پاکستان سٹاک مارکیٹ میں شدید مندی، 100 انڈیکس 3 ہزار پوائنٹس سے زائد نیچے آگیا
اشاعت کی تاریخ: 6th, February 2026 GMT
پاکستان سٹاک مارکیٹ میں کاروباری ہفتے کے آخری روز شدید مندی دیکھنے میں آئی، جس کے نتیجے میں ہنڈرڈ انڈیکس تقریباً 3 ہزار پوائنٹس سے زائد کھو بیٹھا۔ کاروبار کے آغاز پر سٹاک مارکیٹ میں ہلکی تیزی دیکھی گئی اور ہنڈرڈ انڈیکس ایک لاکھ 88 ہزار 36 پوائنٹس کی سطح تک پہنچ گیا، جس سے سرمایہ کاروں میں ابتدا میں امید پیدا ہوئی۔تاہم دن کے وسط میں اچانک مارکیٹ میں مندی چھا گئی اور انڈیکس تیزی سے گر کر ایک لاکھ 84 ہزار 548 پوائنٹس تک پہنچ گیا، جس سے 3 ہزار 488 پوائنٹس کی کمی ریکارڈ کی گئی۔ اس دوران مارکیٹ میں سرمایہ کاری کرنے والے افراد اور بروکرز کافی محتاط ہو گئے اور کاروباری سرگرمیاں محدود رہیں۔واضح رہے کہ گزشتہ کاروباری دن کے اختتام پر ہنڈرڈ انڈیکس ایک لاکھ 87 ہزار 832 پوائنٹس کی سطح پر بند ہوا تھا، جس سے ظاہر ہوتا ہے کہ مارکیٹ میں مختصر عرصے کے دوران شدید اتار چڑھاؤ رہا ہے۔ ماہرین کا کہنا ہے کہ ملکی معیشت اور عالمی مارکیٹ کے عوامل سٹاک مارکیٹ کی اتار چڑھاؤ کی بنیادی وجوہات ہیں، اور سرمایہ کاروں کو مستقبل میں محتاط رہنے کی ضرورت ہے۔
.
ذریعہ
ذریعہ: Nawaiwaqt
کلیدی لفظ: سٹاک مارکیٹ مارکیٹ میں
پڑھیں:
ملک بھر میں گدھوں، گھوڑوں، خچروں کی تعداد میں اضافہ
قومی اقتصادی سروے 26-2025 میں رپورٹ کیا گیا ہے کہ رواں مالی سال ملک بھر میں گدھوں، گھوڑوں، خچروں سمیت دیگر جانوروں کی تعداد میں اضافہ ہوا ہے اور مالی سال 26-2025 میں لائیو اسٹاک شعبے کی شرح نمو 3.8 فیصد رہی۔
قومی اقتصادی سروے کے مطابق ملک میں گدھوں کی تعداد 61 لاکھ 60 ہزار تک پہنچ گئی جو سالانہ 1.9 فیصد اضافہ ہوا اور خچروں کی تعداد 1.8 فیصد اضافے کے بعد دو لاکھ 21 ہزار ہوگئی ہے۔
سروے میں بتایا گیا کہ گھوڑوں کی تعداد میں 0.8 فیصد اضافہ ہوا اور مجموعی تعداد 3 لاکھ 86 ہزار تک پہنچ گئی ہے، ملک میں رواں مالی سال کے دوران بھینسوں کی تعداد 4 کروڑ 91 لاکھ سے تجاوز کرگئی اور سالانہ 3 فیصد اضافہ ریکارڈ کیا گیا۔
اسی طرح گائے کی تعداد 6 کروڑ 19 لاکھ 60 ہزار تک پہنچ گئی ہے جو 3.8 فیصد اضافہ ہے، بکریوں کی تعداد 9 کروڑ 18 لاکھ سے بڑھ گئی اور سالانہ 2.7 فیصد اضافہ دیکھا گیا۔
قومی اقتصادی سروے میں مزید بتایا گیا کہ ملک میں بھیڑوں کی تعداد 1.2 فیصد بڑھ کر 3 کروڑ 35 لاکھ سے زائد ہوگئی ہے، اونٹوں کی تعداد میں 1.4 فیصد اضافہ ہوا اور مجموعی تعداد 11 لاکھ 93 ہزار ہوگئی ہے۔
رپورٹ میں بتایا گیا کہ رواں مالی سال ماہی گیری کے شعبے میں 1.7 فیصد نمو ریکارڈ کی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے