نیب کو 1 ماہ میں چوہدری شوگر ملز ریفرنس بند کرنے کا ریفرنس احتساب عدالت میں دائر کرنے کی ہدایت
اشاعت کی تاریخ: 4th, February 2026 GMT
—فائل فوٹو
لاہور ہائی کورٹ نے نیب کو 1 ماہ میں چوہدری شوگر ملز ریفرنس بند کرنے سے متعلق احتساب عدالت میں ریفرنس دائر کرنے کی ہدایت کر دی۔
مریم نواز کی بطور گارنٹی جمع کروائے گئے 7 کڑور کی واپسی کے لیے درخواست پر سماعت چیف جسٹس لاہور ہائی کورٹ جسٹس عالیہ نیلم کی سربراہی میں 3 رکنی بینچ نے کی۔
دورانِ سماعت نیب پراسیکیوٹر نے کہا کہ نئی نیب ترامیم کے بعد چیئرمین نیب نے ریفرنس بند کرنے کی منظوری دی۔
لاہور کی اینٹی کرپشن عدالت نے رمضان شوگر ملز ریفرنس میں شہباز شریف اور حمزہ شہباز کو بری کر دیا۔
چیف جسٹس لاہور ہائی کورٹ جسٹس عالیہ نیلم نے کہا کہ نیب کو ریفرنس بند کرنے کے لیے متعلقہ احتساب عدالت سے رجوع کرنا چاہیے تھا، آپ کا تفتیش کا طریقہ کار کیا ہے؟ انکوائری میں کیا فیصلہ ہوا تھا؟
نیب پراسیکیوٹر نے جواب دیا کہ بورڈ میٹنگ میں فیصلہ ہوا کہ انکوائری بند کی جائے گی۔
عدالت نے سوال کیا کہ کیا کبھی ایسا ہوا کہ ایک بورڈ نے کوئی فیصلہ کیا ہو اور کوئی نیا بورڈ آ کر فیصلہ تبدیل کر دے؟
لاہور ہائی کورٹ نے نیب کو چوہدری شوگر ملز ریفرنس بند کرنے سے متعلق ریفرنس احتساب عدالت میں دائر کرنے کی ہدایت کر دی۔
.
ذریعہ
ذریعہ: Jang News
کلیدی لفظ: لاہور ہائی کورٹ ریفرنس بند کرنے شوگر ملز ریفرنس احتساب عدالت کرنے کی نیب کو
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار