چینی سائنسدانوں کا نئی نسل کیلئے ہتھیار بنانے والا جنریٹر دریافت
اشاعت کی تاریخ: 7th, February 2026 GMT
بیجنگ (ویب ڈیسک) چینی سائنس دانوں نے ایک انتہائی طاقتور انرجی جنریٹر تیار کرنے کا دعویٰ کیا ہے جو مستقبل میں نئی جنریشن کے ہتھیاروں کی تیاری کی بنیاد بن سکتا ہے۔
ماہرین کے مطابق یہ پیش رفت ڈائریکٹ انرجی ویپنز کے شعبے میں ایک اہم قدم تصور کی جا رہی ہے۔
گزشتہ چند برسوں کے دوران ہائی پاور مائیکرو ویو ہتھیار اپنی لامحدود فائرنگ صلاحیت کے باعث روایتی بندوقوں اور میزائلوں کے کم لاگت متبادل کے طور پر عالمی توجہ حاصل کر چکے ہیں، ان ہتھیاروں کی خاص بات یہ ہے کہ یہ روایتی گولہ بارود کے بغیر اہداف کو متاثر کرنے کی صلاحیت رکھتے ہیں۔
رپورٹس کے مطابق چین، روس اور امریکا کے سائنسدان اس بات پر تحقیق کر رہے ہیں کہ آیا ایسی جدید ٹیکنالوجی تیار کی جا سکتی ہے جس کے ذریعے ڈائریکٹ انرجی ہتھیار بنائے جائیں جو خلا میں موجود سیٹلائٹس کو غیر فعال یا تباہ کرنے کی صلاحیت رکھتے ہوں۔
ماہرین کا کہنا ہے کہ روایتی ہتھیاروں کے ذریعے خلا میں سیٹلائٹس کو نشانہ بنانا نہایت مشکل اور خطرناک عمل ہے کیونکہ اس سے مدار میں ملبہ پھیل سکتا ہے، جس کے غیر متوقع نتائج سامنے آ سکتے ہیں، حتیٰ کہ اپنے ہی ملک کے سیٹلائٹس کو بھی نقصان پہنچنے کا خدشہ ہوتا ہے۔
تھیوری کی سطح پر مائیکرو ویو ہتھیار اس مسئلے کا متبادل حل سمجھے جا رہے ہیں، کیونکہ یہ کم سے کم ملبہ پیدا کیے بغیر سیٹلائٹس کو غیر فعال کرنے کی صلاحیت رکھتے ہیں۔
.
ذریعہ
ذریعہ: Daily Mumtaz
کلیدی لفظ: سیٹلائٹس کو
پڑھیں:
رکن پنجاب اسمبلی ثاقب چدھڑ کے اثاثوں کی تفصیلات کیلئے الیکشن کمیشن میں درخواست دائر
لاہور(ڈیلی پاکستان آن لائن)لاہور میں رکن پنجاب اسمبلی ثاقب چدھڑ کے اثاثوں کی تفصیلات حاصل کرنے کے لیے الیکشن کمیشن میں درخواست دائر کر دی گئی۔
نجی ٹی وی سما نیوز کے مطابق درخواست آصف محمود ایڈووکیٹ کی جانب سےجمع کرائی گئی،جس میں ثاقب چدھڑ کےکاغذاتِ نامزدگی اور اثاثوں کی تصدیق شدہ نقول فراہم کرنے کی استدعا کی گئی ہے۔
درخواست گزار کےمطابق ثاقب چدھڑ کےخلاف سپیکرپنجاب اسمبلی کےپاس نااہلی کی درخواست بھی دائر کی جا چکی ہے،اس لیے ان کی رکنیت برقرار رہنےیا نہ رہنے کےمعاملے کی جانچ پڑتال کے لیےانتخابی ریکارڈ کا معائنہ ناگزیر ہے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
درخواست میں مؤقف اختیارکیا گیا ہےکہ رکن پنجاب اسمبلی پرایک خاتون کومہنگی گاڑیاں،قیمتی تحائف اورجائیداد تحفےمیں دینے کے الزامات سامنے آئے ہیں،جن کی روشنی میں ان کی مالی حیثیت اور آمدن کے ذرائع کا قانونی جائزہ لینا عوامی اہمیت کا معاملہ ہے۔
درخواست گزار نےمؤقف اپنایاکہ منتخب نمائندے قانون کے تحت اپنے اثاثے ظاہر کرنے کے پابند ہیں، لہٰذا ثاقب چدھڑ، انکی اہلیہ اور زیرِ کفالت افراد کے تمام پرانے اور نئے اثاثوں کا ریکارڈ فراہم کیا جائے۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ