بھارت کی انڈر 19 کرکٹ ٹیم ورلڈ کپ لے اڑی، فائنل میں انگلینڈ کو 100 رنز سے شکست
اشاعت کی تاریخ: 6th, February 2026 GMT
بھارت نے انگلینڈ کو 100 رنز سے شکست دے کر انڈر‑19 کرکٹ ورلڈ کپ 2026 کا ٹائٹل اپنے نام کر لیا۔
یہ بھی پڑھیں: انڈر 19 ورلڈ کپ: بھارت نے ریکارڈ ہدف حاصل کرکے افغانستان کو شکست دے دی، فائنل میں 10ویں بار رسائی
یہ بھارت کا ریکارڈ چھٹا آئی سی سی انڈر‑19 ورلڈ کپ ٹائٹل ہے جس سے انڈر 19 کرکٹ میں بھی اس کی بالادستی مزید مضبوط ہوگئی ہے۔
جمعے کو فائنل میں بھارت نے ٹاس جیت کر بیٹنگ کا فیصلہ کیا اور 9 وکٹوں پر 411 رنز کا پہاڑ جیسا اسکور کھڑا کردیا۔
نوجوان بیٹسمین ویبھاو سوریانوشی نے شاندار اننگز کھیلتے ہوئے 80 گیندوں پر 175 رنز بنا کر ٹیم کو بڑی پوزیشن دلائی۔
ایوش مہترے نے بھی 51 گیندوں پر 53 رنز کا مضبوط ساتھ دیا۔
مزید پڑھیے: آئی سی سی نے بہترین کرکٹرز آف دی ایئر کا اعلان کردیا
جواب میں انگلش ٹیم نے اچھا آغاز کیا جس میں اوپنر بین ڈاکنز نے نصف سنچری بنائی۔ تھامس ریو اور بین مائس نے بھی تیز شاٹس کھیل کر ٹیم کو مستحکم موقع فراہم کیا لیکن میچ کے درمیانے اوورز میں وکٹیں گرنے سے انگلینڈ 177/7 تک محدود ہوگیا۔
بعد ازاں کیلیب فالکونر نے 67 گیندوں پر 115 رنز کی شاندار اننگز کھیلی مگر وہ بھارت کی طرف سے بنائے گئے 411 رنز کے ہدف کے خلاف کافی ثابت نہ ہو سکی۔
انگلینڈ کی ٹیم 311 رنز پر آؤٹ ہو گئی اور بھارت نے 100 رنز سے زبردست فتح حاصل کی۔
نوجوان کرکٹ میں بھارت کا تسلطبھارت نے اب تک انڈر‑19 ورلڈ کپ میں ریکارڈ 6 ٹائٹل جیتے ہیں جو نوجوان سطح پر اس کی مضبوط کرکٹ ساخت کا ثبوت ہیں۔
یہ کامیابی خاص طور پر مینز ٹی20 ورلڈ کپ 2024 میں بھارت کی فتح کے بعد معنی خیز ہے۔ وہ معرکہ بھارت نے جنوبی افریقہ کو فائنل میں شکست دے کر جیتا تھا۔
معاملہ صرف یہیں تک نہیں بلکہ آئی سی سی ویمنز(50 اوورز) ورلڈ کپ 2025 کا ٹائٹل بھی بھارت کے ہی پاس ہے۔
مزید پڑھیں: بھارتی ویمنز ٹیم نے پہلی بار ورلڈ کپ جیت لیا، جیتنے اور ہارنے والی ٹیموں کو کتنی انعامی رقم ملی؟
بھارتی خواتین نے فائنل میں جنوبی افریقہ کو 52 رنز سے شکست دے کر پہلی مرتبہ ورلڈ کپ جیتا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈر 19 ٹی 20 ورلڈ کپ بھارت ورلڈ چیمپئن بن گیا بھارتی انڈر 19 کرکٹ ٹیم.
ذریعہ
ذریعہ: WE News
کلیدی لفظ: انڈر 19 ٹی 20 ورلڈ کپ بھارت ورلڈ چیمپئن بن گیا بھارتی انڈر 19 کرکٹ ٹیم انڈر 19 کرکٹ فائنل میں بھارت نے ورلڈ کپ
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ