اسلام آباد، وفاقی وزیر احسن اقبال سے نون لیگ گلگت بلتستان کے صدر حفیظ الرحمن کی تفصیلی ملاقات
اشاعت کی تاریخ: 4th, February 2026 GMT
ملاقات میں گلگت بلتستان کے آمدہ الیکشن میں پارٹی ترجیحات، عوامی اعتماد کے حصول کیلئے لائحہ عمل، تعمیر و ترقی کے جاری منصوبوں اور گلگت بلتستان کے 24 حلقوں کے عوام کے بنیادی مسائل کے حل کیلئے حکمت عملی، خطے کی خوشحالی کیلئے نئی منصوبہ بندی پر تبادلہ خیال کیا گیا۔ اسلام ٹائمز۔ سابق وزیر اعلیٰ و صوبائی صدر مسلم لیگ (ن) گلگت بلتستان حافظ حفیظ الرحمن کی وفاقی وزیر منصوبہ بندی و مرکزی سیکرٹری جنرل پاکستان مسلم لیگ (ن) احسن اقبال سے تفصیلی ملاقات ہوئی۔ ملاقات میں گلگت بلتستان کے آمدہ الیکشن میں پارٹی ترجیحات، عوامی اعتماد کے حصول کیلئے لائحہ عمل، تعمیر و ترقی کے جاری منصوبوں اور گلگت بلتستان کے 24 حلقوں کے عوام کے بنیادی مسائل کے حل کیلئے حکمت عملی، خطے کی خوشحالی کیلئے نئی منصوبہ بندی پر تبادلہ خیال کیا گیا۔ مسلم لیگ (ن) کے قائد نوازشریف کے ویژن کی روشنی میں الیکشن میں دو تہائی اکثریت کے حصول کیلئے ترجیحات و منصوبہ بندی کے نکات بھی زیر غور آئے۔ ملاقات میں گلگت بلتستان میں بجلی کے بحران کے حل، بے روزگاری میں کمی، نظام میں اصلاحات اور ترقیاتی فنڈز کی کمی کے مسائل کو چیلنج سمجھ کر حل کرنے کے عزم کا اعادہ کیا گیا۔
ملاقات میں بلتستان اور دیامر کے دو بڑے منصوبوں غواڑی 22 میگاواٹ اور تھک 4 میگاواٹ کو اگلے پی ایس ڈی پی میں شامل کرنے پر اتفاق کیا گیا۔ اس کے علاوہ گلگت کیلئے گریٹر واٹر سپلائی کے منصوبے کو بھی اگلے پی ایس ڈی پی میں شامل کرنے پر بھی اتفاق کیا گیا۔ ملاقات میں شگر، کھرمنگ، کتی شو، داریل، تانگیر اور نگر کے عوام کے مطالبات کو سامنے رکھتے ہوئے ٹاورز کی تنصیب کیلئے فنڈز کا بندوبست کرنے اور وزارت انفارمیشن ٹیکنالوجی کے ذریعے عملدرآمد پر بھی اتفاق کیا گیا۔ ملاقات میں گلگت بلتستان میں بجلی بحران کے خاتمے کیلئے 100 میگاواٹ سولر، ہینزل پاور پراجیکٹ نلتر 16 میگاواٹ، شعرتھنگ پاور پراجیکٹ اور ریجنل گرڈ کے میگا منصوبوں پر بھی تفصیلی گفتگو کی گئی اور ان منصوبوں کے کام، رفتار اور معیار پر بھرپور توجہ جاری رکھنے اور بروقت تکمیل کیلئے بھی مشاورت کی گئی۔
ملاقات میں استور وی آر روڈ، شغرتھنگ سے بوبن روڈ، گلگت غذر چترال روڈ، شاہراہ نگر اور گلگت سکردو روڈ کو مزید بہتر کرنے کے معاملات پر بھی گفتگو کی گئی اور جاری منصوبوں کی رفتار بڑھانے اور بروقت تکمیل کیلئے بھرپور توجہ سے ان منصوبوں کو آگے بڑھانے پر غور کیا گیا۔ ملاقات میں حافظ حفیظ الرحمن نے گلگت بلتستان کے عوام کو سولر پینلز فراہم کرنے کے فیصلے پر وفاقی وزیر کا خصوصی شکریہ ادا کیا۔ ملاقات میں وزیر منصوبہ بندی احسن اقبال نے گلگت بلتستان کے تمام کارکنوں کو پیغام دیتے ہوئے کہا کہ کارکن الیکشن کی بھرپور تیاری کریں، نون لیگ کی وفاقی حکومت نے 2015ء سے 2020ء تک تعمیر و ترقی میں جس طرح مالی مدد کی اس سے کئی گنا بڑھ کر گلگت بلتستان کے عوام کیلئے وسائل نچھاور کریں گے۔
ذریعہ
ذریعہ: Islam Times
کلیدی لفظ: گلگت بلتستان کے ملاقات میں کے عوام کیا گیا پر بھی
پڑھیں:
گلگت بلتستان سی پیک کا مرکز ہے: نواز شریف
مسلم لیگ ن کے صدر نواز شریف —فائل فوٹومسلم لیگ ن کے صدر نواز شریف کا کہنا ہے کہ گلگت بلتستان سی پیک کا مرکز ہے، کسی پارٹی نے یہاں کسی منصوبے کی اینٹ بھی نہیں لگائی، جس جی بی کو میں سینے سے لگا کر رکھتا تھا۔
گلگت میں کارکنوں سے خطاب کرتے ہوئے انہوں نے کہا ہے کہ ایئر پورٹ کے باہر اس کی سڑکوں کا حلیہ دیکھا تو افسوس ہوا، جو منصوبے ہم نے شروع کیے تھے وہ مکمل کیوں نہیں ہوئے؟ آخر وہ پیسہ کہاں لگایا گیا؟
نواز شریف کا کہنا ہے کہ جو سڑک میں نے شروع کی اسے خنجراب تک پہنچنا چاہیے تھا، ووٹ ملتا ہے یا نہیں، اللّٰہ جانتا ہے، ہم آپ کو ان چیزوں سے محروم نہیں کر سکتے۔
اجلاس میں وزیر اعظم شہباز شریف، وزیراعلیٰ پنجاب مریم نواز اور حمزہ شہباز سمیت پارٹی کے پارلیمانی رہنماؤں نے شرکت کی۔
انہوں نے کہا کہ آپ ووٹ دیں گے یا نہیں دیں گے، میں تب بھی آپ کے لیے بات کروں گا، شہباز شریف اور مریم نواز دونوں کو کہوں گا کہ یہاں آئیں، ایئر پورٹ کو بڑا کر کے یہاں بوئنگ طیارے آنے چاہیے تھے۔
ان کا کہنا ہے کہ شہباز شریف سے کہوں گا کہ ایئر پورٹ کو بڑا کریں گے، میں ہر دوسرے تیسرے مہینے یہاں آتا جاتا رہوں گا اور منصوبوں کی نگرانی کروں گا۔
اس سے قبل نواز شریف بذریعہ طیارہ گلگت پہنچے تھے، وفاقی وزیر امیر مقام، سابق وزیرِ اعلیٰ حافظ حفیظ الرحمٰن نے ایئر پورٹ پر ان کا استقبال کیا۔
وفاقی وزراء خواجہ آصف، احسن اقبال، رانا ثناء اللّٰہ، سینیٹر پرویز رشید، پنجاب کی وزیر مریم اورنگزیب، سینیٹر انوشہ رحمٰن، کاظم پیرزادہ نواز شریف کے ہمراہ گلگت پہنچے ہیں۔
ترجمان مسلم لیگ ن شمس میر کے مطابق نواز شریف گلگت بلتستان میں ن لیگ کے امیدواروں، صوبائی، ڈویژنل اور ضلعی عہدیداران سے ملاقاتیں اور خطاب کریں گے۔
واضح رہے کہ گلگت بلتستان اسمبلی کی 24 نشستوں پر الیکشن 7 جون کو ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ