وزیراعظم کی ازبک کاروباری اداروں کو پاکستان میں سرمایہ کاری کی دعوت
اشاعت کی تاریخ: 7th, February 2026 GMT
وزیراعظم شہباز شریف نے ازبک کاروباری اداروں کو پاکستان کے ٹیکسٹائل، دوا سازی، کان کنی، زراعت اور سیاحت سمیت مختلف شعبوں میں سرمایہ کاری کے مواقع تلاش کرنے کی دعوت دی ہے۔
وزیراعظم یہ بات آج جمعہ کے روز اسلام آباد میں ازبکستان کے صدر شوکت مرزیایوف کے ہمراہ پاکستان۔ازبکستان بزنس فورم سے خطاب کرتے ہوئے کہی۔ انہوں نے امید ظاہر کی کہ صدر مرزیایوف کا دورۂ پاکستان دوطرفہ تعلقات کو مزید مضبوط بنانے اور انہیں بے مثال اقتصادی تعاون میں تبدیل کرنے میں اہم کردار ادا کرے گا۔
وزیراعظم شہباز شریف نے دو ارب ڈالر کے تجارتی پروٹوکول پر دستخط کا حوالہ دیتے ہوئے کہا کہ اب پاکستان اور ازبکستان کے تعلقات کو تجارتی بہاؤ، سرمایہ کاری کے منصوبوں، صنعتی شراکت داری اور عوامی وفود کے تبادلوں کی بنیاد پر پرکھا جائے گا۔ انہوں نے کہا کہ دونوں ممالک تجارت، سرمایہ کاری، تحقیق و ترقی، انفارمیشن ٹیکنالوجی اور زراعت کے شعبوں میں تعاون کے فروغ کے لیے پانچ سالہ روڈ میپ تیار کرنے کی غرض سے ایک مشترکہ ورکنگ گروپ قائم کریں گے۔
اس موقع پر خطاب کرتے ہوئے ازبکستان کے صدر شوکت مرزیایوف نے دونوں ممالک کی کاروباری برادریوں پر زور دیا کہ وہ پاکستان اور ازبکستان کی تجارتی صلاحیتوں سے بھرپور فائدہ اٹھانے کے لیے آگے آئیں۔ انہوں نے پاکستانی کاروباری اداروں کو ہر ممکن سہولت فراہم کرنے کے ساتھ ساتھ دس سال کی ٹیکس چھوٹ کی یقین دہانی بھی کرائی۔
ازبک صدر نے وزیراعظم شہباز شریف اور پاکستانی عوام کو مہنگائی میں کمی، شرح سود کے واحد عدد پر آنے اور مضبوط معاشی بحالی کے ساتھ قابلِ ذکر اقتصادی پیش رفت پر مبارکباد دی، جس کے باعث دونوں ممالک کے درمیان گہرے تعاون کے نئے مواقع پیدا ہوئے ہیں۔
بعد ازاں دونوں رہنماؤں نے پاکستان اور ازبکستان کے کاروباری اداروں کے درمیان پہلے سے طے شدہ مفاہمت کی یادداشتوں کے دستاویزات کے تبادلے کا بھی مشاہدہ کیا۔
.
ذریعہ
ذریعہ: Al Qamar Online
کلیدی لفظ: پاکستان کھیل کاروباری اداروں سرمایہ کاری ازبکستان کے
پڑھیں:
پاکستان اور اٹلی کے درمیان سفارتی پاسپورٹ پر ویزے کی شرط ختم
روم: پاکستان اور اٹلی کے درمیان سفارتی پاسپورٹ پر ویزے کی شرط ختم کر دی گئی۔پاکستان کے سفیر علی جاوید اور اٹلی کی وزارتِ خارجہ کے سیکرٹری جنرل، عزت مآب سفیر ریکارڈو گوارِیلیا نے حال ہی میں ایک ایسے معاہدے پر دستخط کئے ہیں. جس کے تحت سفارتی پاسپورٹ رکھنے والے افراد کیلئے ویزا کی شرط ختم کر دی گئی ہے. معاہدے پر دستخط کی پُروقار تقریب اٹلی کی وزارتِ خارجہ میں روم میں منعقد ہوئی۔تقریب سے قبل دونوں اعلیٰ حکام کے درمیان ون آن ون ملاقات ہوئی. دونوں فریقوں نے پاکستان اور اٹلی کے درمیان تزویراتی تعاون کی مضبوطی، وسعت اور مسلسل ترقی پر اطمینان کا اظہار کیا۔اس موقع پر دونوں ممالک کے درمیان روایتی طور پر دوستانہ اور تعمیری دوطرفہ تعلقات کا جامع جائزہ لیا گیا، جبکہ اقوامِ متحدہ اور یورپی یونین سمیت مختلف بین الاقوامی فورمز پر جاری تعاون پر بھی تبادلۂ خیال کیا گیا۔دونوں جانب سے اس معاہدے کو باہمی اعتماد اور دوستی کی عکاسی قرار دیا گیا اور اسے موجودہ دوطرفہ تعاون کے نظام میں ایک اہم اضافہ قرار دیا گیا. معاہدے سے سفارتی وفود کے تبادلوں میں آسانی پیدا ہوگی اور دونوں ممالک کے درمیان روابط مزید مستحکم ہوں گے۔پاکستان اور اٹلی کے درمیان اس وقت متعدد نئے معاہدوں پر غور جاری ہے. اس کے علاوہ دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (MoUs) موجود ہیں، جبکہ سیاحت، ثقافت، سائنس و ٹیکنالوجی، کھیل، اعلیٰ دفاعی مطالعات اور منشیات کی سمگلنگ کے خلاف تعاون سمیت مختلف شعبوں میں دونوں حکومتوں کے درمیان 15 معاہدے طے پا چکے ہیں۔دفاعی تعاون کا معاہدہ 2009 میں طے پایا، جبکہ 2013 میں دونوں ممالک کے وزرائے خارجہ کے درمیان سٹریٹجک انگیجمنٹ پلان قائم کیا گیا، اسی طرح مشترکہ اقتصادی کمیشن 2005 میں تشکیل دیا گیا، سرمایہ کاری کے تحفظ کا معاہدہ 1997 میں طے پایا، دوہری شہریت کا معاہدہ 1983 میں جبکہ حوالگیِ ملزمان (Extradition) کا معاہدہ 1972 میں دستخط کیا گیا تھا۔اس سے قبل 7 مئی 2025 کو اسلام آباد میں پاکستان اور اٹلی کے درمیان ’’لیبر موبیلٹی اینڈ مائیگریشن‘‘ کے موضوع پر ایک مفاہمتی یادداشت پر دستخط ہوئے تھے، جو کسی یورپی ملک کے ساتھ پاکستان کا پہلا باقاعدہ لیبر معاہدہ ہے، اس معاہدے کے تحت پاکستانی افرادی قوت کو اٹلی میں پاکستانی شہریوں کیلئے مختص 10,500 ملازمتوں کے کوٹے سے فائدہ اٹھانے کا موقع حاصل ہوگا۔پاکستانی سفیر نے سیکرٹری خارجہ کی جانب سے سیکرٹری جنرل کو ساتویں دورِ دوطرفہ سیاسی مشاورت میں شرکت کیلئے پاکستان کے دورے کی دعوت بھی دی، انہوں نے 2026 کی آخری سہ ماہی میں اس اجلاس کے انعقاد کیلئے پاکستان کی آمادگی سے آگاہ کیا اور اسلام آباد میں اٹلی کے نئے سفارت خانے کے افتتاح کی خواہش کا اظہار کیا، جو اٹلی کا بیرونِ ملک سب سے بڑا سفارتی مشن ہوگا. اس موقع پر دونوں ممالک کے درمیان تعلقات کی اہمیت کو بھی اجاگر کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ