جاپان میں شدید برفباری سے ہلاکتوں کی تعداد 30 تک پہنچ گئی
اشاعت کی تاریخ: 4th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ٹوکیو (انٹرنیشنل ڈیسک) جاپان میں 20 جنوری سے شدید برفباری اور سخت سردی کے باعث 30 افراد ہلاک ہوگئے۔ منگل کی صبح نیگاتا میں 12 افراد ہلاک ہوئے جبکہ آکِیتا میں 6آؤموری میں 4ہوکائیدو میں 3اور یاماگاتا میں 2افراد ہلاک ہوئے۔ ملک بھر میں مجموعی طور پر 324 افراد زخمی ہوئے ہیں جن میں سے کچھ کی حالت تشویشناک ہے۔ کابینہ دفتر نے کہا ہے کہ وہ دیگر 9 اموات کی تحقیقات کر رہا ہے کہ آیا اْن کا تعلق برفباری سے ہے یا نہیں۔ذرائع ابلاغ کے مطابق شمالی اور مشرقی جاپان میں بحیرئہ جاپان کے ساتھ واقع علاقوں میں بھی منگل کے روز شدید برفباری ہوئی ۔
ذریعہ
ذریعہ: Jasarat News
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار