بھارتی توسیع پسندانہ عزائم کے خاتمےتک امن نہیں ہوسکتا، وزیراعظم
اشاعت کی تاریخ: 5th, February 2026 GMT
اسلام آباد(نیوزڈیسک)وزیراعظم شہبازشریف نےکہافیلڈمارشل کی قیادت میں بھارت کودی گئی شکست انکی نسلیں نہیں بھولیں گی،بھارت جس زبان میں بات کرےگااسی زبان میں کبھی نہ بھولنے والا جواب ملےگا،ذلت آمیز شکست کے بعدبھارت پراکسیزکےذریعےدہشتگردی تیزکرارہاہے،بھارت کے جارحانہ،توسیع پسندانہ عزائم، ناپاک سازشیں ترک کرنےتک امن نہیں ہوسکتا۔
وزیراعظم شہبازشریف نے آزادجموں وکشمیرقانون سازاسمبلی کےخصوصی اجلاس میں شرکت کے دوران خطاب میں کہاپاکستانی عوام،حکومت کی جانب سےاظہاریکجہتی کیلئےحاضر ہواہوں،شہداکی قربانیاں رائیگاں نہیں جائیں گی،شہیدبرہان وانی سےسیدعلی گیلانی تک،یاسین ملک سےلےکرمیرواعظ عمرفاروق تک ہررہنماسلام عقیدت پیش کرتےہیں،تاریخ گواہ ہےکشمیری خودکو،اپنےبچوں کوقربان کرسکتےہیں لیکن آزادی کشمیرکی سرزمین خون سےسرخ ہوچکی ہے،کشمیری اعلان کرتےہیں کشمیر بھارت کا حصہ تھانہ کبھی ہوگا۔
وزیراعظم نےمزیدکہاقائداعظم محمدعلی جناح نے کشمیر کو پاکستان کی شہ رگ قرار دیا، تنازع جموں کشمیر کا پائیدارحل کشمیریوں کی خواہشات پرہوناچاہیے، آزادی کےحصول تک پاکستان کشمیریوں کی حمایت کرتارہےگا،معرکہ حق میں پاکستان نےبھارت کاغرورخاک میں ملادیا،بہادر افواج نے فیلڈمارشل کی قیادت میں بھارت کو شکست دی،معرکہ حق میں پاکستان کی فتح اصل میں کشمیر کازکی فتح ہے۔
انہوں نے کہاکشمیراورفلسطین کےعوام کوان کی مرضی کےمطابق جینےکاحق ملناچاہیے،امن چاہتےہیں لیکن یہ امن برابری کی سطح پرقائم ہوسکتاہے،پاکستان نےاہم اسلامی ممالک کےساتھ غزہ میں قیام امن کیلئےعملی اقدامات کیے۔
وزیراعظم نےاس موقع پر مہاجرین کیلئےوظیفہ3500سےبڑھاکر6ہزارروپےماہانہ کرنےکااعلان کیا،کہا نواز شریف کےوژن کےمطابق کشمیرکاز،قومی ترقی کےاہداف حاصل کریں گے،نوجوانوں کوتکنیکی تعلیم کیلئے دانش یونیورسٹی کاسب کیمپس مظفرآبادقائم کیاجائےگا،اور اسلام آبادطرزکاخدمت سینٹر بھی قائم کیا جائے گا۔
.
ذریعہ
ذریعہ: Daily Mumtaz
پڑھیں:
اگر لداخ سیاسی اتحاد قائم کرسکتا ہے تو ہم بھی کرسکتے ہیں، محبوبہ مفتی
پیپلز ڈیموکریٹک پارٹی کی صدر نے کہا کہ وقت آ گیا ہے کہ سب ملکر وزیر اعظم اور مرکزی وزیر داخلہ سے رابطہ کریں اور جموں و کشمیر کے عوام کیساتھ مسلسل بات چیت شروع کرنے پر زور دیں۔ اسلام ٹائمز۔ لداخ کی سیاسی جماعتوں کی جانب سے یکجا طور حکومتِ ہند کے ساتھ مذاکرات میں حاصل ہونے والی پیشرفت سے حوصلہ پا کر پیپلز ڈیموکریٹک پارٹی (پی ڈی پی) کی صدر نے وزیر اعلیٰ عمر عبداللہ اور بھارتیہ جنتا پارٹی (بی جے پی) سمیت مختلف سیاسی جماعتوں کے رہنماؤں کو خطوط لکھ کر جموں و کشمیر کے حقوق اور وقار کی بحالی کے لئے متحد ہونے کی اپیل کی ہے۔ اپنے خط میں سابق وزیراعلٰی محبوبہ مفتی نے عمر عبداللہ کو لکھا کہ "لیہہ ایپکس باڈی" اور "کرگل ڈیموکریٹک الائنس" کی جانب سے مرکز کے ساتھ مذاکرات میں حاصل ہونے والی حالیہ کامیابیاں ایک اہم سبق فراہم کرتی ہیں کہ بامعنی نتائج صرف بات چیت کے ذریعے ہی حاصل کئے جا سکتے ہیں۔
محبوبہ مفتی نے خط میں کہا کہ جموں و کشمیر ایک بار پھر اپنی تاریخ کے ایک اہم موڑ پر کھڑا ہے، جہاں مایوسی اور بددلی کا احساس عوام پر غالب ہے۔ انہوں نے کہا کہ اس صورتحال سے نکلنے کے لئے سیاسی اور جماعتی اختلافات سے بالاتر ہو کر وسیع اتفاق رائے کی ضرورت ہے۔ انہوں نے کہا کہ اگر عوام کے وقار اور تحفظ کو بحال کرنا ہے تو حکومت ہند کے ساتھ تعمیری مذاکرات ناگزیر ہیں۔ انہوں نے کہا کہ وقت آ گیا ہے کہ سب مل کر وزیر اعظم اور مرکزی وزیر داخلہ سے رابطہ کریں اور جموں و کشمیر کے عوام کے ساتھ مسلسل بات چیت شروع کرنے پر زور دیں۔
جموں و کشمیر کے وزیراعلیٰ عمر عبداللہ کے علاوہ محبوبہ مفتی نے بی جے پی کے قائد حزب اختلاف سنیل شرما، جموں و کشمیر پردیش کانگریس کمیٹی کے صدر طارق حمید قرہ، سی پی آئی (ایم) رہنما ایم وائی تاریگامی، پیپلز کانفرنس کے چیئرمین سجاد غنی لون، رکن پارلیمان انجینئر رشید، عام آدمی پارٹی کے صدر معراج ملک، پی ڈی ایف کے چیئرمین حکیم محمد یاسین، جموں و کشمیر نیشنل پینتھرس پارٹی کے صدر ہرش دیو سنگھ، شیو سینا (جموں و کشمیر یونٹ) کے صدر منیش ساہنی، کشمیری پنڈت سنگھرش سمیتی کے صدر سنجے ٹکو اور گوردوارہ پربندھک کمیٹی کے چیئرمین جسپال سنگھ کو بھی خطوط ارسال کیے ہیں۔
انہوں نے تمام رہنماؤں سے اپیل کی کہ وہ وزیراعظم نریندر مودی اور مرکزی وزیر داخلہ امت شاہ سے مشترکہ اور منظم انداز میں رابطہ قائم کرنے کے لئے ایک پلیٹ فارم پر جمع ہوں۔ محبوبہ مفتی نے کہا کہ ہمیں اپنے اختلافات اور متضاد خیالات کو ایک طرف رکھ کر عوامی مفاد اور اجتماعی فلاح کے لئے متحد ہونا ہوگا۔ یہ سیاسی کریڈٹ لینے یا ایک دوسرے پر سبقت حاصل کرنے کا معاملہ نہیں بننا چاہیئے بلکہ ان لوگوں کے وسیع تر مفاد میں اتحاد کا موقع ہونا چاہیئے جن کی نمائندگی کا ہم سب دعویٰ کرتے ہیں۔ علاقائی جماعتوں کے درمیان اختلافات اور کشیدگی نے ہمیشہ جموں و کشمیر کے اجتماعی مفادات کو نقصان پہنچایا ہے، اس لئے خاص طور پر 2019ء کے بعد ایک معقول اتفاق رائے ہی واحد راستہ ہے۔
انہوں نے کہا کہ اگر لداخ ایسا کر سکتا ہے تو ہم بھی کر سکتے ہیں۔ انہوں نے وزیر اعلیٰ عمر عبداللہ سے اپیل کی کہ وہ ایک کل جماعتی اجلاس طلب کریں تاکہ مرکز کے ساتھ رابطے کے عمل کا آغاز کیا جا سکے۔ محبوبہ مفتی نے کہا کہ اس سیاسی پلیٹ فارم کی کامیابی کے لئے عمر عبداللہ کی حمایت ضروری ہے۔ انہوں نے کہا کہ موجودہ غیر معمولی اور مشکل حالات میں حقیقی اتحاد ہی عوام کے ان حقوق اور وقار کی بحالی کی راہ ہموار کر سکتا ہے جن کی ضمانت بھارتی آئین دیتا ہے۔ محبوبہ مفتی کا یہ خط ایسے وقت میں سامنے آیا ہے جب چند دن قبل لیہہ ایپکس باڈی اور کرگل ڈیموکریٹک الائنس نے دعویٰ کیا تھا کہ حکومتِ ہند کے ساتھ ان کے مذاکرات میں اہم پیشرفت ہوئی ہے۔
یہ مذاکرات آرٹیکل 371 کے تحت چھٹے شیڈول کا درجہ اور قانون ساز اسمبلی کے مطالبات سے متعلق تھے۔ اگست 2019ء میں سابق ریاست جموں و کشمیر کی تقسیم کے بعد لداخ میں یہ سیاسی اتحاد سامنے آیا تھا۔ پی ڈی پی، نیشنل کانفرنس، پیپلز کانفرنس اور دیگر علاقائی جماعتوں نے 5 اگست 2019ء کو آرٹیکل 370 کی منسوخی سے دو روز قبل پیپلز الائنس فار گپکار ڈیکلریشن (PAGD) قائم کیا تھا۔ تاہم نومبر اور دسمبر 2020ء میں مرکز کی جانب سے ضلع ترقیاتی کونسل (DDC) انتخابات کے انعقاد کے بعد اس اتحاد میں اختلافات نمایاں ہونے لگے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ