کراچی: 200 تولہ سونا ڈکیتی، پولیس نے تمام زیوارت ریکور کرلیے
اشاعت کی تاریخ: 4th, February 2026 GMT
فائل فوٹو
کراچی پولیس نے بہادر آباد کے گھر میں ڈکیتی کے تقریباً تمام ہی زیوارت ریکور کرلیے جبکہ امریکی ڈالرز ملزمان لے گئے۔
پولیس نے مختلف مقامات کی سی سی ٹی وی فوٹیجز حاصل کرلیں،2موٹر سائیکل سوار 4 ملزمان نے شہری کی گاڑی کا تعاقب کیا ، 3 ملزمان نے ماسک پہنا ہوا ہے۔
پولیس حکام کے مطابق تقریباً تمام زیورات ریکور کرلیے گئے ہیں ، امریکی ڈالر ملزمان لے گئے ہیں۔
کراچی کے علاقے بہادر آباد میں ڈکیتی کی واردات میں ڈاکو گھر سے 200 تولہ سونا اور ایک لاکھ امریکی ڈالر لوٹ کر فرار ہوگئے۔
پولیس حکام کے مطابق موٹرسائیکل سوار ملزمان فرار ہوتے وقت اسپیڈ بریکر کے باعث گر پڑے، جس کے باعث زیورات بھی بکھرگئے۔
پولیس حکام کے مطابق آس پاس بنگلوں کے سیکیورٹی گارڈز کو دیکھ کر ملزمان فرار ہوگئے، ملزمان کے فرار کا روٹ میپ تیار کرلیا گیا، جیو فینسنگ کی جا رہی ہے۔
ایف آئی آر کے مطابق متاثرہ شخص کا کہنا ہے کہ وہ بینک کے لاکر سے زیورات اور ایک لاکھ امریکی ڈالر نکلوا کر ڈرائیور کے ہمراہ گھر لایا۔
ایف آئی آر کے مطابق دو موٹر سائیکل پر سوار چار ملزمان تعاقب کرتے ہوئے گھر آئے۔ ایک ڈاکو گھر کے باہر موجود رہا۔ جبکہ تین اندر داخل ہوئے اور سونا و ڈالرز لوٹ کر فرار ہوگئے۔
.
ذریعہ
ذریعہ: Jang News
کلیدی لفظ: امریکی ڈالر کے مطابق
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار