فٹبال کا جنون : امریکی شہری نے ایک سیزن میں 56 میچز دیکھ ڈالے
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
امریکا میں کھیلوں کے شائقین کی کمی نہیں، لیکن بعض افراد اپنے شوق کو اس حد تک لے جاتے ہیں کہ وہ تاریخ کا حصہ بن جاتے ہیں۔
امریکی ریاست کیلیفورنیا سے تعلق رکھنے والے فٹبال کے ایک پرجوش مداح برائن فاؤلر نے نیشنل فٹبال لیگ کے ایک ہی سیزن کے دوران ایسا کارنامہ انجام دیا ہے جس نے کھیلوں کی دنیا میں سب کو حیران کر دیا ہے۔
انہوں نے نہ صرف این ایف ایل کے تمام 30 اسٹیڈیمز میں میچز دیکھے بلکہ ایک ہی سیزن میں سب سے زیادہ میچز دیکھنے کا ریکارڈ بھی قائم کر دیا۔
برائن فاؤلر نے صرف 72 دن، 20 گھنٹے اور 56 منٹ کے دوران این ایف ایل کے تمام اسٹیڈیمز میں حاضری دی اور اس دوران مجموعی طور پر 56 میچز دیکھے۔ یہ کارنامہ اپنی نوعیت کا منفرد ہے کیونکہ اس سے قبل کسی بھی مداح نے اتنے کم وقت میں تمام اسٹیڈیمز میں میچز دیکھنے کا ریکارڈ قائم نہیں کیا تھا۔
اسی غیر معمولی کامیابی کی بدولت انہیں گینیز ورلڈ ریکارڈ میں باضابطہ طور پر شامل کر لیا گیا ہے۔
فاؤلر کے مطابق یہ سفر صرف ایک ریکارڈ بنانے کی کوشش نہیں تھا بلکہ فٹبال سے ان کی بے پناہ محبت کا اظہار بھی تھا۔ انہوں نے بتایا کہ بعض اسٹیڈیمز میں انہیں دو بار جانا پڑا کیونکہ کچھ ٹیمیں ایک ہی اسٹیڈیم کو بطور ہوم گراؤنڈ استعمال کرتی ہیں، جیسا کہ نیویارک جیٹس اور نیویارک جائنٹس۔ وہ چاہتے تھے کہ ہر ٹیم کا ہوم میچ اپنی آنکھوں سے دیکھیں، اسی لیے اضافی سفر اور میچز دیکھنے کا فیصلہ کیا۔
اس سے قبل یہ ریکارڈ جان رائن بیلے کے پاس تھا جنہوں نے 2021 میں 74 دن، سات گھنٹے اور 35 منٹ میں تمام این ایف ایل اسٹیڈیمز میں حاضری دی تھی، تاہم برائن فاؤلر نے اس ریکارڈ کو بہتر بنا کر نیا سنگ میل قائم کر دیا۔
کھیلوں کے ماہرین کا کہنا ہے کہ یہ کارنامہ نہ صرف جسمانی برداشت بلکہ مالی وسائل اور بہترین منصوبہ بندی کا بھی متقاضی تھا۔
برائن فاؤلر کی یہ کامیابی امریکا میں کھیلوں کے شائقین کے لیے ایک مثال بن چکی ہے، جہاں شوق اور لگن کو اگر مستقل مزاجی کے ساتھ اپنایا جائے تو وہ عالمی سطح پر پہچان حاصل کر سکتا ہے۔ این ایف ایل کے مداحوں میں ان کے اس اقدام کو بے حد سراہا جا رہا ہے اور سوشل میڈیا پر بھی ان کی اس مہم کو خاصی پذیرائی مل رہی ہے۔
.
ذریعہ
ذریعہ: Jasarat News
کلیدی لفظ: اسٹیڈیمز میں برائن فاؤلر ایف ایل
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا