ٹرمپ نے ایک بار پھر پاک بھارت جنگ رکوانے کا دعویٰ دہرادیا
اشاعت کی تاریخ: 6th, February 2026 GMT
امریکی صدر ڈونلڈ ٹرمپ نے ایک ہی دن میں 2 مرتبہ یہ دعویٰ دہرایا کہ انہوں نے گزشتہ سال پاکستان اور بھارت کے درمیان جنگ رکوا دی تھی۔
نیشنل پریئر بریک فاسٹ سے خطاب کرتے ہوئے صدر ٹرمپ نے کہا کہ انہوں نے ایک سال کے دوران دنیا بھر میں 8 بڑی اور شدید جنگوں کا خاتمہ کیا۔
یہ بھی پڑھیں: ٹرمپ نوبیل انعام کے لیے پھر مچل گئے، پاک بھارت جنگ بندی کا تذکرہ دوبارہ چھیڑ دیا
ان کے مطابق ان جنگوں میں کمبوڈیا اور تھائی لینڈ، کوسوو اور سربیا، پاکستان اور بھارت، اسرائیل اور ایران، اور آرمینیا اور آذربائیجان کے درمیان تنازعات شامل تھے۔
بعد ازاں، اپنے سوشل میڈیا پلیٹ فارم ٹروتھ سوشل پر جاری بیان میں ڈونلڈ ٹرمپ نے ایک بار پھر یہ مؤقف اختیار کیا کہ انہوں نے پاکستان اور بھارت کے درمیان ایٹمی جنگ کو پھوٹنے سے روکا۔
Trump claims twice in a day that he stopped war between India, Pakistan, again.
Clearly, not a part of the agreement this week.???? https://t.co/kgkQH222Lb
— Suhasini Haidar (@suhasinih) February 6, 2026
انہوں نے کہا کہ امریکا دنیا کا سب سے طاقتور ملک ہے اور ان کی پہلی صدارت کے دوران امریکی فوج کو مکمل طور پر ازسرِنو تعمیر کیا گیا، جس میں نئے اور جدید جوہری ہتھیار بھی شامل ہیں۔
صدر ٹرمپ نے دعویٰ کیا کہ انہوں نے اسپیس فورس کا قیام عمل میں لایا اور اب بھی امریکی فوج کو ایسی سطح تک مضبوط کیا جا رہا ہے جو اس سے پہلے کبھی نہیں دیکھی گئی۔
مزید پڑھیں: پاک بھارت جنگ روکنے کا 57ویں مرتبہ تذکرہ، ٹرمپ نے بھارت کے ساتھ کسی بھی تعاون کا امکان مسترد کردیا
ان کے بقول، امریکا دوسری جنگِ عظیم کے دور کے جنگی بحری جہازوں، جیسے آئیووا اور میزوری، سے کہیں زیادہ طاقتور نئے جنگی جہاز بھی شامل کر رہا ہے۔
اپنے بیان میں ٹرمپ نے یہ بھی کہا کہ انہوں نے دنیا کے مختلف حصوں میں ایٹمی جنگوں کو روکنے میں کردار ادا کیا، جن میں پاکستان اور بھارت، ایران اور اسرائیل، اور روس اور یوکرین کے درمیان ممکنہ تصادم شامل ہے۔
واضح رہے کہ امریکی صدر اب تک 90 سے زائد مرتبہ یہ دعویٰ کر چکے ہیں کہ انہوں نے پاکستان اور بھارت کے درمیان تنازع رکوا دیا، وہ یہ مؤقف مسلسل مختلف عالمی اور امریکی فورمز پر دہراتے آ رہے ہیں۔
مزید پڑھیں: ڈونلڈ ٹرمپ نے ایک بار پھر پاک بھارت جنگ رکوانے کا ذکر چھیڑ دیا
خاص طور پر 10 مئی کے بعد، جب انہوں نے سوشل میڈیا پر اعلان کیا تھا کہ واشنگٹن کی ثالثی میں ہونے والی طویل بات چیت کے بعد دونوں ممالک نے فوری اور مکمل جنگ بندی پر اتفاق کر لیا ہے۔
تاہم، بھارت کی جانب سے مسلسل اس بات کی تردید کی جاتی رہی ہے کہ پاکستان اور بھارت کے درمیان کسی بھی قسم کی جنگ بندی یا مذاکرات میں کسی تیسرے فریق نے کردار ادا کیا ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایٹمی جنگ ایران بریک فاسٹ بھارت پاکستان پلیٹ فارم ثالثی ٹروتھ سوشل ڈونلڈ ٹرمپ روس سوشل میڈیا نیشنل پریئر واشنگٹن یوکرین
ذریعہ
ذریعہ: WE News
کلیدی لفظ: اسرائیل ایٹمی جنگ ایران بریک فاسٹ بھارت پاکستان پلیٹ فارم ثالثی ٹروتھ سوشل ڈونلڈ ٹرمپ سوشل میڈیا واشنگٹن یوکرین پاکستان اور بھارت کے درمیان پاک بھارت جنگ کہ انہوں نے ٹرمپ نے ایک ڈونلڈ ٹرمپ
پڑھیں:
عطا اللہ تارڑ نے اب تک معافی نہیں مانگی، وزیراعظم وزرا کے تضحیک آمیز رویے کا نوٹس لیں، سحر کامران
پاکستان پیپلز پارٹی کی رکن قومی اسمبلی سحر کامران کا کہنا ہے کہ وفاقی وزیر اطلاعات عطا اللہ تارڑ نے قائمہ کمیٹی کے اجلاس میں پیش آنے والے واقعے پر اب تک معافی نہیں مانگی جبکہ وزیراعظم کو اپنے وزرا کے تضحیک آمیز رویے کا نوٹس لینا چاہیے۔
یہ بھی پڑھیں: پاکستان کے اگلے وزیراعظم بلاول بھٹو زرداری، سینیٹر سحر کامران نے دعویٰ کیوں کیا؟
وی ایکسکلوسیو میں گفتگو کرتے ہوئے سحر کامران نے بتایا کہ قائمہ کمیٹی کے اجلاس کے دوران انہوں نے وزارت اور متعلقہ سیکریٹری سے سوال کیا تھا کہ کمیٹی کے اجلاس میں تقریباً 12 ارب روپے مالیت کے 14 منصوبوں کی منظوری لی گئی تاہم بعد میں معلوم ہوا کہ بجٹ میں 14 ارب روپے سے زائد مالیت کے 17 منصوبے منظور کیے گئے ہیں۔
انہوں نے کہا کہ ان کا صرف یہ سوال تھا کہ وہ 3 اضافی منصوبے کون سے تھے جو قائمہ کمیٹی کے سامنے پیش نہیں کیے گئے۔ ان کے بقول انہوں نے پاکستان ٹیلی ویژن (پی ٹی وی) سے متعلق بھی ایجنڈے کے مطابق چند سوالات کیے لیکن اسی دوران وفاقی وزیر اطلاعات عطا اللہ تارڑ اونچی آواز میں گفتگو کرنے لگے جس سے انہیں شدید تضحیک کا احساس ہوا۔
سحر کامران کا کہنا تھا کہ انہوں نے اس صورتحال پر واک آؤٹ کرنے کا فیصلہ کیا تاہم ان کے مطابق عطا اللہ تارڑ نے دوبارہ بلند آواز میں کہا کہ ’یہ ممبر کمیٹی کو ہائی جیک کرنا چاہتی ہیں‘، حالانکہ ان کے بقول انہوں نے ایسا کوئی اقدام نہیں کیا تھا۔
مزید پڑھیے: امریکا ایران مذاکرات، پیپلز پارٹی کا کردار پسِ منظر میں کیوں؟
رکن قومی اسمبلی نے مزید کہا کہ یہ پہلا موقع نہیں تھا کہ عطا اللہ تارڑ کے رویے پر انہیں اعتراض ہوا ہو۔ ان کے مطابق اس سے قبل بھی ایک پارلیمانی سوال کے جواب میں وزیر اطلاعات نے ان کے سوال کا متعلقہ جواب نہیں دیا تھا۔
انہوں نے دعویٰ کیا کہ جب انہوں نے قومی اسمبلی میں اس معاملے کی نشاندہی کی تو عطا اللہ تارڑ نے جواب دیا کہ میرا یہی کام ہے کہ سوال جیسا بھی ہو جواب میں اپنی مرضی کا دیتا ہوں۔
سحر کامران نے سپیکر قومی اسمبلی کے رویے پر بھی اعتراض کرتے ہوئے کہا کہ انہیں ایوان میں جانبداری محسوس ہوئی۔
انہوں نے کہا کہ اس سے قبل بھی ایک وفاقی وزیر کی جانب سے پاکستان پیپلز پارٹی کی سینیٹر شیری رحمان کے ساتھ بھی نامناسب رویہ اختیار کیا گیا تھا۔
سحر کامران نے وزیراعظم سے مطالبہ کیا کہ وہ وزرا کے رویے کا نوٹس لیں اور پارلیمانی روایات کے مطابق ارکان کے ساتھ احترام پر مبنی طرز عمل یقینی بنائیں۔
انہوں نے کہا کہ پاکستان پیپلز پارٹی نے جمہوریت اور آئین کی بالادستی کے لیے بے شمار قربانیاں دی ہیں۔ ان کے بقول پارٹی آج بھی جمہوریت کے استحکام کی خاطر وفاقی حکومت کی اتحادی ہے تاہم اسی وجہ سے کابینہ کا حصہ نہیں بنی۔
مزید پڑھیں: عطا تارڑ کا بڑا ایکشن: واجبات کی ادائیگی تک نجی ٹی وی کے اشتہارات بند کا اعلان
انہوں نے مزید کہا کہ پاکستان پیپلز پارٹی کی ملک کے تمام صوبوں کے علاوہ گلگت بلتستان اور آزاد کشمیر میں بھی نمایاں نمائندگی موجود ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رکن قومی اسمبلی سحر کامران سحر کامران کو عطا تارڑ سے شکایت وفاقی وزیر اطلاعات عطا اللہ تارڑ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار