میئر کراچی کا بھی شہر قائد میں بسنت میلہ سجانے کا اعلان
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (اسٹاف ر پورٹر) موسم بہار کی آمد کو خوش آمدید کہنے کیلیے میئر کراچی مرتضیٰ وہاب نے بسنت میلہ سجانے کا اعلان کر دیا۔صحافیوں سے گفتگو کرتے ہوئے میئر کراچی مرتضیٰ وہاب نے کہا کہ وہ اس پتنگ کی بات نہیں کر رہے جو کٹ گئی ہے، کراچی کے باغ ابن قاسم یا بے نظیر بھٹو پارک میں بسنت فیسٹیول ہوگا۔مرتضیٰ وہاب نے کہا کہ آج کل بسنت کا بول بالا ہے آئندہ کچھ ہفتوں میں پتنگ بازی سے متعلق کوئی فیسٹیول کرائیں گے، سازشی عناصر بند کریں لوگوں کو خوشی دیں اور مٹی کو خوبصورت بنائیں۔گفتگو میں انہوں نے مزید کہا کہ وفاقی حکومت صفر اور کے ایم سی 46 ارب روپے خرچ کر رہی ہے، رواں سال 80 ارب روپے شہر پر خرچ کریں گے، پیپلز پارٹی کی مدد سے سندھ حکومت کراچی پر 300 ارب روپے خرچ کر رہی ہے۔انہوں نے کہا کہ کراچی کیلیے وزیر اعظم شہباز شریف کو بھی کردار ادا کرنا چاہیے، ایم کیو ایم کے لوگ بھی کہہ رہے ہیں بلدیاتی اداروں کو مضبوط ہونا چاہیے، تنقید کرنے سے مسائل حل نہیں ہوتے۔ان کا کہنا تھا کہ پیپلز پارٹی شہر کا مستقبل ہے اور اس شہر کی ترقی کیلیے کردار ادا کرتی رہے گی، باتیں کرنے سے مسائل حل نہیں ہوتے۔ایک سوال کے جواب میں مرتضیٰ وہاب نے کہا کہ پہلے کام نہیں ہو رہا تھا تو تحریک عدم اعتماد کا خیال نہیں آیا، جب سنا کہ کے ایم سی کے اکائونٹ میں اربوں روپے آگئے ہیں تو رال ٹپکنے لگی۔
ذریعہ
ذریعہ: Jasarat News
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ