علی ظفر اور اعظم تارڑ میں بانیٔ پی ٹی آئی کی صحت پر بحث
اشاعت کی تاریخ: 3rd, February 2026 GMT
—فائل فوٹوز
سینیٹ اجلاس میں سینیٹر علی ظفر اور وزیرِ قانون اعظم تارڑ میں بانیٔ پی ٹی آئی کی صحت کے حوالے سے بحث ہو گئی۔
ایوان میں اظہارِ خیال کرتے ہوئے سینیٹر علی ظفر نے کہا کہ یہ بنیادی انسانی حقوق کا معاملہ ہے، بانیٔ پی ٹی آئی کا آپریشن ہوا جس کا حکومت نے انکشاف کیا، حکومت نے کہا کہ چھپ چھپا کر ان کا پروسیجر کیا، ہم نے کہا کہ بانیٔ پی ٹی آئی کی ان کے ڈاکٹر سے ملاقات کرائیں، ہمیں خدشہ ہے کہ یہ سیرس معاملہ ہے۔
انہوں نے کہا کہ بانیٔ پی ٹی آئی کے ڈاکٹر سے ملاقات نہیں کرائی، ان کی آنکھ کو نقصان ہو سکتا ہے، پمز کی رپورٹ پر ہمارے ایکسپرٹ نے کہا کہ وہ اس سے مطمئن نہیں، بانی کو 2 ایکسپرٹ ڈاکٹرز کی رسائی دی جائے۔
سینیٹر علی ظفر کا کہنا ہے کہ جب نواز شریف کے پلیٹ لیٹس کا مسئلہ ہوا تو بانی نے کہا کہ ان کا پراپر علاج کرائیں، نواز شریف کو چیک کرنے کی ان کے اپنے ڈاکٹرز کو بھی اجازت تھی، بانیٔ پی ٹی آئی کے ڈاکٹرز کو آج ہی ملاقات کی اجازت دیں، چئیرمین! آپ پمز کو کہیں کہ وہ بانیٔ پی ٹی آئی کی رپورٹ دیں تاکہ ہم اسے پبلک کریں۔
ایوان سے خطاب میں وزیرِ قانون اعظم تارڑ نے جواب میں کہا کہ انڈر ٹرائل قیدی کی ٹرائل کورٹ کے پاس کسٹڈی ہوتی ہے، مجرم جو اپیل میں ہو وہ اپیلٹ کورٹ کی کسٹڈی میں ہے، جیل سپرنٹنڈنٹ یا اسلام آباد ہائی کورٹ کے پاس اختیار ہے، پمز ایک بڑا ادارہ ہے، اسلام آباد کے بہترین اسپتالوں میں سے ہے، بانی کا پروسیجر اڈیالہ جیل اسپتال میں ہو سکتا تھا، بانی نے خود کہا کہ ان کا پمز میں پروسیجر کرایا جائے۔
انہوں نے کہا کہ بانیٔ پی ٹی آئی کی صحت باکل ٹھیک ہے، ان کا پروسیجر کامیاب ہے، اس میں ٹیکہ لگتا ہے، آپریشن نہیں ہوتا، کوئی مزید پیچیدگی نہیں، 60 سال کے بعد یہ ایک عام ایشو ہے، بانی 74 سال کے ہیں، ایک انجیکشن لگتا ہے، وہ کئی لوگوں کو لگا ہے، بانی نے خود کہا کہ کوئی امن و امان کا مسئلہ ہو سکتا ہے تو انہیں شام کو لے جائیں، بانی نے خود کہا کہ مجھے پمز لے جائیں، پمز کے ڈاکٹرز نے انہیں چیک کر کے کہا کہ اچھی پیش رفت ہے۔
ان کا کہنا ہے کہ رانا ثناء اللّٰہ کو جب گرفتار کیا گیا تھا اس سے قبل ان کو آنکھ کا فالج ہوا تھا، رانا ثناء اللّٰہ لاہور سے اسپتال جا رہے تھے، مجسٹریٹ نے ان کا جوڈیشل کر دیا، رانا ثناء اللّٰہ کو 52 ڈگری سینٹی گریڈ کی جیل میں رکھا جاتا تھا، اس وقت کے وزیرِ اعظم کی ہدایت پر رانا ثناء اللّٰہ کو جیل ڈاکٹر تک رسائی نہیں دی گئی تھی، ابھی وزیرِ اعظم نے تو نہیں کہا کہ بانی کو ڈاکٹرز اور علاج تک رسائی نہ دی جائے، وزیرِ اعظم انسانی حقوق کی پاسداری کرتے ہیں۔
وزیرِ قانون نے کہا کہ آئین ہر شخص کو حقوق دیتا ہے، قانونی پراسس کے ذریعے اوپن ٹرائل کے نتیجے میں سابق وزیرِ اعظم کو اینٹی کرپشن کیس میں سزا ہوئی، وہ ایک گرفتار قیدی ہیں، انڈر ٹرائل نہیں ہیں، ہیرے جواہرات خریدنے کے کیس میں بھی انہیں سزا ہوئی، انہیں 2 کیسز میں سزا ہوئی ہے۔
اعظم نذیر تارڑ کے جواب کے بعد پی ٹی آئی کے سینیٹرز ایوان سے چلے گئے۔
.
ذریعہ
ذریعہ: Jang News
کلیدی لفظ: پی ٹی آئی ثناء الل علی ظفر
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے