اسلام آباد خودکش دھماکے میں پیشرفت، حملہ آور کے 2 بھائی، بہنوئی اور ایک خاتون گرفتار
اشاعت کی تاریخ: 7th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد میں امام بارگاہ پر ہونے والے خودکش دھماکے کی تحقیقات میں مزید اہم پیش رفت سامنے آئی ہے، جہاں پہلے سے گرفتار حملہ آور کے دو بھائیوں اور ایک خاتون کے بعد اب اس کے بہنوئی کو بھی حراست میں لے لیا گیا ہے، جس سے تفتیش کا دائرہ مزید وسیع ہو گیا ہے اور واقعے کے پس منظر سے جڑی کئی نئی کڑیاں سامنے آنے لگی ہیں۔
پولیس ذرائع کے مطابق ابتدائی کارروائی کے دوران پشاور میں چھاپہ مار کر خودکش حملہ آور کے دو بھائیوں اور ایک خاتون کو گرفتار کیا گیا تھا جبکہ تازہ کارروائی میں اس کے بہنوئی کو بھی گرفتار کر لیا گیا ہے، زیر حراست افراد سے ہونے والی پوچھ گچھ کے دوران اہم معلومات ملی ہیں، جن کی بنیاد پر مزید گرفتاریوں کا بھی امکان ظاہر کیا جا رہا ہے۔
ذرائع کا کہنا ہے کہ جائے وقوعہ سے برآمد ہونے والے شناختی کارڈ کی مدد سے حملہ آور کی شناخت یاسر کے نام سے کی گئی، جس کا مستقل پتہ عباس کالونی، شیروجنگی چارسدہ روڈ پشاور جبکہ موجودہ رہائش گاہ گنج محلہ قاضیان پشاور درج ہے، شناختی کارڈ کی برآمدگی نے تفتیش کو درست سمت فراہم کی اور حملہ آور کے پس منظر تک پہنچنے میں مدد ملی۔
تفتیشی حکام نے انکشاف کیا ہے کہ خودکش حملہ آور گزشتہ پانچ ماہ تک افغانستان میں مقیم رہا، جہاں اس نے نہ صرف اسلحہ چلانے بلکہ خودکش حملے کی باقاعدہ تربیت بھی حاصل کی۔
حکام کے مطابق ابتدائی شواہد سے ظاہر ہوتا ہے کہ حملہ آور کو ایک منظم نیٹ ورک کی معاونت حاصل تھی، جو اس کی نقل و حرکت اور منصوبہ بندی میں مدد فراہم کرتا رہا۔
پولیس نے پشاور اور نوشہرہ کے مختلف علاقوں میں حملہ آور کے ممکنہ سہولت کاروں اور رابطوں کی تلاش کے لیے چھاپوں کا سلسلہ مزید تیز کر دیا ہے۔ تفتیشی ٹیمیں تمام پہلوؤں سے تحقیقات کر رہی ہیں تاکہ اس دہشت گرد نیٹ ورک کو مکمل طور پر بے نقاب کیا جا سکے۔
حکام کا کہنا ہے کہ آنے والے دنوں میں مزید اہم گرفتاریاں اور انکشافات متوقع ہیں، جو اسلام آباد میں پیش آنے والے اس افسوسناک واقعے کی مکمل تصویر سامنے لائیں گے۔
دوسری جانب اسلام آباد میں امام بارگاہ پر پیش آئے خودکش دھماکے کے المناک واقعے میں شہید ہونے والے 15 افراد کی نماز جنازہ ادا کر دی گئی۔
ذریعہ
ذریعہ: Jasarat News
کلیدی لفظ: حملہ آور کے اسلام آباد
پڑھیں:
ملک کے مختلف علاقوں میں بارشوں کا سلسلہ جاری، پنجاب، خیبرپختونخوا اور کشمیر میں مزید بارش کی پیشگوئی
ملک بھر میں مون سون کا سلسلہ برقرار ہے، جبکہ محکمہ موسمیات نے آج جمعہ کے روز پنجاب، اسلام آباد، خیبرپختونخوا، شمال مشرقی بلوچستان، آزاد کشمیر اور گلگت بلتستان کے مختلف علاقوں میں گرج چمک کے ساتھ بارش اور چند مقامات پر موسلادھار بارش کی پیش گوئی کی ہے۔
محکمہ موسمیات کے مطابق بحیرہ عرب اور خلیج بنگال سے آنے والی مون سون ہوائیں ملک کے بالائی علاقوں پر اثرانداز ہیں، جبکہ مغربی ہواؤں کا ایک سلسلہ بھی موسم کو متاثر کر رہا ہے۔ اس کے باعث بالائی اور وسطی علاقوں میں بارشوں کا امکان برقرار رہے گا۔
پیش گوئی کے مطابق اسلام آباد، راولپنڈی، لاہور، گوجرانوالہ، سیالکوٹ، نارووال، شیخوپورہ، فیصل آباد، سرگودھا، مری، گلیات، جہلم، اٹک اور چکوال سمیت پنجاب کے مختلف اضلاع میں وقفے وقفے سے بارش متوقع ہے۔ خیبرپختونخوا کے پشاور، مردان، صوابی، نوشہرہ، ایبٹ آباد، مانسہرہ، سوات، دیر، چترال، کوہستان اور دیگر بالائی علاقوں میں بھی گرج چمک کے ساتھ بارش کا امکان ظاہر کیا گیا ہے۔
Hours of torrential rain have triggered severe flooding in Lahore, submerging thousands of homes and affecting millions in Pakistan’s second-largest city. The extreme monsoon weather has caused widespread damage, according to emergency services. Residents say it is the worst… pic.twitter.com/IYCbDSEg9Y
— Al Arabiya English (@AlArabiya_Eng) July 22, 2026
آزاد کشمیر اور گلگت بلتستان میں بھی بارش کا سلسلہ جاری رہنے کی توقع ہے، جبکہ شمال مشرقی بلوچستان کے کوئٹہ، زیارت، ژوب، موسیٰ خیل، بارکھان اور ملحقہ علاقوں میں کہیں کہیں بارش ہو سکتی ہے۔ سندھ کے بالائی اور جنوب مشرقی علاقوں میں چند مقامات پر بارش کا امکان ہے، تاہم صوبے کے بیشتر علاقوں میں موسم گرم اور مرطوب رہے گا۔
محکمہ موسمیات نے خبردار کیا ہے کہ بعض علاقوں میں شدید بارش کے باعث شہری علاقوں میں اربن فلڈنگ، برساتی ندی نالوں میں طغیانی اور پہاڑی علاقوں میں لینڈ سلائیڈنگ کا خطرہ موجود ہے۔ متعلقہ اداروں کو پیشگی اقدامات کرنے جبکہ شہریوں، بالخصوص سیاحوں اور پہاڑی علاقوں کا سفر کرنے والوں کو احتیاط برتنے کی ہدایت کی گئی ہے۔
یہ بھی پڑھیں:خیبر میں سیلابی ریلوں سے 6 افراد جاں بحق، ریسکیو 1122 کا بڑا آپریشن مکمل
ادھر قومی و صوبائی ڈیزاسٹر مینجمنٹ اداروں نے بھی مقامی انتظامیہ کو الرٹ رہنے کی ہدایت کی ہے تاکہ کسی بھی ہنگامی صورتحال سے بروقت نمٹا جا سکے۔ شہریوں سے کہا گیا ہے کہ تیز بارش، آندھی یا گرج چمک کے دوران غیر ضروری سفر سے گریز کریں اور موسم سے متعلق سرکاری ہدایات پر عمل کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این ڈی ایم اے بارش پاکستان سیلاب محکمہ موسمیات
پاکستان نے ورلڈ کپ 2028 کیلیے براہ راست کوالیفائی کر لیا