لاہور میں بسنت فیسٹیول کا آغاز، آئی جی پنجاب کا پولیس کو الرٹ رہنے کا حکم
اشاعت کی تاریخ: 6th, February 2026 GMT
لاہور میں 3 روزہ بسنت فیسٹیول کا آغاز ہو گیا ہے۔ آئی جی پنجاب راؤ عبدالکریم نے لاہور پولیس کو ہدایت دی ہے کہ وہ 3 دن کے دوران عوام کی حفاظت اور بسنت کے خوشگوار ماحول کو یقینی بنائیں۔
آئی جی پنجاب نے کہا ہے کہ ہوائی فائرنگ، اسلحہ کی نمائش، بدتہذیبی، فحاشی اور عوامی سکون میں خلل ڈالنے والے عوامل پر زیرو ٹالرنس اپنایا جائے۔ انہوں نے مزید کہا کہ دھاتی، کیمیکل اور ممنوعہ ڈور کے استعمال پر بلاامتیاز سخت کارروائی کی جائے۔
آئی جی نے یاددہانی کرائی کہ ایئرپورٹ، فضائی راستوں، حساس تنصیبات اور ممنوعہ علاقوں میں پتنگ بازی پر پابندی برقرار ہے۔ پولیس افسران کو ہدایت دی گئی ہے کہ وہ 3 روزہ بسنت کے دوران ضابطہ اخلاق کی پابندی اور قوانین پر عملدرآمد کی نگرانی کریں۔
مزید پڑھیں: لاہور میں آج سے 3 روزہ بسنت فیسٹیول کا آغاز، شہر رنگوں اور روشنیوں میں نہا گیا
انہوں نے شہریوں سے بھی کہا کہ قیمتی انسانی جانوں کے تحفظ کے پیش نظر ذمہ داری کا ثبوت دیں اور قوانین کی پاسداری کریں۔
لاہور میں محفوظ بسنت کے لیے سی ٹی او کا شہریوں کو خصوصی پیغامسی ٹی او لاہور ڈاکٹر محمد اطہر وحید نے بسنت کے موقع پر شہریوں کو پیغام دیا ہے کہ خوشیوں کو محفوظ بنانے کے لیے ٹریفک قوانین اور بسنت ایس او پیز پر عملدرآمد لازمی ہے۔
کہ دل ہوا بو کاٹا ۔۔
محفوظ بسنت: سی ٹی او لاہور ڈاکٹر محمد اطہر وحید کا بسنت کے موقع پر لاہوریوں کو خصوصی پیغام@AmirSaeedAbbasi @KulAalam #Basant2026 pic.
— Media Talk (@mediatalk922) February 6, 2026
ڈاکٹر اطہر وحید کے مطابق ٹریفک پولیس لاہور تینوں دن 24 گھنٹے، تینوں شفٹوں میں کام کرے گی اور ہر شفٹ میں ایک ہزار سے زائد وارڈنز اور افسران تعینات ہوں گے۔ دفاتر میں موجود تمام وارڈنز بھی سڑکوں پر تعینات کر دیے گئے ہیں۔
اہم اقدامات:رش والے علاقوں میں اضافی نفری اور ٹریفک ریسپانس یونٹ تعینات
لفٹرز اور بریک ڈاؤنز شہریوں کی مدد کے لیے 24 گھنٹے سڑکوں پر موجود
زونل ایس ایس پیز کی نگرانی میں تمام ڈویژنل ایس پیز اور سرکل افسران فیلڈ میں موجود
پنجاب حکومت نے بسنت کے 3 دن ٹرانسپورٹ مفت کردی
مزید پڑھیں:بسنت کے موقع پر چاہت فتح علی خان کا نیا گانا، صارفین کیا کہتے ہیں؟
شہری موٹر سائیکل بغیر سیفٹی راڈز کے استعمال نہ کریں، خلاف ورزی پر کارروائی ہوگی
شہر کے انٹر ایگزٹ پوائنٹس پر بھی سیفٹی راڈز نصب
شہری کسی بھی مدد یا معلومات کے لیے 15 پر کال کرسکتے ہیں
سی ٹی او نے زور دیا کہ شہری حکومت کے ساتھ مل کر بسنت کے تہوار کو محفوظ اور خوشگوار بنائیں تاکہ سب کے لیے جشن کا ماحول برقرار رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی جی پنجاب راؤ عبدالکریم بسنت سی ٹی او لاہور ڈاکٹر محمد اطہر وحید
ذریعہ
ذریعہ: WE News
کلیدی لفظ: آئی جی پنجاب راؤ عبدالکریم سی ٹی او لاہور ڈاکٹر محمد اطہر وحید لاہور میں سی ٹی او بسنت کے کے لیے
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار