سرطان پاکستان میں اموات کی دوسری بڑی وجہ ہے، صدر مملکت
اشاعت کی تاریخ: 4th, February 2026 GMT
کراچی (نیوزڈیسک) صدرآصف علی زرداری نےعالمی یوم سرطان پر اپنےپیغام میں کہا سرطان پاکستان میں اموات کی دوسری بڑی وجہ ہے، سرطان سے نمٹنے کے لیے اتحاد، جدت اور پائیدار اقدامات پر زور دیا۔
صدرمملکت نے اپنےپیغام میں کہا سرطان سے اموات میں کمی کیلئےقومی سطح پر فوری پیشرفت کی ضرورت ہے، تاخیر سے تشخیص اور طویل علاج متاثرہ خاندانوں پرمعاشی و ذہنی دباؤ ہے۔
صدر آصف علی زرداری نےکہا بچوں کے سرطان پرخصوصی توجہ دی جارہی ہے،جامع قومی حکمت عملی بن رہی ہے،صحت کا نظام مضبوط بنانے اور سرطان کے بوجھ کا جامع جائزہ جاری ہے۔
صدر مملکت نے شہریوں، طبی ماہرین اور نجی شعبے سے مشترکہ جدوجہد کی اپیل کرتے ہوئے کہا ریاست تحقیق، ڈیٹا اور آگاہی کے ذریعے سرطان کے اثرات کم کرنے کے لیے پُرعزم ہے۔
.
ذریعہ
ذریعہ: Daily Mumtaz
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ