محمود عباس کا فلسطینی نیشنل کونسل کے ارکان کا پہلی بار براہِ راست انتخاب کا فیصلہ
اشاعت کی تاریخ: 3rd, February 2026 GMT
فلسطینی صدر محمود عباس نے اعلان کیا ہے کہ فلسطینی نیشنل کونسل کے انتخابات یکم نومبر کو منعقد کیے جائیں گے۔
سرکاری خبر رساں ایجنسی وفا کے مطابق فلسطینی اتھارٹی کے صدر محمود عباس کی جانب سے یہ اعلان پیر کے روز کیا گیا۔
یہ بھی پڑھیں: فرانس سمیت مزید 6 ممالک نے فلسطینی ریاست کو تسلیم کرلیا
یہ پہلا موقع ہوگا کہ فلسطینی نیشنل کونسل کے ارکان کا انتخاب براہِ راست عوامی ووٹ کے ذریعے کیا جائے گا، جبکہ ماضی میں کونسل کے ارکان کو یا تو نامزد کیا جاتا تھا یا تحریک کے اندر سے منتخب کیا جاتا رہا ہے۔
????UNPRECEDENTED: Palestinian President Mahmoud Abbas announced that elections will be held on November 1 for the Palestinian National Council—the parliament of the Palestine Liberation Organization (PLO).
This marks the first time council members will be elected through direct… pic.twitter.com/f2LMP3apMw
— Ihab Hassan (@IhabHassane) February 2, 2026
فلسطین لبریشن آرگنائزیشن کے سربراہ اور فلسطینی اتھارٹی کے صدر محمود عباس کے جاری کردہ صدارتی فرمان میں کہا گیا ہے کہ انتخابات جہاں جہاں ممکن ہوں گے، وہاں فلسطین کے اندر اور باہر منعقد کیے جائیں گے تاکہ دنیا بھر میں مقیم فلسطینی عوام کی زیادہ سے زیادہ شرکت کو یقینی بنایا جا سکے۔
مزید پڑھیں: غزہ کے لوگ فاقہ کشی پر مجبور ہیں، عالمی ادارہ خوراک کا انتباہ
فلسطینی نیشنل کونسل طویل عرصے سے پی ایل او کی جلا وطن پارلیمنٹ کے طور پر کام کرتی آ رہی ہے۔
اس کونسل میں صدر محمودعباس کی جماعت فتح کو اکثریتی حیثیت حاصل ہے، جس کی بنیاد فلسطینیوں کے تاریخی رہنما یاسرعرفات نے رکھی تھی، جو 2004 میں انتقال کر گئے تھے۔
اسلامی مزاحمتی تحریک حماس اور فلسطینی اسلامی جہاد، جو پی ایل او کی رکن نہیں ہیں، فلسطینی نیشنل کونسل میں نمائندگی نہیں رکھتیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلامی جہاد اسلامی مزاحمتی تحریک حماس عوامی ووٹ فتح فلسطینی نیشنل کونسل محمود عباس یاسر عرفات
ذریعہ
ذریعہ: WE News
کلیدی لفظ: اسلامی جہاد اسلامی مزاحمتی تحریک عوامی ووٹ فتح فلسطینی نیشنل کونسل یاسر عرفات فلسطینی نیشنل کونسل کونسل کے
پڑھیں:
پہلی ہی گیند پر وکٹ: شاہین آفریدی پاکستان کے عظیم کپتانوں کی فہرست میں شامل
پاکستان کے کپتان شاہین شاہ آفریدی نے آسٹریلیا کے خلاف دوسرے ایک روزہ میچ میں ایک منفرد اعزاز اپنے نام کر لیا۔
یہ بھی پڑھیں: دوسرا ون ڈے: آسٹریلیا کے 232 رنز کے ہدف کے تعاقب میں پاکستان کی بیٹنگ جاری
قذافی اسٹیڈیم لاہور میں کھیلے گئے میچ کے آغاز پر شاہین نے پہلی ہی گیند پر آسٹریلوی اوپنر الیکس کیری کو بولڈ کر کے پاکستانی کرکٹ کی تاریخ میں اپنا نام درج کرا دیا۔
شاہین شاہ آفریدی اب پاکستان کے صرف تیسرے کپتان بن گئے ہیں جنہوں نے ون ڈے انٹرنیشنل میں حریف ٹیم کی اننگز کی پہلی ہی گیند پر وکٹ حاصل کی۔ اس سے قبل یہ کارنامہ پاکستان کے لیجنڈری فاسٹ بولرز وسیم اکرم اور وقار یونس انجام دے چکے ہیں۔
A unique feat for Pakistan captain @iShaheenAfridi today ????
➡️ Download #PCBLIVE app now ????
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS | #TakraarKaTime | #BackTheBoysInGreen pic.twitter.com/lh6zWbjS25
— Pakistan Cricket (@TheRealPCB) June 2, 2026
وسیم اکرم نے سنہ 1993 میں کراچی میں زمبابوے کے خلاف اینڈی فلاور کو پہلی گیند پر آؤٹ کیا تھا جبکہ وقار یونس نے 2001 میں لیڈز میں انگلینڈ کے مارکس ٹریسکوتھک کو ابتدائی گیند پر پویلین بھیجا تھا۔
پہلی گیند پر وکٹ لینے والے پاکستانی کپتان
وسیم اکرم: سنہ 1993 بمقابلہ زمبابوے (کراچی)
وقار یونس: سنہ 2001 بمقابلہ انگلینڈ (لیڈز)
شاہین شاہ آفریدی: سنہ 2026 بمقابلہ آسٹریلیا (لاہور)
شاہین آفریدی نے صرف ابتدائی وکٹ پر ہی اکتفا نہیں کیا بلکہ شاندار بولنگ کا سلسلہ جاری رکھتے ہوئے آسٹریلیا کے مزید 2 کھلاڑیوں کو بھی آؤٹ کیا۔ انہوں نے 47ویں اوور میں میتھیو کوہنیمن اور 49ویں اوور میں نیتھن ایلس کی وکٹ حاصل کی اور 8 اوورز میں 36 رنز دے کر 3 وکٹیں اپنے نام کیں۔
مزید پڑھیے: شاہین آفریدی نے تاریخ رقم کر دی، ورلڈ ٹیسٹ چیمپیئن شپ میں 100 وکٹیں لینے والے پہلے پاکستانی بولر بن گئے
شاہین کے علاوہ حارث رؤف، ابرار احمد اور عرفات منہاس نے بھی عمدہ بولنگ کا مظاہرہ کیا جس کے باعث آسٹریلوی ٹیم مقررہ 50 اوورز میں 9 وکٹوں کے نقصان پر 231 رنز تک محدود رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزارت آئی ٹی نے 1.67 ارب روپے سے زاید کے فنڈز طلب کرلیے