شبر زیدی کا موقف: آئی ایم ایف سے چھٹکارا پانا بے کار ہے
اشاعت کی تاریخ: 7th, February 2026 GMT
سابق چیئرمین ایف بی آر اور معروف ماہرِ معیشت شبر زیدی نے کہا ہے کہ آئی ایم ایف سے جلدی چھٹکارا پانے کی بات بے جا اور عملی طور پر مشکل ہے۔
یہ بیان انہوں نے سالانہ کراچی ادبی میلے کی تقریب کے دوران اپنی کتاب کی رونمائی کے موقع پر دیا۔ شبر زیدی نے خطاب میں کہا کہ معیشت کے معاملات کے بارے میں حقیقی علم وہی رکھتے ہیں جو ملک کی معیشت چلا رہے ہیں، اس لیے عوام کو ان سے ہی رہنمائی لینی چاہیے۔
انہوں نے مزید کہا کہ اسٹیٹ بینک ایف بی آر کے مقابلے میں 100 گنا بہتر ادارہ ہے، اور اگر ایف بی آر کی کارکردگی کو بہتر بنانا ہے تو اسے کراچی منتقل کرنے پر غور کیا جا سکتا ہے۔
واضح رہے کہ کراچی کے ایک مقامی ہوٹل میں تین روزہ سالانہ کراچی لٹریچر فیسٹیول (KLF) جاری ہے، جس کے تحت کراچی ادبی میلے کی تقریب گزشتہ روز شروع ہوئی۔
ذریعہ
ذریعہ: Daily Mumtaz
پڑھیں:
بانی سے ملاقات نہ ہوئی تو وفاقی بجٹ پاس نہیں ہونے دیں گے: سہیل آفریدی
راولپنڈی (اپنے سٹاف رپورٹر سے) وزیراعلیٰ خیبر پی کے محمد سہیل آفریدی نے اپنی اور صوبائی مشیر خزانہ کی بانی چیئرمین پاکستان تحریک انصاف سے ملاقات کرانے کا مطالبہ کرتے ہوئے کہا ہے کہ بانی سے بجٹ پر رہنمائی حاصل کرنا ضروری‘ اس کے لیے اسلام آباد ہائیکورٹ سے بھی رجوع کیا جائے گا۔ علیمہ خان کے ساتھ اڈیالہ جیل کے باہر گفتگو کرتے ہوئے وزیراعلیٰ نے کہا کہ ہمیں مزید دیوار سے لگانے کی کوشش اور ملاقات کا حق نہ دیا گیا تو 10 جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیا جائے گا۔ انہوں نے کہا کہ خیبر پی کے میں حکومت عمران خان کی ہے، اسے ان کے سوا کوئی ختم نہیں کر سکتا۔ انہوں نے مزید کہا کہ حکومت کے پاس نہ موثر داخلہ پالیسی ہے اور نہ ہی خارجہ پالیسی۔ آنے والا وفاقی بجٹ عوام پر ایک معاشی ایٹم بم ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ