باراک اوباما اور ان کی اہلیہ کی توہین آمیز ویڈیو شیئر کرنے پر ڈونلڈ ٹرمپ تنقید کی زد میں
اشاعت کی تاریخ: 6th, February 2026 GMT
امریکی صدر ڈونلڈ ٹرمپ کی جانب سے سوشل میڈیا پر سابق صدر باراک اوباما اور ان کی اہلیہ مشعل اوباما سے متعلق ایک توہین آمیز اور متنازع ویڈیو شیئر کیے جانے پر امریکا میں شدید ردِعمل سامنے آ گیا ہے۔
یہ بھی پڑھیں: اپنی تعریف، اوباما اور بائیڈن پر تنقید، صدر ٹرمپ نے وائٹ ہاؤس میں نئی تختیاں لگوا دیں
رپورٹس کے مطابق صدر ٹرمپ نے جمعرات کی شب اپنے سوشل میڈیا اکاؤنٹ پر ایک مختصر ویڈیو پوسٹ کی، جسے بڑے پیمانے پر نسل پرستانہ اور نفرت انگیز قرار دیا جا رہا ہے۔ ویڈیو میں بارک اوباما اور مشعل اوباما کو جنگل کے مناظر میں بندروں کی شکل میں پیش کیا گیا ہے، جبکہ اختتامی حصے میں ان کے چہروں کو بندروں کے جسموں پر جوڑ کر دکھایا جاتا ہے۔
ویڈیو میں 2020 کے صدارتی انتخابات کے حوالے سے بھی بے بنیاد الزامات شامل ہیں، جن میں دعویٰ کیا گیا ہے کہ ووٹنگ مشینوں کے ذریعے نتائج میں ردوبدل کیا گیا۔ اسی دوران مختصر وقت کے لیے ایک گانا بھی پس منظر میں سنائی دیتا ہے۔
یہ بھی پڑھیں: ڈونلڈ ٹرمپ کا باراک اوباما پر غداری کا الزام، سابق صدر نے ردعمل میں کیا کہا؟
اس مواد کو سیاہ فام افراد کے خلاف صدیوں پرانے توہین آمیز اور نسل پرستانہ تصورات کی عکاسی قرار دیا جا رہا ہے، جس پر سیاسی و سماجی حلقوں کی جانب سے سخت مذمت کی جا رہی ہے۔
ری پبلکن پارٹی کے سینیٹر ٹِم اسکاٹ، جو سینیٹ میں واحد سیاہ فام ری پبلکن رکن ہیں، نے ویڈیو کو کھلے عام نسل پرستانہ قرار دیتے ہوئے صدر ٹرمپ سے مطالبہ کیا کہ وہ یہ پوسٹ فوری طور پر ہٹائیں۔ انہوں نے سوشل میڈیا پلیٹ فارم ایکس پر لکھا کہ انہیں امید ہے یہ ویڈیو جعلی ہو، کیونکہ وائٹ ہاؤس سے اب تک دیکھی گئی سب سے زیادہ توہین آمیز چیز یہی ہے۔
یہ بھی پڑھیں: اوباما اور ٹرمپ کی گفتگو پر کمالا ہیرس ناراض ہوگئیں؟ سوشل میڈیا پر ویڈیو وائرل
دوسری جانب وائٹ ہاؤس کی ترجمان کیرولین لیوٹ نے تنقید کو مسترد کرتے ہوئے اسے محض ’’مصنوعی غصہ‘‘ قرار دیا ہے۔ تاہم ناقدین کا کہنا ہے کہ اس طرح کے مواد سے معاشرے میں نفرت اور تقسیم کو فروغ ملتا ہے، جو کسی بھی طور قابل قبول نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکی صدر باراک اوباما تصاویر تنقید ڈونلڈ ٹرمپ مشعل اوباما ویڈیوز.
ذریعہ
ذریعہ: WE News
کلیدی لفظ: امریکی صدر باراک اوباما تصاویر ڈونلڈ ٹرمپ مشعل اوباما ویڈیوز باراک اوباما سوشل میڈیا اوباما اور ڈونلڈ ٹرمپ توہین آمیز
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا