’ہیری پوٹر‘ کی مصنفہ نے بچوں کے جنسی مجرم جیفری ایپسٹین سے مبینہ تعلقات پر خاموشی توڑ دی
اشاعت کی تاریخ: 5th, February 2026 GMT
مشہور ناول ’ہیری پوٹر‘ کی مصنفہ جے کے رولنگ نے جنسی جرائم میں ملوث جیفری ایپسٹین کو ’ہیری پوٹر اینڈ دی کرسڈ چائلڈ‘ کی براڈوے افتتاحی تقریب میں مدعو کرنے کی تردید کر دی۔
غیر ملکی میڈیا رپورٹس کے مطابق برطانوی مصنفہ نے بدنام زمانہ اور بچوں کے جنسی جرائم میں سزا یافتہ مجرم جیفری ایپسٹین سے مبینہ تعلقات کے حوالے سے زیر گردش افواہوں پر وضاحت جاری کر دی ہے۔
امریکی محکمۂ انصاف کی جانب سے جیفری ایپسٹین کے جرائم سے متعلق 30 لاکھ سے زائد دستاویزات جاری کیے جانے کے بعد کئی بااثر شخصیات کے نام زیرِ بحث آئے، جن میں جے کے رولنگ کا نام بھی قیاس آرائیوں کی زد میں آیا۔
ہیری پوٹر سیریز سے عالمی شہرت حاصل کرنے والی جے کے رولنگ کے بارے میں دعویٰ کیا جا رہا تھا کہ انہوں نے ایپسٹین کو 22 اپریل 2018 کو براڈوے پر پیش کیے جانے والے ڈرامے ’ہیری پوٹر اینڈ دی کرسڈ چائلڈ‘ کی افتتاحی تقریب میں شرکت کی دعوت دی تھی۔
ان الزامات کی تردید کرتے ہوئے برطانوی مصنفہ نے سوشل میڈیا پلیٹ فارم ایکس پر وضاحت پیش کی اور لکھا کہ یہ بات حد سے زیادہ مضحکہ خیز ہے۔ نہ میں نے، نہ ہی میری ٹیم کے کسی فرد نے کبھی جیفری ایپسٹین سے ملاقات کی، اس سے رابطہ کیا یا اسے کسی تقریب میں مدعو کیا۔
میڈیا رپورٹس کے مطابق ایپسٹین فائلز کے جائزے سے یہ بات سامنے آئی ہے کہ یہ دعوت نامے جے کے رولنگ نے نہیں بلکہ اس مشہور اسٹیج شو کے پروڈیوسر کولن کیلنڈر نے جیفری ایپسٹین کی ساتھی پیگی سیگل کی درخواست پر بھجوائے تھے۔ پیگی سیگل نے مبینہ طور پر کولن کیلنڈر کو ای میل میں لکھا تھا کہ ایک بہت اہم دوست اس شاندار پیشکش کو دیکھنا چاہتا ہے۔
میڈیا رپورٹس کے مطابق پلے گراؤنڈ انٹرٹینمنٹ کے سربراہ کولن کیلنڈر نے تصدیق کی کہ انہیں اس بات کا علم نہیں تھا کہ وہ اہم دوست کون ہے۔
جاری کردہ دستاویزات میں یہ بھی ذکر کیا گیا ہے کہ جیفری ایپسٹین نے بالآخر یہ شو نہیں دیکھا کیونکہ اس کا نام مہمانوں کی فہرست میں شامل نہ ہونے کے سبب اسے داخلے کے وقت ہی روک دیا گیا تھا۔
.
ذریعہ
ذریعہ: Daily Mumtaz
کلیدی لفظ: جیفری ایپسٹین جے کے رولنگ ہیری پوٹر
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا