مرزاپور کے معروف اداکار نے فلم انڈسٹری سے ریٹائرمنٹ کی وجہ بتادی
اشاعت کی تاریخ: 7th, February 2026 GMT
بالی ووڈ کی کامیاب سیریز ’مرزاپور‘ کے اداکار وکرانت میسی نے کہا ہے کہ 2024 میں ریٹائرمنٹ سے متعلق ان کا بیان غلط سمجھا گیا۔
بھارتی میڈیا رپورٹس کے مطابق وکرانت میسی جلد ہی فلم او رومیئو میں نظر آئیں گے، جس میں شاہد کپور اور ترپتی ڈمری بھی مرکزی کردار میں دکھائی دیں گے جب کہ وشال بھردواج کی ہدایت کاری میں بننے والی یہ فلم 13 فروری کو سینما گھروں میں ریلیز ہوگی۔
وکرانت میسی نے اس وقت اپنے مداحوں کو حیران کر دیا تھا جب انہوں نے ایک نوٹ شیئر کیا جس میں لکھا تھا کہ اب وقت آ گیا ہے کہ وہ خود کو دوبارہ سنبھالیں اور گھر لوٹیں۔
2024 میں اس پوسٹ کو پڑھ کر لوگوں نے یہ سمجھ لیا کہ اداکار نے بطور شوہر اور والد اپنی ذمہ داریاں نبھانے کے لیے اداکاری سے ریٹائر ہونے کا فیصلہ کرلیا ہے۔
تاہم، اب اداکار نے وضاحت جاری کی ہے کہ ان کی پوسٹ کو غلط سمجھا گیا انہوں نے یہ بھی بتایا کہ وہ اپنے بیٹے کے پہلے بار ‘پاپا’ کہنے کے لمحے سے محروم رہ گئے تھے۔
وکرت میسی کی ریٹائرمنٹ پوسٹ پر وضاحت
مزید پڑھیںبالی ووڈ کے مشہور کامیڈین اداکار گرفتار
فلم بھاگم بھاگ کے سیکوئل سے گووندا کی چھٹی، کس اداکار کو شامل کیا گیا؟
حال ہی میں بھارتی میڈیا سے گفتگو میں وکرانت میسی نے وضاحت کی کہ 2 دسمبر 2024 کو کی گئی ان کی پوسٹ کا غلط مطلب لیا گیا۔
نیشنل ایوارڈ یافتہ اداکار کا کہنا تھا کہ انہوں نے ایکس پر اپنی پوسٹ میں محدود الفاظ میں ساری بات سمیٹنے کی کوشش کی، مگر پوری بات واضح نہ ہو سکی۔
انہوں نے کہا کہ بہت سی باتیں غلط سمجھ لی گئیں، میں صرف ایک وقفہ لینا چاہتا تھا اور اُس وقت میں شدید برن آؤٹ کا شکار تھا۔
وکرانت میسی نے کہا کہ یہ پہلے ہی مشکل ہوتا ہے، لیکن بطور فنکار اور اداکار ہم ذہنی اور جذباتی طور پر خود کو خرچ کر رہے ہوتے ہیں، جو انسان کو تھکا دیتا ہے۔
اداکار نے مزید بتایا کہ 7 ماہ کے وقفے کے دوران انہوں نے اپنی تمام فلمیں دیکھیں، تب انہیں احساس ہوا کہ اگر وہ خود کو اگلے درجے تک لے جانا چاہتے ہیں تو انہیں بطور اداکار خود کو مزید بہتر بنانا ہوگا۔
.
ذریعہ
ذریعہ: Express News
کلیدی لفظ: وکرانت میسی نے اداکار نے انہوں نے خود کو
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ