لاہور میں بسنت کے لیے محفوظ انتظامات، پتنگ بازی کے سامان کی قیمتوں میں اضافہ زیرِ نگرانی
اشاعت کی تاریخ: 4th, February 2026 GMT
وزیراعلیٰ پنجاب کی ہدایت پر صوبائی وزیر بلال یاسین کی زیر صدارت محکمہ داخلہ میں اجلاس ہوا جس میں بسنت کے سلسلے میں سیف انتظامات اور پتنگ بازی کے سامان کی قیمتوں میں اضافے کا نوٹس لیا گیا۔ اجلاس میں سیکرٹری داخلہ پنجاب ڈاکٹر احمد جاوید قاضی نے انتظامات کے حوالے سے بریفنگ دی اور حکومتی اقدامات واضح کیے گئے۔
یہ بھی پڑھیں:بسنت کے دنوں میں مفت ٹرانسپورٹ کیسے حاصل کی جائے؟
بلال یاسین نے بتایا کہ صوبے کے 4 اضلاع قصور، شیخوپورہ، فیصل آباد اور ملتان سے زیادہ سے زیادہ پتنگ بازی کا سامان لاہور پہنچایا جا رہا ہے۔ ان کا کہنا تھا کہ چاروں شہروں میں دستیاب سامان کی وافر مقدار سے قیمتوں میں واضح کمی آئے گی اور عوام سیف بسنت منا سکیں گے۔
انہوں نے بتایا کہ بسنت کو محفوظ بنانے کے لیے ہر ممکن اقدامات کیے جا رہے ہیں اور وزیراعلیٰ پنجاب نے لوگوں کی خوشیاں واپس لانے کے لیے سیف بسنت کا تحفہ دیا ہے۔
حکومت نے لاہور کے بعد دیگر اضلاع میں پتنگ بازی کا سامان بنانے کی اجازت دی ہے اور رجسٹرڈ مینوفیکچررز صرف رجسٹرڈ ٹریڈرز یا سیلرز کو ہی پتنگیں اور ڈور فروخت کریں گے۔
یہ بھی پڑھیں:لاہور میں محفوظ بسنت کے لیے ضلعی انتظامیہ متحرک
بلال یاسین نے مزید کہا کہ لاہور میں 6، 7 اور 8 فروری کو سیف بسنت کے لیے تمام سٹیک ہولڈرز اپنا کردار ادا کریں، تاکہ عوام کو خوشگوار اور محفوظ بسنت منانے کا موقع ملے۔
اجلاس میں سپیشل سیکرٹری داخلہ زینب خان، ایڈیشنل سیکرٹری انٹرنل سکیورٹی اور ایڈیشنل سیکرٹری پریزن سمیت دیگر حکام نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بسنت بلال یاسین لاہور.
ذریعہ
ذریعہ: WE News
کلیدی لفظ: بلال یاسین لاہور بلال یاسین پتنگ بازی بسنت کے کے لیے
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار