سڑکیں بند کرنے کی اجازت نہیں، احتجاج کا حق سب کو ہے، وزیراعلیٰ سندھ
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی:وزیراعلیٰ سندھ مراد علی شاہ نے واضح کیا ہے کہ پاکستان کے آئین کے تحت ہر شہری کو احتجاج، جلسے جلوس اور آزادیٔ اظہارِ رائے کا مکمل حق حاصل ہے، اس حق کی آڑ میں کسی کو بھی سڑکیں بند کرنے اور عوام کو مشکلات میں ڈالنے کی اجازت نہیں دی جائے گی، احتجاج کے لیے مخصوص اور متبادل مقامات موجود ہیں، مرکزی شاہراہوں کو بند کرنا کسی صورت قابلِ قبول نہیں۔
کراچی میں میڈیا سے گفتگو کرتے ہوئے وزیراعلیٰ سندھ نے کہا کہ احتجاج ایک جمہوری حق ہے اور صوبائی حکومت اس حق کا احترام کرتی ہے مگر احتجاج ایسا ہونا چاہیے جس سے عام شہریوں کی زندگی متاثر نہ ہو، روزمرہ کے معمولات، ایمرجنسی سروسز، مریضوں، طلبہ اور ملازمت پیشہ افراد کو مشکلات میں ڈالنا نہ صرف غیر ذمہ دارانہ رویہ ہے بلکہ قانون کی خلاف ورزی بھی ہے۔
مراد علی شاہ نے کہا کہ حکومت نے شہر میں احتجاج اور جلسوں کے لیے کئی مقامات مختص کر رکھے ہیں، جہاں لوگ بغیر کسی رکاوٹ کے اپنی آواز بلند کر سکتے ہیں، مرکزی سڑکوں، شاہراہوں اور اہم راستوں پر احتجاج کی اجازت نہیں دی جا سکتی کیونکہ اس سے ٹریفک نظام مفلوج ہو جاتا ہے اور شہریوں کو شدید پریشانی کا سامنا کرنا پڑتا ہے۔
وزیراعلیٰ سندھ نے اس بات پر زور دیا کہ آزادیٔ اظہارِ رائے ایک مقدس حق ہے لیکن اس کے ساتھ ذمہ داری بھی لازم ہے، احتجاج کے نام پر سڑکیں بند کرنا، توڑ پھوڑ کرنا یا عوام کو یرغمال بنانا کسی صورت برداشت نہیں کیا جائے گا اور قانون کے مطابق کارروائی کی جائے گی۔
دریں اثنا، یومِ یکجہتی کشمیر کے موقع پر منعقدہ ریلی سے خطاب کرتے ہوئے مراد علی شاہ نے کہا کہ سندھ کے عوام کشمیری بھائیوں کے ساتھ مکمل یکجہتی کے ساتھ کھڑے ہیں، کشمیر کا مسئلہ صرف کشمیریوں کا نہیں بلکہ پوری امتِ مسلمہ اور بالخصوص پاکستان کا مسئلہ ہے، پاکستان کی جدوجہد کشمیریوں کی آزادی تک جاری رہے گی اور کشمیری عوام کو تنہا نہیں چھوڑا جائے گا۔
ذریعہ
ذریعہ: Jasarat News
پڑھیں:
وفاقی بجٹ5جون کو پیش نہیں کیا جائے گا
اسلام آباد(ڈیلی پاکستان آن لائن)وفاقی بجٹ5جون کو پیش نہیں کیا جائے گا۔
نجی ٹی وی چینل جیو نیوز کے مطابق ذرائع کاکہنا ہے کہ وفاقی بجٹ پیش کرنے کی نئی تاریخ کا تعین نہیں ہوسکا، وفاقی بجٹ 8یا 12جون کو پیش کئے جانے کا امکان ہے۔
قومی اقتصادی کونسل کا 3جون کو ہونے والا اجلاس ملتوی کردیا گیا، جس کا نوٹیفکیشن بھی جاری کردیاگیا۔
یادرہے کہ اس سے قبل خیال کیا جارہا تھا کہ وفاقی بجٹ5جون کو پیش کیا جائے گا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے