سوشل میڈیا ریِل بناتے ہوئے نوجوان خاتون پھانسی کے پھندے میں جھول کر ہلاک
اشاعت کی تاریخ: 7th, February 2026 GMT
سوشل میڈیا پر ریلز بنانے کے بڑھتے ہوئے رجحان کا ایک اور افسوسناک نتیجہ سامنے آ گیا، جہاں بھارتی ریاست اترپردیش کے ضلع بندا میں ایک 27 سالہ خاتون ریِل بناتے ہوئے حادثاتی طور پر جان کی بازی ہار گئی۔
پولیس اور اہلِ خانہ کے مطابق متوفیہ موہنی اپنے گھر میں موبائل فون پر ایک ریِل شوٹ کر رہی تھی، جس میں وہ پھانسی کے منظر کی عکس بندی کر رہی تھی۔
یہ بھی پڑھیے معروف انفلوئنسر لائیو اسٹریمنگ کے دوران جاں بحق
اس مقصد کے لیے اس نے گلے میں پھندا ڈالا اور ایک اسٹول پر کھڑی ہو گئی، تاہم اچانک توازن بگڑنے یا پھسلنے کے باعث صورتحال قابو سے باہر ہو گئی اور پھندا کس گیا، جس سے وہ چند ہی لمحوں میں دم توڑ گئی۔
4 سالہ بیٹی نے حقیقت دیکھیحادثے کا انکشاف اس وقت ہوا جب موہنی کی 4 سالہ بیٹی کمرے میں داخل ہوئی۔ ماں کو پھندے سے لٹکا دیکھ کر بچی چیخنے لگی، جس کی آواز سن کر ہمسائے موقع پر پہنچے اور دل دہلا دینے والا منظر دیکھ کر سکتے میں آ گئے۔
پولیس کارروائی اور تحقیقاتاطلاع ملتے ہی پولیس موقع پر پہنچی، لاش کو پھندے سے اتار کر تحویل میں لیا اور پوسٹ مارٹم کے لیے بھجوا دیا۔
یہ بھی پڑھیے سوشل میڈیا انفلوئنسر کی پُراسرار موت، پولیس نے تحقیقات میں کیا انکشاف کیا؟
پولیس حکام کا کہنا ہے کہ واقعے کی ہر پہلو سے تحقیقات کی جا رہی ہیں، تاہم ابتدائی شواہد کے مطابق یہ واقعہ ریِل بناتے ہوئے پیش آنے والا حادثہ معلوم ہوتا ہے۔
یہ افسوسناک واقعہ ایک بار پھر سوشل میڈیا کے بے احتیاط استعمال اور خطرناک مواد بنانے کے رجحان پر سنجیدہ سوالات کھڑے کرتا ہے، جس نے ایک خاندان کو ناقابلِ تلافی صدمے سے دوچار کر دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی ریاست اتر پردیش سوشل میڈیا ریِل.
ذریعہ
ذریعہ: WE News
کلیدی لفظ: بھارتی ریاست اتر پردیش سوشل میڈیا ری ل سوشل میڈیا
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ