ہانیہ عامر کی جانب سے الومناتی الزامات کی تردید، مشی خان کے الزامات کے بعد سوشل میڈیا پر بحث
اشاعت کی تاریخ: 6th, February 2026 GMT
پاکستان کی مقبول اداکارہ ہانیہ عامر نے سوشل میڈیا پر سامنے آنے والے الومناتی الزامات کی سختی سے تردید کی ہے۔ یہ الزامات سینیئر اداکارہ اور میزبان مشی خان کی جانب سے سامنے آئے، جنہوں نے ہانیہ کے بعض پوسٹس میں مبینہ طور پر شیطانی یا الومناتی اشارے کرنے کا دعویٰ کیا۔
یہ بھی پڑھیں:ہانیہ عامر مردانگی کے تصور پر کھل کر بول پڑیں
ہانیہ نے اپنے انسٹاگرام اسٹوریز اور ویڈیو کے ذریعے وضاحت دی کہ وہ محض کام کرنے والی خاتون ہیں اور یہ تمام دعوے غلط ہیں۔
مشی خان کے الزاماتسینیئر میزبان اور اینکر مشی خان نے انسٹاگرام پر ہانیہ عامر کی چند تصاویر شیئر کیں، جن میں ہانیہ ایک خاص اشارہ کر رہی تھیں۔ بعض لوگوں کے مطابق یہ اشارہ ’ I Love You ‘ کا سائن لینگویج ہے، لیکن مشی خان نے اسے الومناتی نشان قرار دیا اور کہا کہ ہانیہ نے یہ اشارے کئی بار کیے ہیں۔
مشی خان نے کہا کہ وہ ہمیشہ اپنی رائے کھل کر بیان کرتی ہیں اور چاہتی ہیں کہ ہر شخص، چاہے وہ اداکارہ ہو یا سیاستدان، اپنے اعمال کے بارے میں جوابدہ ہو۔ ان کے الزامات کے بعد سوشل میڈیا صارفین دو حصوں میں تقسیم ہو گئے ہیں، کچھ ہانیہ کے حق میں اور کچھ مشی خان کے موقف سے متفق ہیں۔
ہانیہ عامر کی وضاحتہانیہ عامر نے انسٹاگرام پر ویڈیو میں کہا کہ یہ سب کیا منظر ہے؟ لوگ مجھ پر کیوں نشانہ لگا رہے ہیں؟ میرے پاس پہلے سے ہی کئی مسائل ہیں۔ کبھی آپ میری شادی کے کارڈز چھاپ دیتے ہیں، کبھی میری ماں کو میرے کپڑے پسند نہیں آتے، اور اب مجھے الومناتی کہہ رہے ہیں۔ میں الومناتی نہیں ہوں، میں ایک کام کرنے والی خاتون ہوں اور اپنا کام کر رہی ہوں۔ میں یہ سب نہیں سنبھال سکتی۔
اس کے بعد مشی خان نے ہانیہ کی وضاحت پر ردعمل دیتے ہوئے کہا کہ آپ کو جانتے ہوئے، آپ کا ردعمل حیران کن نہیں تھا۔
شائقین کا ردعملہانیہ کے فینز نے انسٹاگرام پر ان کی حمایت میں بھرپور ردعمل دیا۔ ایک فین نے لکھا، ’اگر ہانیہ کے خاندان کو ان سے مسئلہ ہے تو اس کا مطلب ہے وہ صحیح سمت میں جا رہی ہیں‘۔
ایک اور نے کہا کہ ’کون کہتا ہے کہ ان کے ڈمپلز جعلی ہیں؟ حسد کرنے والے اپنی آنکھیں چیک کروائیں‘۔کچھ شائقین نے ہانیہ کی کامیابی پر رشک کرنے والوں پر تنقید کی اور کہا، “لوگ آپ کی کامیابی سے جل رہے ہیں، ہانیہ!‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الومناتی مشی خان ہانیہ عامر.
ذریعہ
ذریعہ: WE News
کلیدی لفظ: الومناتی ہانیہ عامر نے انسٹاگرام ہانیہ عامر ہانیہ کے کہا کہ
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار