ماسکو میں روس کی ملٹری انٹیلیجنس کے نائب سربراہ پر قاتلانہ حملہ، حالت تشویشناک
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ماسکو :روسی حکام کے مطابق روس کی ملٹری انٹیلیجنس (جی آر یو) کے نائب سربراہ لیفٹیننٹ جنرل ولادی میر الیکسیف ماسکو میں ایک قاتلانہ حملے میں شدید زخمی ہو گئے ہیں۔
غیر ملکی میڈیا رپورٹس کے مطابق ایک نامعلوم حملہ آور نے الیکسیف پر ان کی رہائش گاہ کے قریب فائرنگ کی، جس کے بعد انہیں فوری طور پر اسپتال منتقل کیا گیا۔
تفتیش کاروں کے مطابق حملہ آور نے لیفٹیننٹ جنرل الیکسیف پر متعدد گولیاں چلائیں اور موقع سے فرار ہو گیا، زخمی ہونے کے بعد انہیں اسپتال منتقل کیا گیا، جہاں حکام نے ان کی حالت تشویشناک بتائی ہے۔
حکام کے مطابق 64 سالہ ولادی میر الیکسیف اپنے عہدے کی وجہ سے یوکرین جنگ سے متعلق اہم اور حساس فیصلوں میں براہِ راست کردار ادا کر رہے تھے۔ انہیں روسی صدر ولادی میر پیوٹن کی جانب سے ہیرو آف رشیا کا اعزاز بھی دیا جا چکا ہے۔
بین الاقوامی سطح پر الیکسیف پر پہلے سے پابندیاں عائد ہیں۔ امریکا نے ان پر 2016 کے صدارتی انتخابات میں مبینہ روسی سائبر مداخلت کے الزامات کی بنیاد پر پابندیاں عائد کی ہوئی ہیں جبکہ یورپی یونین نے 2018 میں برطانیہ کے شہر سالسبری میں سابق روسی ایجنٹ سرگئی اسکریپال اور ان کی بیٹی کو زہر دینے کے واقعے کے بعد بھی ان پر پابندیاں لگائی تھیں۔
روس کے وزیر خارجہ سرگئی لاوروف نے اس حملے کا الزام یوکرین پر عائد کرتے ہوئے کہا ہے کہ یہ کارروائی امن مذاکرات کو سبوتاژ کرنے کی کوشش ہے۔ یوکرین کی جانب سے اس واقعے پر فوری طور پر کوئی ردعمل سامنے نہیں آیا۔
روس کی سلامتی اور خفیہ اداروں نے واقعے کی مکمل تحقیقات شروع کر دی ہیں اور حملہ آور اور اس کے سہولت کاروں کا سراغ لگانے کے لیے اقدامات تیز کر دیے گئے ہیں۔
ذریعہ
ذریعہ: Jasarat News
کلیدی لفظ: کے مطابق
پڑھیں:
مارکیٹوں اور دکانوں کے اوقات کار میں توسیع کی منظوری
فوٹو: فائلکفایت شعاری اقدامات کی نگرانی و عملدرآمد کمیٹی نے مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے