ورلڈ کپ میں گرین شرٹس کا آغاز، سپر ایٹ خواب کا پہلا مرحلہ
اشاعت کی تاریخ: 7th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
آئی سی سی ٹی ٹوئنٹی ورلڈکپ میں پاکستان کرکٹ ٹیم آج اپنے سفر کا آغاز نیدرلینڈز کے خلاف میچ سے کرے گی، جہاں گرین شرٹس ایک بے رنگ ماحول میں اپنی کارکردگی سے نئے رنگ بکھیرنے کے لیے پرعزم ہیں۔
کولمبو کے سنہالیز اسپورٹس کلب گراؤنڈ پر کھیلا جانے والا یہ میچ پاکستانی وقت کے مطابق خاص اہمیت رکھتا ہے، تاہم موسمی حالات ایک بڑا چیلنج بن کر سامنے آ رہے ہیں اور بارش کا امکان 83 فیصد تک ظاہر کیا جا رہا ہے۔
ٹورنامنٹ کے آغاز سے قبل آف دی فیلڈ تنازعات نے ایونٹ کا رنگ پھیکا کر دیا ہے، مگر پاکستانی ٹیم تمام تر توجہ میدان میں بہتر کارکردگی دکھانے پر مرکوز کیے ہوئے ہے۔
کپتان سلمان علی آغا کی قیادت میں ٹیم نیدرلینڈز کے خلاف فاتحانہ آغاز کی خواہاں ہے، کیونکہ گروپ مرحلے میں ہر میچ پاکستان کے لیے فیصلہ کن حیثیت رکھتا ہے۔ گزشتہ دونوں باہمی مقابلوں میں گرین شرٹس نے کامیابی حاصل کی تھی، جس سے ٹیم کا حوصلہ بلند ہے۔
پاکستانی اسکواڈ میں بابر اعظم، شاہین شاہ آفریدی، شاداب خان، نسیم شاہ، فخر زمان، محمد نواز اور صائم ایوب جیسے تجربہ کار اور باصلاحیت کھلاڑی شامل ہیں، جن سے شائقین کو شاندار کارکردگی کی توقع ہے۔ لیگ اسپنر ابرار احمد کو بھی ٹیم کا اہم ہتھیار قرار دیا جا رہا ہے، جو گزشتہ ایک سال کے دوران نمایاں وکٹ ٹیکر رہے ہیں اور سری لنکا کی سست پچز پر مؤثر ثابت ہو سکتے ہیں۔
کپتان سلمان علی آغا نے پریس کانفرنس میں واضح کیا کہ ٹیم کے انتخاب میں کسی کھلاڑی کا نام نہیں بلکہ کارکردگی اور کمبی نیشن کو ترجیح دی جائے گی۔ ان کا کہنا تھا کہ اگر کسی سینئر کھلاڑی بشمول بابر اعظم اور فخر زمان کی جگہ ٹیم کمبی نیشن میں نہیں بنتی تو انہیں بھی نہیں کھلایا جائے گا۔
کپتان کے مطابق ٹیم یہاں 15 رکنی اسکواڈ کے ساتھ آئی ہے اور ہر میچ کے لیے بہترین پلیئنگ الیون میدان میں اتاری جائے گی۔
دوسری جانب نیدرلینڈز کو اپ سیٹ کرنے والی ٹیموں میں شمار کیا جاتا ہے، جس کی قیادت اسکاٹ ایڈورڈز کر رہے ہیں۔ میکس او ڈاوڈ، باس ڈی لیڈے، لوگن وان بیک اور پال وان میکرین جیسے کھلاڑی ٹیم کی طاقت سمجھے جاتے ہیں۔
اگر بارش کے باعث میچ منسوخ ہو جاتا ہے تو دونوں ٹیموں کو ایک، ایک پوائنٹ ملے گا، جو پاکستان کے سپر ایٹ مرحلے تک پہنچنے کے امکانات کو متاثر کر سکتا ہے کیونکہ پاکستان نے بھارت سے مقابلے کے بائیکاٹ کا اعلان کر رکھا ہے۔ ایسے میں گرین شرٹس کے لیے نیدرلینڈز، امریکا اور نمیبیا کے خلاف فتوحات ناگزیر قرار دی جا رہی ہیں۔
.
ذریعہ
ذریعہ: Jasarat News
کلیدی لفظ: کے لیے
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار