چٹاگانگ پورٹ پر غیر معینہ مدت تک ہڑتال کا اعلان، تجارتی سرگرمیوں میں ممکنہ رکاوٹ کا خدشہ
اشاعت کی تاریخ: 3rd, February 2026 GMT
چٹاگانگ پورٹ میں غیر معینہ مدت تک کام روکنے کا اعلان کیا گیا ہے، جس سے بنگلہ دیش کے اہم سمندری راستے اور خطے کی تجارتی روانی پر اثرات کا خدشہ پیدا ہو گیا ہے۔ پورٹ پروٹیکشن اسٹرگل کونسل کی جانب سے یہ فیصلہ گزشتہ 24 گھنٹے کی ہڑتال کے اختتام سے فوراً پہلے کیا گیا، جس کے بعد غیرمعینہ مدت کی ہڑتال شروع ہو گئی۔
یہ بھی پڑھیں:طالب علم رہنما کے قتل کیخلاف احتجاج، چٹاگانگ میں عوامی لیگ کے سابق وزیر تعلیم کا گھر نذر آتش
ہڑتال کو چٹاگانگ ورکرز اینڈ ایمپلائز یونٹی کونسل (SKOP) کی رسمی حمایت حاصل ہے، جس نے ہنگامی اجلاس میں اس پروگرام کی منظوری دی۔ ایس کے او پی کے رہنماؤں نے شپنگ منسٹری کے مشیر بریگیڈیئر (ریٹائرڈ) شخوات حسین، بنگلہ دیش انویسٹمنٹ ڈیولپمنٹ اتھارٹی (BIDA) کے ایگزیکٹو چیئرمین اشیق چوہدری اور چٹاگانگ پورٹ کے چیئرمین ایس ایم منیر الزمان سے مستعفی ہونے کا مطالبہ کیا ہے۔
ملازمین کی جانب سے احتجاج کا مرکز نیو مورنگ کنٹینر ٹرمینل (NCT) کی لیزنگ کا عمل ہے، جسے پورٹ کا ایک اہم اسٹریٹجک مقام قرار دیا گیا ہے۔ کارکنوں کا کہنا ہے کہ لیزنگ سے قومی مفادات، ملازمتوں کی حفاظت اور پورٹ کے عمل میں شفافیت کو خطرہ لاحق ہے۔ یونین رہنماؤں نے الزام عائد کیا کہ پورٹ حکام تحریک کو دبانے کے لیے لیبر رہنماؤں اور ملازمین کی بڑے پیمانے پر تبادلے کی کوشش کر رہے ہیں۔
یہ بھی پڑھیں:پاک بنگلہ تجارت میں اہم پیشرفت: کراچی سے پہلا براہ راست کارگو جہاز چٹاگانگ پورٹ پر لنگر انداز
احتجاجی جلسوں میں سینیئر پورٹ اور سرمایہ کاری کے حکام پر بدعنوانی اور کمیشن کی بنیاد پر معاملات کرنے کے الزامات لگائے گئے اور ان کے عہدوں سے ہٹانے کا مطالبہ کیا گیا۔
پورٹ پروٹیکشن اسٹرگل کونسل کے کوآرڈینیٹر حمیون کبیر نے کہا کہ سات ماہ کی تحریک کے باوجود لیزنگ کے عمل کو روکا نہیں جا سکا، اس لیے کارکنان کے پاس غیر معینہ ہڑتال کے سوا کوئی چارہ نہیں تھا۔
چٹاگانگ پورٹ بنگلہ دیش کی زیادہ تر سمندری تجارت کو ہینڈل کرتا ہے، جس میں ایندھن، خوراک اور صنعتی خام مال کی درآمد شامل ہے۔ کسی بھی طویل ہڑتال سے سپلائی چین، برآمدات اور پڑوسی ممالک میں بھی اثرات مرتب ہو سکتے ہیں، جس پر پاکستان اور جنوبی ایشیا بھر میں توجہ دی جا رہی ہے۔ اب تک حکام نے اس تازہ صورتحال پر کوئی سرکاری جواب جاری نہیں کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش چٹاگانگ چٹاگانگ پورٹ.
ذریعہ
ذریعہ: WE News
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار