ماسکو میں مغربی پابندیوں کا شکار روسی انٹیلیجنس عہدیدار فائرنگ سے زخمی
اشاعت کی تاریخ: 6th, February 2026 GMT
روسی حکام کے مطابق روسی فوجی انٹیلیجنس ادارے جی آر یو کے ایک اعلیٰ عہدیدار کو ماسکو میں ان کی رہائش گاہ کے اپارٹمنٹ میں فائرنگ کر کے زخمی کر دیا گیا جس کے بعد انہیں تشویشناک حالت میں اسپتال منتقل کر دیا گیا۔
یہ بھی پڑھیں: فلسطینی ریاست کا قیام اصولی معاملہ ہے، روسی صدر ولادیمیر پیوٹن
رائٹرز کے مطابق یہ واقعہ ان حملوں کے سلسلے کی تازہ کڑی ہے جن کا الزام روس یوکرین پر عائد کرتا رہا ہے۔
تحقیقات سے وابستہ حکام کے مطابق ایک نامعلوم حملہ آور نے لیفٹیننٹ جنرل ولادیمیر الیگزئیف پر اس وقت کئی فائر کیے جب وہ اپنے اپارٹمنٹ سے دفتر جانے کے لیے نکل رہے تھے جس کے بعد حملہ آور فرار ہو گیا۔
الیگزئیف روسی فوجی انٹیلی جنس کے نائب سربراہ ہیں اور یوکرین جنگ کی نگرانی میں ان کا کلیدی کردار رہا ہے۔
64 سالہ ولادیمیر الیگزئیف کو روسی صدر ولادیمیر پوٹن کی جانب سے ان کی خدمات کے اعتراف میں ہیرو آف رشیا کا اعزاز دیا جا چکا ہے۔
حکام کے مطابق انہیں بازو، ٹانگ اور سینے میں گولیاں لگیں اور ان کی حالت تشویشناک بتائی جا رہی ہے۔
مزید پڑھیے: جوہری معاہدہ ختم، روس کی امریکا سے دوبارہ مذاکرات پر آمادگی
الیگزئیف کی پیدائش یوکرین میں اس وقت ہوئی تھی جب وہ سوویت یونین کا حصہ تھا۔ انہیں سنہ 2016 کے امریکی صدارتی انتخابات میں مبینہ روسی سائبر مداخلت کے باعث امریکا کی جانب سے پابندیوں کا سامنا تھا جبکہ یورپی یونین نے سنہ 2018 میں برطانیہ کے شہر سالسبری میں سابق روسی ایجنٹ سرگئی اسکریپل اور ان کی بیٹی کو زہر دیے جانے کے واقعے پر ان پر پابندیاں عائد کی تھیں۔
روسی وزیر خارجہ سرگئی لاوروف نے فائرنگ کے اس واقعے کا الزام یوکرین پر عائد کرتے ہوئے کہا کہ یہ حملہ امن مذاکرات کو سبوتاژ کرنے کی کوشش ہے تاہم انہوں نے اس دعوے کے حق میں کوئی شواہد پیش نہیں کیے۔ یوکرین کی جانب سے فوری طور پر کوئی ردعمل سامنے نہیں آیا۔
کریملن کے مطابق صدر پوٹن کو واقعے پر بریفنگ دی جا چکی ہے اور روسی انٹیلی جنس ادارے حملے کی تحقیقات کر رہے ہیں۔ کریملن کے ترجمان دمتری پیسکوف نے کہا کہ جنگ کے دوران اعلیٰ فوجی کمانڈرز اور ماہرین کو خطرات لاحق رہتے ہیں۔
روسی میڈیا کے مطابق حملہ آور نے اپارٹمنٹ کے داخلی راستے پر الیگزئیف کا انتظار کیا تھا۔ بعض رپورٹس میں کہا گیا کہ حملہ آور نے فوڈ ڈیلیوری ورکر کا بھیس اختیار کیا تاہم ایک پڑوسن کے مطابق عمارت کے سی سی ٹی وی کیمرے درست حالت میں کام کر رہے تھے۔
واقعے کے بعد روس میں سیکیورٹی انتظامات پر سوالات اٹھنے لگے ہیں۔ سرکاری میڈیا پر عوامی تبصروں میں یہ سوال کیا جا رہا ہے کہ اتنے اہم فوجی عہدیداروں کو مناسب سیکیورٹی کیوں فراہم نہیں کی جا رہی۔
واضح رہے کہ دسمبر 2024 کے بعد ماسکو اور اس کے مضافات میں اسی رینک کے 3 دیگر روسی عہدیدار بھی ہلاک ہو چکے ہیں۔ گزشتہ سال 22 دسمبر کو روسی جنرل اسٹاف کے تربیتی شعبے کے سربراہ کو ان کی گاڑی میں نصب بم کے ذریعے قتل کر دیا گیا تھا۔
مزید پڑھیں: روس کا یوکرین کے توانائی کے نظام پر بڑا حملہ، شدید سردی میں لاکھوں صارفین بجلی سے محروم
ولادیمیر الیگزئیف ویگنر کرائے کے فوجی گروپ کے ساتھ روسی وزارت دفاع کے رابطوں کے بھی ذمہ دار رہے ہیں۔ ویگنر کے سربراہ یوگینی پریگوزن نے جون 2023 میں بغاوت کی کوشش کی تھی جس کے دوران الیگزئیف ان حکام میں شامل تھے جنہیں اس سے مذاکرات کے لیے بھیجا گیا تھا۔ بغاوت ناکام ہوئی اور پریگوزن 2 ماہ بعد طیارہ حادثے میں ہلاک ہو گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روس روسی انٹیلیجنس افسر یوکرین.
ذریعہ
ذریعہ: WE News
کلیدی لفظ: روسی انٹیلیجنس افسر یوکرین کے مطابق حملہ آور کے بعد
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے