قازقستان کے ساتھ تجارتی حجم 1 ارب ڈالر تک لے جانے کیلئے پرعزم ہیں، وزیراعظم شہباز شریف
اشاعت کی تاریخ: 4th, February 2026 GMT
اسکرین گرایب
وزیراعظم شہباز شریف نے کہا ہے کہ قازقستان کے ساتھ تجارتی حجم 2 سال میں1 ارب ڈالر تک لے جانے کےلیے پرعزم ہیں۔
اسلام آباد میں پاکستان قازقستان بزنس فورم سے خطاب میں شہباز شریف نے کہا کہ خوشی ہے دونوں ملکوں کے تاجروں کی بڑی تعداد فورم میں شریک ہے، قازقستان کے صدر کو پاکستان آمد پرخوش آمدید کہتے ہیں۔
وزیرِ اعظم شہباز شریف اور صدر قاسم جومارت توکایووف نے مشترکہ اعلامیے پر دستخط کیے۔
انہوں نے کہا کہ وسط ایشیائی ریاستوں کو تجارت کے لیے اپنی بندرگاہوں تک رسائی دے سکتے ہیں، قازقستان اپنی مصنوعات گوادر اور کراچی پورٹ کے ذریعے برآمد کرسکتا ہے۔
وزیراعظم نے مزید کہا کہ قازقستان کے ساتھ ریل اور روڈ رابطے کو مضبوط بنانا چاہتے ہیں، 2 سال میں تجارتی حجم 1 ارب ڈالر تک لے جانے کےلیے پر عزم ہیں۔
اُن کا کہنا تھا کہ تجارت اور اقتصادی شعبے میں تعاون کو وسعت دینے کے لیے 5 سالہ روڈ میپ پر اتفاق کیا، دونوں ملکوں کے درمیان طے پانےوالے 37 سمجھوتے دوطرفہ تعاون میں سنگ میل ثابت ہوں گے۔
شہبازشریف نے یہ بھی کہا کہ 23 سال بعد کسی بھی قازق صدرکاپاکستان کا یہ پہلا سرکاری دورہ ہے۔
صدر قازقستان قاسم جومارت توکایووف نے کہا کہ دوطرفہ تعلقات کی تذویراتی شراکت داری میں تبدیلی ایک اہم سنگ میل ہے، بزنس فورم کے انعقاد پر وزیراعظم شہباز شریف کا مشکور ہوں۔
انہوں نے کہا کہ دونوں ملکوں نے اقتصادی اور تجاری تعلقات کو نئی بلندیوں تک لے جانے کاعزم کیا ہے، سیاحت، زراعت، تعلیم، آئی ٹی و دیگر شعبوں میں تعاون پر اتفاق کیا۔
قاسم جومارت توکایووف نے مزید کہا کہ بین الحکومتی کمیشن کے ذریعے بزنس ٹو بزنس روابط کو فروغ دیاجائے گا، پاکستان اور قازقستان علاقائی اور عالمی رابطے کا اہم ذریعہ ہیں۔
.
ذریعہ
ذریعہ: Jang News
کلیدی لفظ: قازقستان کے شہباز شریف تک لے جانے نے کہا کہ
پڑھیں:
پاکستان میں ڈالر مستحکم، پاؤنڈ اور یورو سمیت بڑی کرنسیوں کے تازہ ریٹس جاری
کراچی: اسٹیٹ بینک آف پاکستان نے 2 جون 2026 کے لیے مختلف عالمی کرنسیوں کے پاکستانی روپے کے مقابلے میں تازہ ریٹس جاری کر دیے ہیں۔ جاری کردہ اعداد و شمار کے مطابق امریکی ڈالر اپنی سابقہ سطح کے قریب برقرار ہے جبکہ برطانوی پاؤنڈ، یورو اور خلیجی ممالک کی کرنسیاں بھی مستحکم رجحان دکھا رہی ہیں۔
امریکی ڈالر کی قیمت
اسٹیٹ بینک کے مطابق امریکی ڈالر کی انٹربینک شرح 278.46 روپے رہی۔ مالیاتی ماہرین کے مطابق ڈالر کی قیمت گزشتہ کئی ماہ سے 278 سے 280 روپے کے درمیان گردش کر رہی ہے، جس سے زرمبادلہ مارکیٹ میں استحکام کا تاثر مل رہا ہے۔
سعودی ریال اور اماراتی درہم
سعودی ریال 74.19 روپے جبکہ متحدہ عرب امارات کا درہم 75.82 روپے پر برقرار رہا۔ خلیجی ممالک میں مقیم پاکستانیوں کی جانب سے بھیجی جانے والی ترسیلات زر کے باعث ان کرنسیوں کی اہمیت پاکستانی معیشت کے لیے بہت زیادہ ہے۔
یورو اور برطانوی پاؤنڈ
یورو کی قیمت 324.40 روپے جبکہ برطانوی پاؤنڈ 375.18 روپے ریکارڈ کیا گیا۔ یورپ اور برطانیہ میں زیر تعلیم پاکستانی طلبہ اور وہاں مقیم پاکستانی خاندانوں کے لیے ان کرنسیوں کی قیمتیں خصوصی اہمیت رکھتی ہیں۔
دیگر اہم کرنسیاں
کینیڈین ڈالر 201.19 روپے، آسٹریلوی ڈالر 200.03 روپے، قطری ریال 76.39 روپے، بحرینی دینار 738.61 روپے اور کویتی دینار 907.63 روپے کی سطح پر رہا، جو بدستور پاکستانی روپے کے مقابلے میں سب سے مہنگی کرنسیوں میں شامل ہے۔
آج کے نمایاں کرنسی ریٹس
امریکی ڈالر: 278.46 روپے
سعودی ریال: 74.19 روپے
اماراتی درہم: 75.82 روپے
قطری ریال: 76.39 روپے
یورو: 324.40 روپے
برطانوی پاؤنڈ: 375.18 روپے
کینیڈین ڈالر: 201.19 روپے
آسٹریلوی ڈالر: 200.03 روپے
کویتی دینار: 907.63 روپے
بحرینی دینار: 738.61 روپے
عمانی ریال: 723.26 روپے
ماہرین کے مطابق آئندہ دنوں میں روپے کی قدر کا انحصار ترسیلات زر، زرمبادلہ ذخائر، درآمدی ادائیگیوں اور عالمی مالیاتی رجحانات پر ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ