نئے آئی جی پنجاب راؤ عبدالکریم کو تعینات کرنے کا فیصلہ کس کا ہے؟
اشاعت کی تاریخ: 3rd, February 2026 GMT
پنجاب حکومت نے انسپکٹر جنرل آف پولیس ڈاکٹر عثمان انور کو تبدیل کر کے سینیئر پولیس آفیسر راؤ عبدالکریم کو نیا آئی جی پنجاب لگا دیا گیا ہے۔
یہ تبدیلی وزیر اعلیٰ مریم نواز شریف کی جانب سے وزیر اعظم شہباز شریف سے مشاورت کے بعد منظور کی گئی، ڈاکٹر عثمان انور نے پنجاب میں 3 سال بطور آئی جی کام کیا، سرکاری ذرائع کے مطابق یہ معمول کی انتظامی تبدیلی ہے۔
یہ بھی پڑھیے: کچے میں آپریشن بھرپور طاقت سے جاری رہے گا، جوانوں کا خون رائیگاں نہیں جانے دیں گے، آئی جی پنجاب
سینیئر صحافی گوہر بٹ کے مطابق، یہ فیصلہ براہ راست وزیر اعلیٰ پنجاب مریم نواز کا ہے، جنہوں نے وزیر اعظم سے مشاورت کر کے اسے حتمی شکل دی۔ گوہر بٹ کا کہنا ہے کہ پنجاب حکومت کے پاس مکمل اختیارات ہیں اور راؤ عبدالکریم کو ایک اچھے افسر کے طور پر دیکھا جاتا ہے۔ آئی جی کی دوڑ میں بلال صدیق کمیانہ بھی شامل تھے، لیکن مریم نواز نے راؤ عبدالکریم کو نیا آئی جی پنجاب لگانے کی سفارش کی۔
ان کا کہنا ہے کہ نئے آئی جی پنجاب بہت اچھے آفیسر ہیں انہوں نے محکمہ پولیس کو بہتر بنانے کافی کام کیے ہیں، پنجاب حکومت کے کچھ لوگوں نے بلال صدیق کمیانہ کو نیا آئی جی پنجاب لگانے کی سفارش کی مگر مریم نواز نے راؤ عبدالکریم کو نیا آئی جی پنجاب لگانے کا فیصلہ کیا جس کے بعد آج ان کا نوٹیفیکشن بطور آئی جی جاری کر دیا گیا ہے۔
ڈاکٹر عثمان انور کب آئی جی پنجاب لگائے گئے؟ڈاکٹر عثمان انور جو ایک میڈیکل ڈاکٹر سے پولیس آفیسر بنے، پولیس سروس آف پاکستان کے 23ویں کامن سے تعلق رکھتے ہیں۔ انہوں نے جنوری 2023 میں نگران حکومت کے تحت بڑی بیوروکریٹک تبدیلی کے دوران آئی جی پنجاب کا عہدہ سنبھالا۔ اس سے پہلے، وہ فیڈرل انویسٹی گیشن ایجنسی ایف آئی اے) لاہور کے ڈائریکٹر اور نیشنل ہائی ویز اینڈ موٹر وے پولیس میں خدمات انجام دے چکے ہیں۔
محکمہ پولیس کے مطابق ڈاکٹر عثمان انور نے پنجاب میں جرائم کی شرح میں کمی، جدید سہولیات، اور افسران کی ویلفیئر میں بہتری جیسے بہت سے کام کیے ہیں۔
یہ بھی پڑھیے: این سی سی آئی اے کرپشن اسکینڈل، 4 افسران کے استعفے منظور
ڈاکٹر عثمان انور تقریباً 3 سال آئی جی پنجاب رہے ہیں جو پچھلے آئی جی پیز کے مقابلے میں غیر معمولی تھی، پچھلے آئی جی پیز محمد طاہر (2018) اور کیپٹن عارف نواز خان (2019) کو حکومت کی ہدایات سے مطابقت نہ رکھنے اور ناقص کارکردگی کی وجہ سے ہٹا دیے گئے۔
حکومتی ذرائع کے مطابق ڈاکٹر عثمان انور کو تبدیل کرنے کا فیصلہ وزیر اعظم شہباز شریف اور وزیر اعلیٰ مریم نواز کے درمیان اعلیٰ سطحی مشاورت کے بعد ہوا۔ راؤ عبدالکریم، جو پہلے ایڈیشنل آئی جی کے طور پر خدمات انجام دے رہے تھے، کو دیگر امیدواروں بشمول سی سی پی او لاہور بلال صدیق کمیانہ اور ایڈیشنل آئی جی کاؤنٹر ٹیررزم ڈپارٹمنٹ وسیم سیال پر ترجیح دی گئی۔
ڈاکٹر عثمان انور کو نیا ڈی جی ایف آئی اے تعینات کرنے کا نوٹیفیکشن بھی جاری کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی جی عثمان انور آئی جی پنجاب پنجاب حکومت.
ذریعہ
ذریعہ: WE News
کلیدی لفظ: پنجاب حکومت کو نیا آئی جی پنجاب ڈاکٹر عثمان انور راؤ عبدالکریم کو پنجاب حکومت مریم نواز کے مطابق
پڑھیں:
ایچ آئی وی کے خلاف حکومت سندھ موثر اقدامات کر رہی ہے، وزیر صحت
کراچی:صوبائی وزیر صحت ڈاکٹر عذرا افضل پیچوہو نے کہا ہے کہ ایچ آئی وی کے خلاف حکومت سندھ موثر اقدامات کر رہی ہے۔
جناح اسپتال کراچی میں چوتھی انٹرنیشنل فیملی پلاننگ سمٹ کے موقع پر میڈیا سے گفتگو کرتے ہوئے انہوں نے کہا کہ ایچ آئی وی کی بروقت تشخیص کیلئےاسکریننگ کا عمل مزید تیز کردیا گیا ہے، زیادہ سے زیادہ اسکریننگ سے ایچ آئی وی پر جلد قابو پانے میں مدد مل سکتی ہے۔
انہوں نے کہا کہ اسپتالوں میں سہولیات کی بہتری کے لیے حکومت سندھ بھرپور کوششیں کر رہی ہے، ہمیں معلوم ہے مریضوں کو مشکلات کا سامنا ہے، صحت کے شعبے میں حال ہی میں نئی بھرتیاں کی گئی ہیں، مزید بھرتیوں کی طرف بھی بڑھ رہے ہیں، اسپتالوں میں سہولیات کی بہتری کے لیے مزید بھرتیوں سے مدد ملے گی۔
صوبائی وزیر صحت نے کہا کہ اسپتالوں میں میڈیا کی موجودگی کی اجازت نہیں ہوتی، میڈیا سے بات کرنے کے خواہشمند ڈاکٹر اور دیگر افراد اسپتال سے باہر آکر موقف دیں، تمام ڈاکٹرز کو میڈیا سے بات کرنے اور اپنا مؤقف دینے کی اجازت ہے۔
انہوں نے کہا کہ میڈیا اسپتال میں موجود خامیوں کی نشاندہی کرے، میڈیا کی نشاندہی سے ہی ہمیں مدد ملتی ہے، جناح اسپتال میں ڈاکٹر خالد شیر کو کہہ دیا ہے اب سے وہ میڈیا کو موقف دیں گے۔
پاکستان نے ورلڈ کپ 2028 کیلیے براہ راست کوالیفائی کر لیا