بسنت محض ایک فیسٹیول نہیں اجتماعی جذبے کا نام ہے: مریم نواز
اشاعت کی تاریخ: 3rd, February 2026 GMT
لاہور:(نیوزڈیسک) وزیراعلیٰ پنجاب مریم نواز نے کہا ہے کہ بسنت محض ایک فیسٹیول نہیں اجتماعی جذبے کا نام ہے۔
صوبائی دارالحکومت میں مریم نواز کا بسنت کے تہوار کے حوالے سے میڈیا سے گفتگو کرتے ہوئے کہنا تھا کہ بسنت پنجاب کا تہوارہے، محفوظ بسنت کے لیے کنٹرول روم قائم کیا گیا ہے، بسنت پنجاب کا ایک خوبصورت تہوار ہے، بسنت کے حوالے سے عوام میں جوش وخروش دیدنی ہے۔
اُنہوں نے کہا کہ پنجاب خوبصورت ثقافت کا حامل صوبہ ہے، پنجاب کی مقامی زبانوں کے فروغ کے لیے اقدامات کر رہے ہیں، اپنے بچوں کو پنجابی زبان سے روشناس کرانا چاہتے ہیں، بھارتی پنجاب کے سکھ بھائی دنیا بھرمیں اپنی زبان بولنے پر فخر کرتے ہیں۔
وزیراعلیٰ پنجاب نے کہا کہ ہمیں اپنے صوبے اور زبان پر فخرہونا چاہیے، بسنت محض ایک فیسٹیول نہیں بلکہ ایک اجتماعی جذبہ ہے جسے عوام نے غیر معمولی جوش کے ساتھ اپنایا ہے اس تہوار کی بین الاقوامی حیثیت بھی ہے اور دنیا بھر میں لوگ اسے دیکھتے اور مناتے ہیں۔
مریم نواز کا کہنا تھا کہ نے کہا کہ پنجاب کے کلچر کو دنیا میں متعارف کرانے اور پاکستان کی ایک ترقی پسند تصویر دکھانے کے لیے بسنت سے بہتر موقع شاید ہی کوئی اور ہو۔
انہوں نے کہا کہ دہائیوں سے یہ بیانیہ سننے کو ملتا رہا ہے کہ ملک کے حالات خراب ہیں، معیشت خطرے میں ہے اور یہاں کوئی سرگرمی ممکن نہیں، مگر اب حالات بدل رہے ہیں۔
وزیراعلیٰ پنجاب کا مزید کہنا تھا کہ پنجاب میں ترقی ہو رہی ہے، لوگ آگے بڑھ رہے ہیں اور خوشی منانا چاہتے ہیں، جس کے لیے ایک مثبت ماحول ضروری ہے، بسنت کے انعقاد کے لیے نہایت باریک بینی سے سکیورٹی پروٹوکولز اور سٹینڈرڈ آپریٹنگ پروسیجرز تیار کیے گئے ہیں۔
مریم نواز نے کہا کہ میں چاہتی ہوں لوگوں کوگھٹن کےماحول سےنکالا جائے، گزشتہ نالائق حکومت میں لوگوں کوبتایا گیا جو ہمارے ساتھ وہ سادھو جومخالف ہے اُن سب کو چور کہا گیا، معاشرے میں نیگٹویٹی پھیلائی گئی، پی ٹی آئی کے گزشتہ چار سال میں فساد، انتشار پھیلایا گیا۔
اُن کا کہنا تھا کہ ان کےدورمیں لوگوں کوبتایا گیا ملکی املاک جلانا سیاست ہے، سیاسی اختلافات کودشمنی میں بدلا گیا، حرم شریف جیسےمقدس مقامات پرلوگوں کیخلاف نعرے لگائےگئے، لوگوں نے جلاؤگھیراؤ، دھنگا، فساد کا ماحول دیکھا ہے۔
وزیراعلیٰ پنجاب نے کہا کہ میں لوگوں کوپنجاب کےمہذب کلچرسےروشناس کرانا چاہتی ہوں، فساد،انتشارکی سیاست پی ٹی آئی کا وتیرہ ہے، ماضی میں کارکردگی کےبجائےجھوٹےبیانیہ کوفروغ دیا گیا، لوگ اب پی ٹی آئی کی جلسے،جلوسوں کی کالوں پرکان نہیں دھرتے۔
.
ذریعہ
ذریعہ: Daily Mumtaz
پڑھیں:
نواز شریف ایک روزہ دورے پر گلگت بلتستان پہنچ گئے
گلگت (ڈیلی پاکستان آن لائن) پاکستان مسلم لیگ (ن) کے صدر اور سابق وزیراعظم نواز شریف ایک روزہ دورے پر گلگت بلتستان پہنچ گئے۔
نجی ٹی وی چینل دنیا نیوز کے مطابق وفاقی وزراء خواجہ محمد آصف، احسن اقبال، رانا ثناء اللہ، سینیٹر پرویز رشید، پنجاب کی سینئر صوبائی وزیر مریم اورنگزیب، سینیٹر انوشہ رحمن، کاظم پیرزادہ بھی نواز شریف کے ہمراہ ہیں۔
گلگت پہنچنے پر وفاقی وزیر امور کشمیر انجینئر امیر مقام، سابق وزیراعلیٰ گلگت بلتستان حافظ حفیظ الرحمان، کیپٹن (ر) محمد صفدر اور دیگر پارٹی رہنماؤں نے پارٹی صدر کا استقبال کیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
نواز شریف پارٹی رہنماؤں اور گلگت بلتستان کے انتخابات میں حصہ لینے والے پارٹی ٹکٹ ہولڈرز سے ملاقاتیں کریں گے۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے