عمران خان کو بیرون ملک منتقلی کی پیش کش، بانی نےAbsolutely Natکہہ دیا
اشاعت کی تاریخ: 7th, February 2026 GMT
ایک اعلیٰ شخصیت نے سابق وزیر اعظم سے ملاقات کی، جلاوطنی اختیار کرنے کی پیش کش کی
بانی پی ٹی آئی کا صاف انکار ، ترکیہ صدر اردوان کا رہائی کا معاملہ اٹھائے جانے کا انکشاف
عمران خان کو بیرون ملک منتقل ہونے کی پیش کش کیے جانے کا انکشاف۔ تفصیلات کے مطابق سینئر صحافی نے دعوٰی کیا ہے کہ "ایک بار پھر پاکستان کے عمران خان کو ‘طبی علاج’ کے لیے جلاوطنی اختیار کرنے یا پھر مجبور کیے جانے کی پیشکش کی گئی ہے، لیکن ایک باخبر ذریعے کے مطابق عمران خان نے ‘ایبسولیوٹلی ناٹ’ (قطعاً نہیں) کہہ دیا ہے۔ذریعے کا مزید کہنا ہے کہ حال ہی میں ایک اعلیٰ شخصیت نے عمران خان سے ملاقات کی، لیکن انہیں راضی نہ کیا جا سکا۔” دوسری جانب ترکیہ کے صدر رجب طیب اردوان کی جانب سے حکومت کے سامنے سابق وزیراعظم عمران خان کی رہائی کا معاملہ اٹھائے جانے کا انکشاف ہوا ہے۔ نجی ٹی وی کے پروگرام میں گفتگو کرتے ہوئے سینیٹر مشاہد حسین سید نے دعویٰ کیا کہ ترک صدر رجب طیب اردوان نے حال ہی میں حکومتِ پاکستان کے سامنے سابق وزیراعظم عمران خان کی رہائی کا معاملہ اٹھایا ہے، وہ واحد غیرملکی لیڈر ہیں جنہوں نے ہماری حکومت کے ساتھ پچھلے سال اس مسئلے کو اٹھایا جو بہت اچھی بات ہے، طب اردوان نے بانی چیٔرمین پی ٹی آئی کو ترکیہ لے جانے کی پیشکش کرتے ہوئے کہا ہے کہ اگر عمران خان ترکیہ آنا چاہیں تو ہم انہیں خوش آمدید کہیں گے۔ان کا کہنا ہے کہ موجودہ حالات میں دستِ شفقت کی ضرورت ہے، اگر آپ نے دہشت گردی کو قابو کرنا ہے اور معیشت کی بحالی یقینی بنانی ہے اس کے لیے آخر تو یہ مسئلہ حل کرنا پڑے گا کیوں کہ اس وقت دونوں بڑے مسئلے حکومت کے قابو میں نہیں ہیں، دہشت گردی بھی آپ کے کنٹرول میں نہیں ہے اور معیشت بھی بحال نہیں ہورہی، کوئی نہ کوئی سیاسی تصفیہ ہوگا تو اس مسئلے کو حل کرنے کے لیے ایک اچھا ماحول بنے گا۔ایک سوال کا جواب دیتے ہوئے سینیٹر مشاہد حسین سید نے کہا کہ سیاست میں کوئی بھی چیز ناممکن نہیں ہے، ٹرمپ کے الیکشن کے بعد نومبر 2024ء میں عمران خان کی رہائی کی بات ہورہی تھی، 22 نومبر 2024ء کو ان کی رہائی کا فیصلہ بھی ہوگیا تھا جو ان کے نادان دوستوں نے سبوتاژ کردیا، اگر اس وقت وہ راستی نکل آتا تو بہت اچھا ہوجاتا، اب بھی موقع ہے جو لوگ برسرِ اقتدار ہیں وہ بڑی تصویر دیکھیں گے اور یہ ایک اس کا ایک پہلو ہے کہ سیاسی چپقلش 3 سال سے چل رہی ہے اور سیاست اسی کی ہورہی ہے۔
.
ذریعہ
ذریعہ: Juraat
پڑھیں:
بانی سے ملاقات تک خیبرپختونخوا کا بجٹ پاس نہ کیا جائے، علیمہ خان کی سہیل آفریدی کو تنبیہ
راولپنڈی: بانی پی ٹی آئی کی بہن علیمہ خان نے وزیراعلیٰ خیبرپختونخوا کو تنبیہ کی ہے کہ عمران خان سے ملاقات ہونے تک صوبے کا بجٹ منظور نہ ہونے دیں۔
ایکسپریس نیوز کے مطابق وزیراعلی سہیل آفریدی نے علیمہ خان کے ساتھ فیکٹری ناکے پر میڈیا سے گفتگو کی۔ اس دوران سہیل آفریدی نے بجٹ پاس کرنے کی بات کی تو علیمہ خان نے انہیں ٹوک دیا۔
علیمہ خان نے سہیل آفریدی کو خیبرپختونخوا کا بجٹ پاس کرنے پر تنبیہ کرتے ہوئے کہا کہ ’آپ بجٹ پاس کیوں کر رہے ہیں؟ ان سے کہیں پہلے میری بانی سے ملاقات کروائیں‘۔
علیمہ خان نے کہا کہ بانی پی ٹی آئی نے پچھلے سال بھی کہا تھا میرے ساتھ بجٹ پر بات کرو ، آپ آج بھی ان سے کہیں بجٹ سے پہلے بانی سے ملاقات کرائیں ۔
وزیراعلیٰ سہیل آفریدی نے کہا کہ گلگت بلتستان میں سارے لوگ ظلم کیخلاف کھڑے ہوگئے ہیں۔ بانی پی ٹی آئی کو تنہا کیا گیا جو غیر قانونی اور غیر آئینی ہے، ہمارا یہاں آنے کا ایک ہی مطالبہ ہے بانی کو شفا انٹرنیشل منتقل کیا جائے۔
انہوں نے کہا کہ ہم چاہتے ہیں کہ بانی کا علاج انکی فیملی اور ذاتی معالج کی موجودگی میں ہو، ان کے مقاصد کچھ اور ہیں اس لئے یہ ملنے نہیں دے رہے۔ عید سے پہلے انہون نے ہمیں گیارہ گھنٹے تک روک کر عوام کو مصیبت میں ڈالا گیا
اُن کا کہنا تھا کہ مجھے اگر نہیں ملنے دیتے تو فیملی کو کم از کم ملنے دیا جائے، پاکستان تحریک انصاف بانی پی ٹی آئی کا نام ہے، بانی نے جیل سے فیصلہ کیا کہ فلاں وزیر اعلیٰ نہیں ہو گا، بانی کے فیصلے کے بعد کوئی بھی طاقت اس کو نہیں بچا سکتی تھی۔
مزید پڑھیںاڈیالہ جیل میں عمران خان اور بشریٰ بی بی کی ملاقات
190 ملین پاؤنڈ کیس: عمران خان اور بشریٰ بی بی کے وکالت ناموں پر دستخط نہ ہو سکے
علیمہ خان نے سابق آرمی چیف کی عمران خان سے ملاقات کی خبر کو بے بنیاد قرار دیدیا
انہوں نے کہا کہ بانی نے کہا سہیل آفریدی وزیر اعلیٰ ہو گا تو دنیا کی کوئی طاقت اس کو تبدیل نہیں کرسکتی، اڈیالہ جیل سے جب تک بانی کا کوئی نیا پیغام نہیں آئے گا میں ہی وزیر اعلیٰ رہوں گا۔
سہیل آفریدی نے کہا کہ کے پی کی حکومت فقط بانی پی ٹی ہی ختم کر سکتے ہیں اور اس کے علاوہ یہ کام کوئی نہیں کرسکتا، صوبے میں فارورڈ بلاک پروپیگینڈا ہے اور یہ اس لئے کیا گیا وفاقی بجٹ میں ایک بار پھر عوام کا خون چوسا جائے گا۔
وزیراعلیٰ نے کہا کہ پاکستان کے اندرونی و بیرونی قرضے 97 ارب تک پہنچ چکے، حکومت ٹیکس کے اہداف پورے نہیں کر سکی اور آج حکومت میں شامل پارٹیاں عوام کا نہیں سوچ رہیں۔
سہیل آفریدی نے کہا کہ پاکستان کا تجارتی خسارہ دن بدن بڑھتا جا رہا ہے، میری تمام لوگوں سے درخواست ہے کہ وہ بانی کے علاج کیساتھ اس بجٹ پر فوکس رکھیں۔
وزیراعلیٰ نے کہا کہ کے پی حکومت نے کابینہ سے بجٹ پیپر پاس کر دیا ہے اور ہم نے کوئی سرپلس بجٹ نہیں دیا، اس سال بھی عوام دوست بجٹ پیش کیا جائے گا۔ ہمارا سارا فوکس صحت تعلیم زراعت نوجوان اور جنگلات پر ہے۔
انہوں نے مزید کہا کہ ہم اپنے بجٹ میں بہت اچھی اور عوام دوست چیزیں لا رہے ہیں، وفاقی بجٹ کا اثر سارے صوبوں بشمول گلگت بلتستان پر پڑے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ