عثمان انور نے اصلاحات، عوامی خدمت میں نئی مثالیں قائم کیں، محسن نقوی کا سابق آئی جی پنجاب پولیس کو خراج تحسین
اشاعت کی تاریخ: 3rd, February 2026 GMT
وزیر داخلہ محسن نقوی نے کہا ہے کہ ڈاکٹر عثمان انور کی انقلابی اور مؤثر قیادت نے پنجاب پولیس کو ازسرِنو تشکیل دیا اور پیشہ ورانہ معیار، اصلاحات اور عوامی خدمت میں نئی مثالیں قائم کیں۔
سماجی رابطے کی ویب سائٹ ایکس پر اپنے پیغام میں محسن نقوی نے کہا کہ ڈاکٹر عثمان انور کے بطور ڈائریکٹر جنرل ایف آئی اے عہدہ سنبھالنے کے ساتھ ایک نئے دور کا آغاز ہو رہا ہے۔
یہ بھی پڑھیے: ڈاکٹر عثمان انور کی بطور آئی جی پنجاب اچانک تبدیلی کی وجہ کیا بنی اور راؤ عبدالکریم کی تعیناتی کا فیصلہ کس کا ہے؟
انہوں نے کہا کہ ‘ان کے وژن اور متحرک قیادت کے باعث آنے والے مہینوں میں عوام کو حقیقی اور واضح تبدیلی نظر آئے گی۔ اس اہم قومی ذمہ داری کے لیے انہیں نیک خواہشات پیش کرتا ہوں۔’
واضح رہے کہ پنجاب حکومت نے انسپکٹر جنرل آف پولیس ڈاکٹر عثمان انور کو تبدیل کرتے ہوئے سینیئر پولیس افسر راؤ عبدالکریم کو نیا آئی جی پنجاب تعینات کر دیا ہے۔
Dr Usman’s transformational leadership reshaped Punjab Police, setting new benchmarks in professionalism, reform, and public service.
As he takes charge as DG FIA, a new era begins. With his vision and dynamism, the public will witness real, visible change in the coming months.… pic.twitter.com/Sucn7aH4xN
— Mohsin Naqvi (@MohsinnaqviC42) February 3, 2026
سرکاری ذرائع کے مطابق یہ تبدیلی وزیر اعلیٰ پنجاب مریم نواز شریف کی جانب سے وزیر اعظم شہباز شریف سے مشاورت کے بعد منظور کی گئی۔
ذرائع کا کہنا ہے کہ یہ ایک معمول کی انتظامی تبدیلی ہے، ڈاکٹر عثمان انور نے پنجاب میں 3 سال بطور آئی جی فرائض انجام دیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف آئی اے پنجاب پولیس عثمان انور محسن نقوی
ذریعہ
ذریعہ: WE News
کلیدی لفظ: ایف ا ئی اے پنجاب پولیس محسن نقوی ڈاکٹر عثمان انور محسن نقوی
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ