میئر کے خلاف تحریک عدم اعتماد سے پہلے سٹی کونسل کے اراکین کی گرفتاریوں کا معاملہ، اپوزیشن کی مذمت
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی میں بلدیہ عظمیٰ کی سٹی کونسل میں میئر کراچی کے خلاف تحریک عدم اعتماد سے قبل اپوزیشن کے سٹی کونسل اراکین کی گرفتاریوں نے سیاسی ماحول کو گرم کر دیا ہے۔ جماعت اسلامی کی جانب سے میئر کراچی کے خلاف تحریک لانے سے پہلے سندھ حکومت اور متعلقہ انتظامیہ نے پی ٹی آئی سمیت دیگر جماعتوں کے سٹی کونسل اراکین کے گھروں پر چھاپے مار کر تین اراکین کو گرفتار کر لیا جبکہ دیگر اراکین پر بھی دباؤ ڈالا جا رہا ہے۔
اپوزیشن لیڈر سٹی کونسل سیف الدین ایڈووکیٹ نے اس حوالے سے کہا کہ ماضی میں بھی میئر کراچی کے انتخابات کے وقت اسی قسم کی کارروائیاں دیکھنے میں آئی تھیں، جب بلدیاتی نمائندوں کے گھروں پر چھاپے مارے گئے اور انہیں گرفتار کیا گیا، یہ سب اقدامات اس لیے کیے جا رہے ہیں تاکہ اراکین سٹی کونسل میئر کے خلاف تحریک عدم اعتماد میں حصہ لینے سے خوفزدہ ہوں۔
سیف الدین ایڈووکیٹ نے بتایا کہ گرفتار ہونے والے تین اراکین میں مبشر حافظ الحق، طارق شمسی اور ریاض اللہ شامل ہیں جبکہ مصطفی آفریدی، عتیق سواتی، سعد خان اور محمد فیضان کے گھروں پر بھی چھاپے مارے گئے۔ انہوں نے اس عمل کی شدید الفاظ میں مذمت کرتے ہوئے کہا کہ سندھ حکومت غیر جمہوری طریقوں سے اراکین پر دباؤ ڈال رہی ہے تاکہ وہ اپنے گھروں میں نہ رہ سکیں۔
اپوزیشن لیڈر نے مزید کہا کہ 8 فروری کو پی ٹی آئی کے پرامن احتجاج کا حق ہے اور حکومت کو چاہیے کہ وہ سیاسی منافرت کی بجائے جمہوری اقدار کا احترام کرے۔ سیف الدین ایڈووکیٹ نے میئر کراچی مرتضی وہاب صدیقی سے بھی مطالبہ کیا کہ وہ گرفتار شدہ اراکین کی رہائی کو یقینی بنائیں اور اس معاملے میں اپنا کردار ادا کریں۔
انہوں نے کہا کہ سندھ حکومت ہوش کے ناخن لے اور گرفتار شدہ اراکین کو فوری رہا کرے تاکہ کراچی کے شہریوں کے حقوق اور جمہوری عمل کی حفاظت ممکن ہو سکے۔
ذریعہ
ذریعہ: Jasarat News
کلیدی لفظ: کے خلاف تحریک میئر کراچی سٹی کونسل کراچی کے کہا کہ
پڑھیں:
وفاقی وزیرِ صحت مصطفیٰ کمال کی زیرِ صدارت پاکستان میڈیکل اینڈ ڈینٹل کونسل کا اہم اجلاس
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) وفاقی وزیرِ صحت مصطفیٰ کمال کی زیرِ صدارت پاکستان میڈیکل اینڈ ڈینٹل کونسل (پی ایم ڈی سی) کا اہم اجلاس منعقد ہوا ،جس میں انڈونیشیا میں پاکستان کے سفیر زاہد چوہدری نے ویڈیو لنک کے ذریعے شرکت کی۔ اجلاس میں پی ایم ڈی سی کے صدر ڈاکٹر رضوان تاج اور رجسٹرار سمیت دیگر متعلقہ حکام بھی شریک ہوئے۔اجلاس میں انڈونیشیا کے میڈیکل طلبہ کو پاکستان کے طبی تعلیمی اداروں میں داخلے دینے سے متعلق امور کا تفصیلی جائزہ لیا گیا۔ اجلاس کو بتایا گیا کہ انڈونیشیا کی حکومت نے درخواست کی ہے کہ اس کے انڈرگریجویٹ اور پوسٹ گریجویٹ میڈیکل طلبہ کو پاکستان کے معیاری میڈیکل اور ڈینٹل کالجوں میں تعلیم کے مواقع فراہم کئے جائیں۔(جاری ہے)
وفاقی وزیرِ صحت مصطفیٰ کمال نے کہا کہ ان طلبہ کے تعلیمی اور رہائشی اخراجات انڈونیشیا کی حکومت برداشت کرے گی جبکہ انہیں پاکستان کے بہترین طبی تعلیمی اداروں میں مکمل شفافیت اور میرٹ کی بنیاد پر داخلے دیئے جائیں گے۔
انہوں نے کہا کہ اس اقدام کے تحت تقریباً 200 انڈونیشین میڈیکل اور ڈینٹل طلبہ کو عالمی معیار کی تعلیمی اور تربیتی سہولیات فراہم کی جائیں گی جس سے دونوں ممالک کے درمیان طبی تعلیم کے شعبے میں تعاون کو مزید فروغ حاصل ہوگا۔وزیرِ صحت نے کہا کہ یہ امر خوش آئند ہے کہ انڈونیشیا کی حکومت نے اپنے طلبہ کی طبی تعلیم کے لئے پاکستان کے اداروں پر اعتماد کا اظہار کرتے ہوئے انہیں ترجیح دی ہے۔ ان کا کہنا تھا کہ اس پیشرفت سے نہ صرف پاکستان اور انڈونیشیا کے دوطرفہ تعلقات مزید مضبوط ہوں گے بلکہ عالمی سطح پر پاکستان کے طبی تعلیمی نظام اور وقار کو بھی تقویت ملے گی۔مصطفیٰ کمال نے کہا کہ پاکستانی ڈاکٹرز دنیا بھر میں اپنی پیشہ وارانہ صلاحیتوں اور خدمات کے ذریعے ملک کا نام روشن کر رہے ہیں اور یہ اقدام پاکستان کے طبی شعبے پر بین الاقوامی اعتماد کا مظہر ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ