بچی سے زیادتی کی کوشش پر مجرم کو 26سال قید بامشقت کی سزا
اشاعت کی تاریخ: 4th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (اسٹاف رپورٹر) ایڈیشنل ڈسٹرکٹ اینڈ سیشن جج وسطی کی عدالت نے لیاقت آباد میں کمسن بچی سے زیادتی کی کوشش کے مقدمے میں جرم ثابت ہونے پر ملزم افضل کو مجموعی طور پر ساڑھے 26 سال قید بامشقت کی سزا سنا دی۔ عدالت نے ملزم پر 10 لاکھ روپے جرمانہ بھی عائد کردیا۔ جرمانے کی عدم ادائیگی کی صورت میں ملزم کو مزید ایک سال قید کاٹنا ہوگی۔ منگل کو ایڈیشنل ڈسٹرکٹ اینڈ سیشن جج وسطی کی عدالت میں لیاقت آباد میں کمسن بچی سے زیادتی کی کوشش کے مقدمے کی سماعت ہوئی۔ سماعت کے دوران پراسیکیوٹر حنا ناز نے بتایا کہ ملزم نے بچی کو پیسوں کا لالچ دے کر اس سے زیادتی کی کوشش کی تاہم بچی کے شور مچانے پر ملزم اسے چھوڑ کر فرار ہو گیا، ملزم ہوٹل پر کام کرتا تھا اور اس کا گھر بھی واقعے کی جگہ کے قریب ہی تھا۔ عدالت نے اپنے فیصلے میں قرار دیا کہ ملزم کے وکیل کے دلائل اور ملزم کے اپنے بیان میں واضح تضاد پایا جاتا ہے۔ ملزم کے وکیل نے مؤقف اختیار کیا کہ بچی کے والدین ناشتے کے لیے ادھار لیا کرتے تھے جبکہ ملزم نے بیان دیا کہ اس کا اور مدعی کے بچوں کے درمیان جھگڑا ہوا تھا۔ عدالت نے آبزرویشن دی کہ ملزم اپنے خلاف عائد الزامات میں بے گناہی ثابت کرنے میں مکمل طور پر ناکام رہا۔ عدالتی فیصلے میں کہا گیا کہ استغاثہ نے ٹھوس شواہد کی بنیاد پر مقدمہ ثابت کیا۔
ذریعہ
ذریعہ: Jasarat News
کلیدی لفظ: سے زیادتی کی کوشش عدالت نے کہ ملزم
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار