وزیراعلیٰ پنجاب مریم نواز کا 7 فروری کو لبرٹی چوک میں جشنِ بسنت منانے کا اعلان
اشاعت کی تاریخ: 3rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
لاہور:وزیراعلیٰ پنجاب مریم نواز نے لاہور سمیت صوبے بھر کے شہریوں کو بسنت کی خوشیوں میں شریک ہونے کی دعوت دیتے ہوئے 7 فروری کو لبرٹی چوک لاہور میں باقاعدہ جشنِ بسنت منانے کا اعلان کر دیا ہے۔ اس اعلان کو پنجاب میں ثقافتی سرگرمیوں کے فروغ اور روایتی تہواروں کی بحالی کی جانب ایک اہم قدم قرار دیا جا رہا ہے۔
وزیراعلیٰ پنجاب مریم نواز نے سماجی رابطے کی ویب سائٹ ایکس (سابقہ ٹوئٹر) پر جاری اپنے پیغام میں کہا کہ لاہور اور پنجاب بھر کے شہری آئیں اور لبرٹی چوک میں ہمارے ساتھ بسنت کا جشن منائیں،بسنت پنجاب کی ثقافت، خوشیوں اور رنگوں کا تہوار ہے جو لوگوں کو باہم جوڑتا ہے اور زندگی میں مسرت کے رنگ بکھیرتا ہے۔
مریم نواز شریف نے اپنے پیغام کے ساتھ بسنت کے حوالے سے معروف پنجابی گانا ’’گڈی لہور دی اڈی‘‘ بھی شیئر کیا، جسے شہریوں کی جانب سے سوشل میڈیا پر خوب سراہا جا رہا ہے۔ ان کے اس پیغام کے بعد سوشل میڈیا پر بسنت اور لبرٹی چوک ٹرینڈ کرنے لگا، جہاں صارفین نے وزیراعلیٰ کے اس اقدام کو خوش آئند قرار دیا۔
وزیراعلیٰ کا کہنا تھا کہ پنجاب کی ثقافت کو زندہ رکھنا صوبائی حکومت کی ترجیحات میں شامل ہے اور بسنت جیسے روایتی تہوار پنجاب کی پہچان ہیں،بسنت صرف پتنگ بازی کا نام نہیں بلکہ یہ موسیقی، رنگ، میل جول اور اجتماعی خوشی کا تہوار ہے، جسے محفوظ اور منظم انداز میں منایا جانا چاہیے۔
حکومتی ذرائع کے مطابق لبرٹی چوک میں جشنِ بسنت کے موقع پر سیکیورٹی اور انتظامی انتظامات کو حتمی شکل دی جا رہی ہے تاکہ شہریوں کو ایک محفوظ اور خوشگوار ماحول فراہم کیا جا سکے۔ اس موقع پر ثقافتی پروگرام، موسیقی اور دیگر تفریحی سرگرمیوں کے انعقاد کا بھی امکان ہے، جس سے شہریوں کو بھرپور تفریح میسر آئے گی۔
واضح رہے کہ حکومت پنجاب نے یومِ یکجہتی کشمیر کے موقع پر 5 فروری کو عام تعطیل کا اعلان کر رکھا ہے جبکہ 6 فروری کو بھی صوبے میں سرکاری چھٹی ہوگی، جس کے بعد ہفتہ اور اتوار کی تعطیلات شامل ہونے سے شہریوں کو طویل ویک اینڈ میسر آئے گا۔ وزیراعلیٰ پنجاب مریم نواز پہلے ہی کہہ چکی ہیں کہ عوام ان تعطیلات کے دوران خوشیوں اور تفریح سے بھرپور انداز میں وقت گزار سکتے ہیں۔
ذریعہ
ذریعہ: Jasarat News
کلیدی لفظ: پنجاب مریم نواز شہریوں کو لبرٹی چوک فروری کو
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا