آیت اللہ خامنہای محض ایران کی سیاسی شخصیت نہیں، پوری امتِ کے تشخص اور وحدت کی علامت ہیں، علامہ جواد نقوی
اشاعت کی تاریخ: 3rd, February 2026 GMT
تحریک بیداری کے سربراہ نے کہاکہ جس طرح پاکستانی قوم غزہ کے ساتھ کھڑی ہے، اسی طرح ایران کی حمایت میں بھی یکجا ہے۔ ہمارے دلوں میں امریکہ اور اسرائیل کے لیے نہ ہمدردی ہے اور نہ حمایت، کیونکہ ظلم سے ہمدردی ممکن نہیں، یہ ہمارا ایمانی، اخلاقی اور انسانی فریضہ ہے اور پاکستانی قوم اپنی حسینی غیرت کے ساتھ ہمیشہ حق کے ساتھ کھڑی رہے گی۔ اسلام ٹائمز۔ پاکستان میں اسلامی جمہوریہ ایران کے سفیر سید رضا امیری مقدم نے جامعہ عروۃ الوثقیٰ کا دورہ کیا، جہاں انہوں نے جامعہ کے سرپرست اعلیٰ اور تحریکِ بیداریِ اُمتِ مصطفیٰ کے سربراہ علامہ سید جواد نقوی سے ملاقات کی۔ اس موقع پر انہوں نے جامعہ کے طلبہ و اساتذہ سے خطاب کرتے ہوئے خطے کی صورتحال پر جامع گفتگو کی اور ایران کے اصولی مؤقف اور رہبر معظم انقلاب اسلامی سید علی خامنہ ای کی حمایت میں علامہ جواد نقوی اور جامعہ عروۃ الوثقیٰ کی جرات مندانہ آواز کو سراہا۔ انہوں نے ایرانی عوام کی استقامت، ثابت قدم قیادت اور امریکہ و اسرائیل کی تاریخی دشمنی و سازشوں پر بھی تفصیلی روشنی ڈالی۔
علامہ سید جواد نقوی نے اس موقع پر سفیرِ ایران کی خدمات کو سراہتے ہوئے زور دے کر کہا کہ آیت اللہ خامنہای محض ایران کی سیاسی شخصیت نہیں، بلکہ پوری امتِ اسلام کے تشخص اور وحدت کی علامت ہیں۔ انہوں نے مزید کہا کہ جس طرح پاکستانی قوم غزہ کے ساتھ کھڑی ہے، اسی طرح ایران کی حمایت میں بھی یکجا ہے۔ ہمارے دلوں میں امریکہ اور اسرائیل کے لیے نہ ہمدردی ہے اور نہ حمایت، کیونکہ ظلم سے ہمدردی ممکن نہیں، یہ ہمارا ایمانی، اخلاقی اور انسانی فریضہ ہے اور پاکستانی قوم اپنی حسینی غیرت کے ساتھ ہمیشہ حق کے ساتھ کھڑی رہے گی۔ دونوں رہنماؤں نے باہمی تعلقات کو مزید مضبوط بنانے اور امتِ اسلامیہ کے مشترکہ چیلنجز کے مقابلے میں یکجہتی پر زور دیا۔
ذریعہ
ذریعہ: Islam Times
کلیدی لفظ: پاکستانی قوم کے ساتھ کھڑی جواد نقوی ایران کی انہوں نے ہے اور
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا