سندھ بلڈنگ، لیاقت آباد کی غیرقانونی عمارتوں سے ہزاروں جانیں خطرے میں
اشاعت کی تاریخ: 7th, February 2026 GMT
ڈپٹی ڈائریکٹر عمران رضوی انسانی جانوں کو داؤ پر لگانے لگے، حکام کی بے حسی کا عملی مظاہرہ
لیاقت آباد کی تنگ گلیوں میں پلاٹ نمبر 1/662، 1/667پر بلند و بالا غیرقانونی عمارتیں
ضلع وسطی کے لیاقت آباد ٹاؤن کی تنگ گلیوں میں راتوں رات غیر قانونی بلند و بالا عمارتیں آسمان کو چھو رہی ہیں۔ ان عمارتوں کی تعمیر میں بلڈنگ کوڈز، سیکیورٹی حفاظتی اقدامات، اور آگ سے بچاؤ کے انتظامات کی کھلی خلاف ورزی کی جا رہی ہے ۔ مقامی رہائشیوں کا کہنا ہے کہ گلیاں اتنی تنگ ہیں کہ کوئی فائر بریگیڈ کا گاڑی داخل ہونا ناممکن ہے ، جبکہ یہ عمارتیں کسی بھی آگ کے حادثے میں جلتے ہوئے ڈھیر میں تبدیل ہو سکتی ہیں۔ ذمہ دار ادارے سندھ بلڈنگ کنٹرول اتھارٹی کے ڈپٹی ڈائریکٹر عمران رضوی اور بلڈنگ انسپکٹر لطافت مرزا ان تعمیرات پر آنکھیں بند کیے بیٹھے ہیں۔لیاقت آباد نمبر 1کے پلاٹ نمبر 662, 667 پر زیر تعمیر بلند عمارتیں افسران کے بے حسی کا عملی مظاہرہ ہیں ۔ جرأت سروے ٹیم سے بات کرتے ہوئے رہائشیوں کا الزام ہے کہ یہ تمام تعمیرات انہی افسران کی ملی بھگت اور بدعنوانی کے پیسے سے ہو رہی ہیں، جنہیں عوامی سلامتی سے کھلواڑ کرنے میں بالکل عار نہیں۔ حکام کے اس رویے نے ہزاروں شہریوں کی زندگیاں داؤ پر لگا دی ہیں۔علاقہ مکینوں کا وزیر بلدیات سے مطالبہ ہے کہ اس معاملے کی شفاف تحقیقات کروائیں اور ملوث افسران کے خلاف محکمہ جاتی کارروائی عمل میں لائیں ۔
.
ذریعہ
ذریعہ: Juraat
کلیدی لفظ: لیاقت آباد
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی