بھارت میں منظم سائبر فراڈ بے نقاب، امریکی تحقیقات میں کال سینٹرز کے ملوث ہونے کی تصدیق
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
امریکی حکام کی تحقیقات میں بھارت میں بڑے پیمانے پر منظم سائبر فراڈ کا انکشاف ہوا ہے، جس میں متعدد بھارتی کال سینٹرز کے ملوث ہونے کی تصدیق سامنے آئی ہے۔
امریکی میڈیا کے مطابق یہ نیٹ ورک امریکا میں شہریوں کو مالی نقصان پہنچانے کے لیے منظم طریقے سے سرگرم تھا۔
امریکی جریدے واشنگٹن پوسٹ کی رپورٹ کے مطابق ریاست میری لینڈ میں کروڑوں ڈالر کے مالی فراڈ کی تفتیش کے دوران ایسے منظم نیٹ ورک کا سراغ ملا جو بھارت سے آپریٹ ہو رہا تھا۔ تحقیقات میں بتایا گیا کہ تین بھارتی کال سینٹرز نے 650 سے زائد امریکی شہریوں کو نشانہ بنایا، جن سے مجموعی طور پر 48 ملین ڈالر سے زیادہ کی رقم ہتھیائی گئی۔
رپورٹ میں کہا گیا ہے کہ ان کال سینٹرز سے وابستہ افراد خود کو امریکی قانون نافذ کرنے والے اداروں کا نمائندہ ظاہر کرتے تھے۔ جعل ساز ای میلز، فون کالز اور جعلی پاپ اپ الرٹس کے ذریعے شہریوں کو خوفزدہ کیا جاتا اور قانونی کارروائی کے نام پر ان سے رقم وصول کی جاتی رہی۔
واشنگٹن پوسٹ کے مطابق امریکی حکام کی فراہم کردہ معلومات پر بھارتی اداروں نے کارروائی کرتے ہوئے فراڈ نیٹ ورک کے چھ مرکزی کرداروں کو گرفتار کر لیا ہے۔ کارروائی کے دوران بڑی تعداد میں کمپیوٹرز، موبائل فونز اور دیگر الیکٹرانک آلات بھی ضبط کیے گئے ہیں جو فراڈ میں استعمال ہو رہے تھے۔
ایف بی آئی کے خصوصی ایجنٹ جمی پال نے بھی تصدیق کی ہے کہ بھارت میں قائم تین کال سینٹرز اس فراڈ نیٹ ورک سے منسلک تھے اور ان کے خلاف مشترکہ کارروائی کی گئی۔ بین الاقوامی ماہرین کا کہنا ہے کہ غیر ملکی ریاستی اداروں کی جعلی شناخت کا استعمال ریاستی نگرانی کی کمزوری اور انتظامی ناکامی کو ظاہر کرتا ہے۔
ماہرین کے مطابق بھارت میں سامنے آنے والے حالیہ منظم سائبر فراڈ کے واقعات کمزور ضابطہ کاری اور ادارہ جاتی خامیوں کو بے نقاب کرتے ہیں، جو نہ صرف خطے بلکہ عالمی سطح پر بھی سنجیدہ تشویش کا باعث بن رہے ہیں۔
.
ذریعہ
ذریعہ: Jasarat News
کلیدی لفظ: کال سینٹرز بھارت میں کے مطابق نیٹ ورک
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار