بھارت: لفٹ میں دھماکہ، آگ لگنے سے 2 افراد زخمی
اشاعت کی تاریخ: 5th, February 2026 GMT
بھارت کے شہر ممبئی میں ایک لفٹ میں غبارے پھٹنے کا حادثہ پیش آیا، جس میں دو افراد زخمی ہوگئے۔
واقعے کی ویڈیو سوشل میڈیا پر بھی وائرل ہوئی ہے، جس میں دیکھا جا سکتا ہے کہ لفٹ میں خاتون کے ساتھ دو افراد داخل ہوئے، جن میں سے ایک شخص کے ہاتھ میں کئی غبارے موجود تھے۔
ویڈیو میں دیکھا گیا کہ جیسے ہی یہ شخص غبارے کے ساتھ لفٹ میں داخل ہوا، زور دار دھماکہ ہوا اور اس دوران آگ بھڑک اٹھی۔ لفٹ میں موجود خاتون نے فوری طور پر باہر نکلنے کی کوشش کی۔
پولیس کے مطابق دھماکے میں ایک خاتون اور ایک مرد زخمی ہوئے، اور غبارے بیچنے والے شخص کے خلاف مقدمہ درج کرلیا گیا ہے۔ پولیس زخمیوں کی حالت جانچنے کے ساتھ غباروں میں موجود گیس کی نوعیت کی تحقیقات بھی کر رہی ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل لفٹ میں
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم