بلوچستان، گریڈ 1سے15 کی 25 ہزار سے زائد آسامیاں مشتہر
اشاعت کی تاریخ: 4th, February 2026 GMT
کوئٹہ:(نیوزڈیسک) وزیراعلیٰ بلوچستان میر سرفراز بگٹی نے کہا ہے کہ صوبے میں نوجوانوں کو روزگار کی فراہمی کیلئے گریڈ 1سے 15 کی 25 ہزار سے زائد آسامیاں مشتہر کر دی گئی ہیں۔ سماجی رابطے کی سائٹ ایکس پر اپنے پالیسی بیان میں وزیراعلیٰ نے بتایا کہ گریڈ 16 اور 17کی 4 ہزار خالی آسامیوں کی سمری پبلک سروس کمیشن کو ارسال کر دی گئی ہے۔
وزیراعلیٰ بلوچستان نے کہا کہ جن محکموں میں ٹیسٹ اور انٹرویوز مکمل ہو چکے ہیں وہاں جلد تعیناتی کے احکامات جاری کیے جائیں گے۔ انہوں نے مزید کہا کہ دیگر محکموں کی خالی آسامیوں پر محکمہ فنانس کی طرز پر آن لائن ٹیسٹ اور خالص میرٹ پر بھرتیاں کی جائیں گی۔
میر سرفراز بگٹی نے واضح کیا کہ گڈ گورننس کا قیام میرٹ کے فروغ سے وابستہ ہے، وہ اپنے وعدے پر قائم ہیں اور بلوچستان کے لوگوں کی کوئی نوکری بیچنے نہیں دی جائے گی۔
.
ذریعہ
ذریعہ: Daily Mumtaz
پڑھیں:
سونے کی قیمت میں نمایاں کمی
عالمی اور مقامی مارکیٹس میں سونے کی قیمت میں نمایاں کمی دیکھی گئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا ایک ہزار 800 روپے سستا ہوگیا، جس کے بعد سونے کی نئی قیمت 4 لاکھ 35 ہزار 636 روپے ہوگئی، اسی طرح 10 گرام سونے کی قیمت میں ایک ہزار 543 روپے کی کمی ہوئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 18 ڈالر سستا ہونے کے بعد 4 ہزار 96 ڈالر پر آگیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا