قطر کی اسلام آباد خودکش دھماکے کی مذمت
اشاعت کی تاریخ: 7th, February 2026 GMT
—فائل فوٹو
قطری وزارتِ خارجہ نے اسلام آباد کی مسجد میں خودکش دھماکے کی مذمت کی ہے۔
غیر ملکی میڈیا کے مطابق ترجمان قطری وزارتِ خارجہ نے اپنے بیان میں کہا ہے کہ ایک مسجد کو نشانہ بنانے والے بم دھماکے کی بھرپور میں مذمت کرتے ہیں۔
بیان میں کہا گیا ہے کہ دھماکے میں کئی قیمتی جانیں ضائع ہوئی اور متعدد افراد زخمی ہوئے اور ہم دہشت گردی اورمجرمانہ کارروائیوں کےخلاف غیر متزلزل مؤقف کا اعادہ کرتے ہیں۔
یو این سیکرٹری جنرل انتونیو گوتریس نے بھی اسلام آباد میں دھماکے کی شدید مذمت کی ہے۔
برادر اسلامی ملک کی جانب سے جاری بیان میں کہا گیا ہے کہ عبادت گاہوں کو نشانہ بنانےا ور بے گناہ شہریوں میں خوف پھیلا نے کو مسترد کرتے ہیں۔
قطری وزارتِ خارجہ کا یہ بھی کہنا ہے کہ متاثرین کے اہلِ خانہ، پاکستانی حکومت اور عوام سے تعزیت کا اظہار کرتے ہیں۔
خیال رہے کہ گزشتہ روز اسلام آباد کے علاقے ترلائی میں امام بارگاہ و مسجد خدیجۃ الکبریٰ میں خودکش دھماکے سے 32 افراد شہید اور 170 سے زائد زخمی ہو گئے، پولیس کے مطابق خودکش دھماکا نمازِ جمعہ کے دوران ہوا۔
.
ذریعہ
ذریعہ: Jang News
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار