رونالڈو مسلسل دوسرے میچ میں النصر ٹیم سے باہر کیوں؟ وجہ سامنے آگئی
اشاعت کی تاریخ: 7th, February 2026 GMT
سعودی عرب کی سعودی پرو لیگ کے میچ میں عالمی فٹ بال اسٹار کرسٹیانو رونالڈو دوبارہ النصر کی ٹیم کے لیے میدان میں نہیں اُترے۔ یہ اُن کا دوسرا مسلسل میچ تھا جس میں وہ اسکواڈ کا حصہ نہیں تھے کیونکہ مبینہ طور پر وہ اپنے کلب کے انتظام سے ناخوش ہیں۔
پرتگالی اور برازیلین میڈیا رپورٹس میں بھی کہا گیا ہے کہ رونالڈو النصر کی ٹرانسفر پالیسی اور سعودی پبلک انویسٹمنٹ فنڈ کی سرمایہ کاری کی حکمتِ عملی سے ناخوش ہیں۔
النصر نے جمعہ کو الاتحاد کے خلاف میچ کھیلا لیکن رونالڈو اس میں شامل نہیں تھے اور وہ اس سے پہلے پیر کے روز بھی الریاض کے خلاف میچ میں بھی شامل نہیں تھے۔
رپورٹس کے مطابق 38 سالہ پرتگالی اسٹار سعودی پبلک انویسٹمنٹ فنڈ (PIF) کی جانب سے النصر کے لیے ٹرانسفرز نہ کرنے پر ناراض ہیں جبکہ فنڈ نے الہلال جیسے حریف کلب کے لیے معروف کھلاڑی شامل کیے ہیں جن میں رونالڈو کے سابق ریئل میڈرڈ ساتھی کریم بنزما بھی شامل ہیں۔
مزید پڑھیںفٹ ہونے کے باوجود رونالڈو سعودی النصر ٹیم سے باہر کیوں؟ پسِ پردہ کہانی سامنے آگئی
مصر کے فٹبالر محمد صلاح نے رونالڈو اور میسی کو پیچھے چھوڑ دیا
سعودی پرو لیگ نے ایک بیان میں کہا ہے کہ کوئی بھی کھلاڑی لیگ سے بڑا نہیں ہے اور ہر کلب اپنے فیصلے خود کرتا ہے۔ بیان میں کہا گیا کہ ہر ٹیم کے اپنے بورڈ، ایگزیکٹو اور فٹبال لیڈرشپ ہوتی ہے اور بھرتی، اخراجات اور حکمت عملی کے فیصلے ہر کلب خود کرتا ہے۔
رونالڈو زخمی بھی نہیں ہیں، نہ ہی ان کے کوچ خورخے جیسس کے ساتھ کوئی ذاتی اختلاف ہے اور نہ ہی وہ کلب چھوڑنے کا ارادہ رکھتے ہیں ، اس بات کی اطلاع ایسپلزن نے دی ہے۔ ان کے ساتھ معاہدہ جون 2025 میں دو سال کے لیے توسیع یافتہ ہوا، جس کے باوجود ان کے مستقبل کو لے کر سوالات پیدا ہو گئے ہیں۔
اسٹار پلیئر دوسرے میچ میں بھی غائب رہا جس کی وجہ ٹرانسفر پالیسی پر عدم اطمینان بتائی جا رہی جبکہ لیگ کا کہنا ہے کہ کھلاڑی فیصلوں سے بالا تر نہیں ہیں۔
.
ذریعہ
ذریعہ: Express News
پڑھیں:
میئر ظہران ممدانی نے نیویارک میں بچوں کا بیڈ ٹائم کیوں معطل کردیا؟
نیویارک شہر کے کم عمر باسکٹ بال شائقین کے لیے ’بیڈ ٹائم‘ سے متعلق ایک دلچسپ خبر سامنے آئی ہے۔
نیویارک کے میئر ظہران ممدانی نے ایک خصوصی انتظامی حکم نامے پر دستخط کرتے ہوئے اعلان کیا ہے کہ این بی اے فائنلز کے دوران بچوں کے سونے کے معمول کے اوقات عارضی طور پر منسوخ تصور کیے جائیں گے تاکہ وہ اپنی پسندیدہ ٹیم نیویارک نکس کے تمام میچز بلا رکاوٹ دیکھ سکیں۔
یہ بھی پڑھیں: نماز عیدالاضحیٰ: نیویارک کے میئر ظہران ممدانی کی منفرد انداز میں شرکت
یکم جون کو جاری کیے گئے اس علامتی حکم نامے میں کہا گیا کہ سونے کے اوقات ’نیویارک کے سب سے پیارے بچوں‘ کو نکس کی حوصلہ افزائی کرنے اور میچ کا ایک ایک لمحہ دیکھنے سے نہیں روک سکتے۔
اس موقع پر میئر ممدانی کے ساتھ نکس کے رنگوں میں ملبوس بچوں کا ایک گروپ بھی موجود تھا، جنہوں نے اپنے ہاتھوں کے نشانات لگا کر علامتی طور پر اس حکم نامے پر دستخط کیے۔
Today, I signed an Executive Order temporarily repealing bedtimes in the City of New York so that kids of all ages can watch our team in the NBA Finals.
As Mayor, you’re forced to make many difficult decisions. This was not one of them.
Go Knicks. pic.twitter.com/DqjNtVh17h
— Mayor Zohran Kwame Mamdani (@NYCMayor) June 1, 2026
میئر ممدانی نے سوشل میڈیا پلیٹ فارم ایکس پر اپنے پیغام میں کہا کہ میئر کی حیثیت سے آپ کو کئی مشکل فیصلے کرنے پڑتے ہیں، لیکن یہ ان میں سے ایک نہیں تھا۔
انہوں نے اپنی پوسٹ کے اختتام پر ’گو نکس‘ کا نعرہ بھی لگایا۔
این بی اے فائنلز میں نیویارک نکس اور سان انتونیو اسپرس کے درمیان تمام میچز رات ساڑھے 8 بجے (مشرقی امریکی وقت) شروع ہوں گے۔
سیریز کے پہلے، تیسرے اور چوتھے میچ تعلیمی دنوں سے قبل رات کو کھیلے جائیں گے، جبکہ اگر ضرورت پڑی تو چھٹا میچ بھی اسکول کی رات میں ہوگا۔
ایسے میں بچوں کے لیے دیر تک جاگ کر میچ دیکھنا ایک اہم مسئلہ بن سکتا تھا۔
مزید پڑھیں: ظہران ممدانی کی نیو یارک میں اسٹیٹ ٹیکس میں بڑی کمی کی تجویز
نیویارک نکس کی این بی اے فائنلز میں رسائی شہر بھر میں غیرمعمولی جوش و خروش کا باعث بنی ہوئی ہے۔
یہ 1999 کے بعد پہلی مرتبہ ہے کہ نکس فائنلز میں پہنچی ہے، آخری بار فائنلز میں انہیں ٹم ڈنکن اور ڈیوڈ رابنسن کی قیادت میں سان انتونیو اسپرس نے شکست دی تھی۔
نکس کی 27 سالہ طویل انتظار کے بعد فائنلز میں واپسی نے باسکٹ بال کے دیوانے نیویارک شہر کو یکجا کر دیا ہے۔
اسپورٹس تجزیہ کاروں کے مطابق نیویارک میں نکس کا فائنلز میں پہنچنا سپر باؤل سے بھی بڑا واقعہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باسکٹ بال سان انتونیو اسپرس ظہران ممدانی میئر نیویارک نیویارک نکس
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ