نیوز ڈیسک) پاکستان اور ازبکستان کی تجارت پر سرمایہ کاری اور رابطہ کاری تیز کرنے پر اتفاق ہو گیا۔
وفاقی وزیر تجارت جام کمال خان اور ازبک وزیر لذیز قدرتوف کی اہم ملاقات ہوئی جس میں پاکستان اور ازبکستان کے دوطرفہ اقتصادی تعاون کو عملی شکل دینے پر زور دیا گیا، ملاقات میں بتایا گیا گزشتہ سال پاکستان اور ازبکستان کے درمیان دوطرفہ تجارت میں 10 فیصد اضافہ ہوا۔
ازبکستان کی پاکستان سے درآمدات میں 12 فیصد اور برآمدات میں 8 فیصد اضافہ ہوا ہے جبکہ پاکستان اور ازبکستان کا دوطرفہ تجارت کا ہدف دو ارب ڈالر مقرر کیا گیا ہے۔
ملاقات میں ترجیحی تجارتی فریم ورک میں مصنوعات کی فہرست 34 سے بڑھا کر 92 کرنے پر پیش رفت ہوئی تاہم ازبکستان میں 228 پاکستانی کمپنیاں فعال کی گئی جبکہ گزشتہ سال 80 نئی کمپنیاں بھی رجسٹرڈ ہوئیں۔
پاکستان اور ازبکستان کے درمیان براہِ راست فضائی پروازوں میں نمایاں اضافہ ہوا ہے، ملاقات میں اسلام آباد اور لاہور سے ہفتہ وار پروازیں اور کراچی سے بھی پروازیں شروع کرنے کا منصوبہ کیا گیا ہے، متبادل تجارتی راستوں اور شمالی کوریڈور کے استعمال پر بھی مشاورت کی گئی جبکہ پاکستان، چین اور وسطی ایشیا کے مابین گرین کوریڈور کی تجویز بھی دی گئی ہے۔
ملاقات مین کان کنی، معدنیات، خوراک اور زراعت میں مشترکہ منصوبوں پر بھی اتفاق ہوا جبکہ دونوں ممالک کا قریبی فالو اپ اور B2B روابط مضبوط بنانے کے عزم کا اعادہ بھی کیا گیا ہے۔
.
ذریعہ
ذریعہ: Daily Mumtaz
کلیدی لفظ: پاکستان اور ازبکستان
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا